ଆଜି କଳାହାଣ୍ଡି ଓ ନୂଆପଡ଼ାରେ ମାରାଥନ କ୍ୟାମ୍ପେନ କରିବେ ବିଜେଡି ସୁପ୍ରିମୋ
ବିଜେଡି କ୍ୟାମ୍ପେନ ଘମାଘୋଟ । ମଙ୍ଗ ଧରିଛନ୍ତି ନିଜେ ସୁପ୍ରିମୋ ନବୀନ ପଟ୍ଟନାୟକ । ଆଜି କଳାହାଣ୍ଡି ଓ ନୂଆପଡ଼ାରେ ମାରାଥନ କ୍ୟାମ୍ପେନ କରିବେ ନବୀନ। ପୂର୍ବାହ୍ନ ୧୧ଟା ୫ ମିନିଟରେ ଭବାନୀପାଟଣା ଶ୍ରୀକୃଷ୍ଣ ନଗରରେ ପହଁଚି ଦଳୀୟ କାର୍ଯ୍ୟକ୍ରମରେ ଯୋଗ ଦେବେ ।
ଭୁବନେଶ୍ୱର (କେନ୍ୟୁଜ): ବିଜେଡି କ୍ୟାମ୍ପେନ ଘମାଘୋଟ । ମଙ୍ଗ ଧରିଛନ୍ତି ନିଜେ ସୁପ୍ରିମୋ ନବୀନ ପଟ୍ଟନାୟକ । ଆଜି କଳାହାଣ୍ଡି ଓ ନୂଆପଡ଼ାରେ ମାରାଥନ କ୍ୟାମ୍ପେନ କରିବେ ନବୀନ। ପୂର୍ବାହ୍ନ ୧୧ଟା ୫ ମିନିଟରେ ଭବାନୀପାଟଣା ଶ୍ରୀକୃଷ୍ଣ ନଗରରେ ପହଁଚି ଦଳୀୟ କାର୍ଯ୍ୟକ୍ରମରେ ଯୋଗ ଦେବେ ।
ନବୀନଙ୍କ ସହ କଳାହାଣ୍ଡିର ୫ ବିଧାନସଭା ପ୍ରାର୍ଥୀ ଓ ସାଂସଦ ପ୍ରାର୍ଥୀ ଉପସ୍ଥିତ ରହିବେ । ବିଜୁ ଜନତା ଦଳକୁ ଭୋଟ ଦେବାକୁ ମୁଖ୍ୟମନ୍ତ୍ରୀ ନିବେଦନ କରିବେ । କଳାହାଣ୍ଡି ପରେ ମଧ୍ୟାହ୍ନ ୧୨ଟା ୧୦ରେ ନୂଆପଡ଼ା ଜିଲ୍ଲାର ଖଡ଼ିଆଳରେ ନିର୍ବାଚନୀ ସଭାରେ ଯୋଗ ଦେବେ ମୁଖ୍ୟମନ୍ତ୍ରୀ ।
ଆସନ୍ତା ୧୩ରେ ରାଜ୍ୟର ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ଭୋଟ ଗ୍ରହଣ ହେବ । ପ୍ରଥମ ପର୍ଯ୍ୟାୟରେ କଳାହାଣ୍ଡି, ନବରଙ୍ଗପୁର, କୋରାପୁଟ ଓ ବ୍ରହ୍ମପୁର ଲୋକସଭା ଆସନ ଏବଂ ଏହା ଅଧୀନରେ ଆସୁଥିବା ୨୮ଟି ବିଧାନସଭା ଆସନରେ ଭୋଟ ଗ୍ରହଣ ହେବ । ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ପ୍ରଚାର ଉଷ୍ମତା ଶୀର୍ଷରେ ପହଞ୍ଚିଛି ।
