କେନ୍ଦୁଝର: ସପିଂ ମଲରେ ଡ୍ରେସ ଚେଞ୍ଜ କଲା ବେଳେ ଏମିତି ଉପାୟରେ ଯୁବତୀଙ୍କ ଫଟୋ ସୁଟ୍ କରୁଥିଲେ ଯୁବକ, ଧରାପଡିବା ପରେ ଗଲେ ଥାନାକୁ
କେନ୍ଦୁଝର(କେନ୍ୟୁଜ୍): କେନ୍ଦୁଝର VMART MALLର ଟ୍ରାଏଲ ରୁମରେ ଯୁବତୀ ଟ୍ରାଏଲ କରୁଥିବାର ଦୃଶ୍ୟକୁ ଜଣେ ଯୁବକ ଫଟୋ ଉଠାଇବା ବେଳେ କାବୁ କଲେ ଲୋକେ। ପରେ ପୋଲିସକୁ ହସ୍ତାନ୍ତର କଲେ। ପୋଲିସ ସୁଟିଂ କରୁଥିବା ଯୁବକୁ ଗିରଫ କରି କୋର୍ଟ ଚାଲଣ କରିଛି । ଗିରଫ ଯୁବକ ଜଣକ କେନ୍ଦୁଝର ପୁରୁଣା ବଜାରର ମହମ୍ମଦ ଆତିଫ ବୋଲି ଜଣାଯାଇଛି।
ମିଳିଥିବା ସୂଚନା ମୁତାବକ ଆଜି କେନ୍ଦୁଝର ଟାଉନ ଥାନା ଅନ୍ତର୍ଗତ ଥିବା ଭି-ମାର୍ଟ ସପିଂ ମଲରେ ଜଣେ ଯୁବତୀଙ୍କ ପସନ୍ଦ ମୁତାବକ ପୋଷାକ କିଣି ବାକୁ ଯାଇଥିଲେ । ସେଠାରେ ପସନ୍ଦ ହୋଇଥିବା ଡ୍ରେସ ଟିକୁ ଟ୍ରାଏଲ କରୁଥିବା ସମୟରେ ଅନ୍ୟ ଏକ ମହିଳା ଟ୍ରାଏଲ ରୁମରୁ ଜଣେ ଯୁବକ ଫୋଟୋ ଉତ୍ତୋଳନ କରିଥିଲେ । ଏହାକୁ ଜାଣି ପାରି ଯୁବତୀ ଜଣକ ପାଟି କଲା ପରେ ନିକଟରେ ଥିବା ପରିବାର ଲୋକେ ଯୁବକଙ୍କୁ କାବୁ କରିଥିଲେ । ପରେ ଯୁବକକୁ ଟାଉନ ଥାନାରେ ଜିମା ଦେଇଥିଲେ ।
ପୋଲିସ ଅଭିଯୁକ୍ତକୁ ଗିରଫ କରି IPC 354 ସି ,ଡି ଓ 506 ଧାରରେ ମାମଲା ରୁଜୁକରିଛି। ଟାଉନ ଥାନା ପକ୍ଷରୁ ସପିଂ ମଲକୁ ଯାଇ ସରଜମିନ ତଦନ୍ତ କରାଯାଇଥିଲା ବେଳେ ଯୁବକଙ୍କୁ ଅଟକ ରଖି ଅଧିକ ତଦନ୍ତ ରହିଥିବା ଜଣାପଡିଛି । ସହର ମୁଖ୍ଯାଳୟରେ ସପିଂ ମଲ ମଧ୍ୟରେ ସୁରକ୍ଷା କର୍ମୀ ଅଭାବରୁ ଏଭଳି ଘଟଣା ସହର ମଧ୍ୟରେ ଚର୍ଚ୍ଚାର ବିଷୟ ପାଲଟିଛି।
