ବିଡିଓ ଅଫିସ ଆଗରେ ଗୁଆଗଡ଼ିଆ ଜିଆରଏସ୍ଙ୍କ ଆତ୍ମାହୂତି ଉଦ୍ୟମ, ୧୦ ମାସ ହେଲା ଦରମା ମିଳିନଥିବା ଅଭିଯୋଗ
ଭଦ୍ରକ: ଭଦ୍ରକ ଜିଲ୍ଲା ବାସୁଦେବପୁର ଗୁଆଗଡ଼ିଆ ପଞ୍ଚାୟତର ଜିଆରଏସ୍ ଉତ୍କଳ ମଳିକଙ୍କ ବିଡିଓ ଅଫିସ ଆଗରେ ଆତ୍ମାହୂତି ଉଦ୍ୟମ । ଦେହରେ କିରୋସିନ ଢାଳି ନିଆଁ ଲଗାଇ ଆତ୍ମାହୂତି ପାଇଁ ଉଦ୍ୟମ କରିଥିଲେ । ଉପସ୍ଥିତ ବ୍ଲକ କର୍ମଚାରୀ ତାଙ୍କୁ ଅଟକାଇଥିଲେ । ଜିଆରଏସ ଉତ୍କଳ ମଳିକଙ୍କୁ ୧୦ ମାସ ହେଲା ଦରମା ମିଳିନଥିବା ଅଭିଯୋଗ କରିଛନ୍ତି ।
ଏନେଇ ବିଡିଓଙ୍କ ଠାରୁ ଆରମ୍ଭ କରି ଜିଲ୍ଲାପାଳଙ୍କ ଯାଏ ସମସ୍ତଙ୍କୁ ସେ ଗୁହାରୀ କରିଥିଲେ ମଧ୍ୟ କେହି ଶୁଣିଲେନି । ଏଥିରେ ନିରାଶ ହୋଇ ପରିବାର ସହ ବାସୁଦେବପୁର ବିଡିଓଙ୍କ କାର୍ଯ୍ୟାଳୟ ନିକଟରେ ଉତ୍କଳ ପହଞ୍ଚି ଆତ୍ମାହୂତି ଉଦ୍ୟମ କରିଥିଲେ । ଅନ୍ୟପଟେ ବିଡିଓ କହିଛନ୍ତି, ଜିଆରଏସ ଉତ୍କଳ କାମ କରୁନଥିବାରୁ ତାଙ୍କ ଦରମା ବନ୍ଦ ରହିଛି ।
