ଜମିବାଡ଼ିକୁ ନେଇ ସୀମା ଟପିଲା ବର୍ବରତା: ଗଛରେ ବାନ୍ଧି ମହିଳାଙ୍କୁ ଅର୍ଦ୍ଧ ଉଲଗ୍ନ କରି ମାଡ଼ ମାରିଲେ କିଛି ମହିଳା
ଭଦ୍ରକ : ସୀମା ଟପିଲା ବର୍ବରତା । ମହିଳାଙ୍କ ଇଜ୍ଜତ ସହ ଖେଳିଲେ ମହିଳା । ଗଛରେ ବାନ୍ଧି ଜଣେ ମହିଳାଙ୍କୁ ଅର୍ଦ୍ଧ ଉଲଗ୍ନ କରି ମାଡ଼ ମାରିଲେ ଅନ୍ଯ ମହିଳା । ଭଦ୍ରକ ସହରାଞ୍ଚଳ ଥାନା ବରାଳ ପୋଖରୀ ହନୁମାନ ସାହିରେ ଘଟିଛି ଏଭଳି ଏକ ଅଭାବନୀୟ ଘଟଣା ।
କିଛି ମହିଳା ଏକାଠି ହୋଇ ମହିଳା ଜଣଙ୍କୁ ଗଛରେ ବାନ୍ଧି ଅର୍ଦ୍ଧ ଉଲଗ୍ନ କରି ମାଡ଼ ମାରୁଛନ୍ତି । ପରେ ମହିଳାଙ୍କୁ ସ୍ଥାନୀୟ ଲୋକ ଉଦ୍ଧାର କରିଛନ୍ତି । ଏନଇ ଭଦ୍ରକ ସହରାଞ୍ଚଳ ଥାନାରେ ଅଭିଯୋଗ ହୋଇଛି । ସେହି ଗାଁର ରବୀନ୍ଦ୍ର ଦଳେଇ ଗାଁର କିଛି ଲୋକଙ୍କ ଜମିବାଡ଼ିକୁ ନେଇ ବିବାଦ ଥିଲା ।
ଏନେଇ ମଧ୍ୟ ପୂର୍ବରୁ ଉଭୟ ପକ୍ଷରୁ ଥାନାରେ ମାମଲା ରୁଜୁ ହୋଇଥିଲା । ପୂର୍ବ ଶତ୍ରୁତାକୁ ନେଇ ରବୀନ୍ଦ୍ରଙ୍କ ଅନୁପସ୍ଥିତିରେ ତାଙ୍କ ସ୍ତ୍ରୀ ମାନସୀଙ୍କୁ ଅପରପକ୍ଷର କିଛି ମହିଳା ଗଛରେ ବାନ୍ଧି ଦେବା ସହ ମାଡ଼ ମାରିଥିଲେ ।
