ଆକାଶରୁ ଖସୁଛି ନିଆଁ ପିଣ୍ଡୁଳା : ୪୪.୫ ଡିଗ୍ରୀ ସହ ସୋନପୁରରେ ସର୍ବାଧିକ ତାପମାତ୍ରା ରେକର୍ଡ, ରାଜ୍ୟର ୨୪ ସହରର ତାପମାତ୍ରା ୪୦ ଉପରେ
ଭୁବନେଶ୍ୱର(କେନ୍ୟୁଜ୍): ଅସମ୍ଭାଳ ତାତି, ଜନଜୀବନ ଅସ୍ତବ୍ୟସ୍ତ । ସୋନପୁରରେ ଆଜି ସର୍ବାଧିକ ତାପମାତ୍ରା ୪୪.୫ ଡିଗ୍ରୀ ସେଲସିୟସ ରେକର୍ଡ କରାଯାଇଛି । ୪୪ ଡିଗ୍ରୀ ସେଲସିୟସ ଉପରେ ୪ ଟି ସହରର ତାପମାତ୍ରା ରହିଛି । ୪୦ ଉପରେ ୨୪ ସହରର ପାରଦ ।
ରାଜ୍ୟର ୨୪ ସହରରେ ଦିନର ତାତି ୪୦ ଡ଼ିଗ୍ରୀ ଉପରେ ରେକର୍ଡ
୧୧ ସହର ରେ ଦିନ ତାପମାତ୍ରା ୪୩ ଡ଼ିଗ୍ରୀ କିମ୍ବା ଅଧିକ ରେକର୍ଡ
୪୪.୫ ଡ଼ିଗ୍ରୀ ସହ ସୋନପୁର ରାଜ୍ୟର ଉତ୍ତପ୍ତ ସହର
ଅନୁଗୁଳ ରେ ୪୪.୧ ଡ଼ିଗ୍ରୀ, ବଲାଙ୍ଗୀର ଏବଂ ଝାରସୁଗୁଡ଼ାରେ ୪୪ ଡ଼ିଗ୍ରୀ ରେକର୍ଡ pic.twitter.com/lUsCsX3c8Q
— Meteorological Centre, Bhubaneswar (@mcbbsr) April 27, 2022
ସେହିପରି ୪୩ ଡିଗ୍ରୀ ସେଲସିୟସ ଉପରେ ରହିଛି ୧୧ ସହରର ତାପମାତ୍ରା । ସୋନପୁର-୪୪.୫, ଅନୁଗୁଳ-୪୪.୧, ବଲାଙ୍ଗୀର-୪୪.୦, ଝାରସୁଗୁଡ଼ା-୪୪.୦, ସମ୍ବଲପୁର-୪୩.୮ ଓ ସୁନ୍ଦରଗଡ଼-୪୩.୫ ଡିଗ୍ରୀ ସେଲସିୟସ ତାପମାତ୍ରା ରେକର୍ଡ କରାଯାଇଛି । ବରଗଡ଼-୪୩.୪, ଟିଟିଲାଗଡ଼ରେ ୪୩.୨ ଓ ଭୁବନେଶ୍ୱରରେ ୪୦.୩ ଡିଗ୍ରୀ ସେଲସିୟସ ତାପମାତ୍ରା ରହିଛି । ଆହୁରି ୫ ଦିନ ଯାଏ ନିସ୍ତାର ନାହିଁ । ବିଭିନ୍ନ ଜିଲ୍ଲାକୁ ହିଟ୍ େଓ୍ଵଭ୍ ପାଇଁ ୟେଲୋ ଓ୍ଵାର୍ଣ୍ଣିଂ ଜାରି । ୨୯ ତାରିଖ ଯାଏ ୧୧ଟି ଜିଲ୍ଲା ଓ ୩୦ ତାରିଖରେ ୮ ଜିଲ୍ଲାକୁ ହିଟୱେଭ ୱାର୍ଣ୍ଣିଂ ଜାରି କରାଯାଇଛି ।.
