ଯଦି ଆପଣ ନିଜ କମ୍ପ୍ୟୁଟରରେ କୌଣସି ଜରୁରୀ କାମ କରୁଛନ୍ତି କିନ୍ତୁ ମାଉସ କାମ କରୁନି କିମ୍ବା ଲାପଟପର ଟ୍ରାକପ୍ୟାଡ୍ ଖରାପ ହୋଇଯାଇଛି ତେବେ ଆଉ ବ୍ୟସ୍ତ ହୁଅନ୍ତୁ ନାହିଁ । ଯଦି ଆପଣଙ୍କର ସ୍ମାର୍ଟଫୋନ୍ ଅଛି ତେବେ ଏହି ସବୁ ସମସ୍ୟାର ସମାଧାନ ସହଜରେ ହୋଇପାରିବ । ଏବେ PC କିମ୍ବା ଲାପଟପ୍ ପାଇଁ ସ୍ମାର୍ଟଫୋନକୁ ଆପଣ ମାଉସ୍ ଭାବରେ ବ୍ୟବହାର କରିପାରିବେ । ସେଥିପାଇଁ ଆପଣଙ୍କୁ ନିଜ ସ୍ମାର୍ଟଫୋନରେ କେବଳ ମୋନେକ୍ଟ PC ରିମୋଟ (Monect PC Remote) ଆପ୍ ଡାଉନଲୋଡ୍ କରିବାକୁ ପଡିବ ।
ଯଦି ଆପଣ ନିଜ ସ୍ମାର୍ଟଫୋନରେ ଏହି ଆପ୍ ଡାଉନଲୋଡ୍ କରିଛନ୍ତି ତେବେ ଆପଣ ବ୍ଲୁଟୁଥ୍ କିମ୍ବା ୱାଇଫାଇ ଏବଂ USB ସାହାଯ୍ୟରେ କମ୍ପ୍ୟୁଟରକୁ ରିମୋଟଲି କଣ୍ଟ୍ରୋଲ କରିପାରିବେ । ଯଦି ଆପଣ କମ୍ପ୍ୟୁଟରକୁ ଗେମିଙ୍ଗ ପାଇଁ ବ୍ୟବହାର କରୁଛନ୍ତି ତାହେଲେ ଏହା ଫୋନର ସେନ୍ସର ଯେପରିକି ଜିରୋ, ଏକ୍ସେଲେରୋମିଟର ଇତ୍ୟାଦି ବ୍ୟବହାର କରିବାର ସୁବିଧା ମଧ୍ୟ ଦେଇଥାଏ । ଏହି ଆପ୍ ସହିତ କନେକ୍ଟ କରିବା ପରେ ଆପଣ କେବଳ ନିଜ କମ୍ପ୍ୟୁଟର କିମ୍ବା ଲାପଟପକୁ ସହଜରେ କଣ୍ଟ୍ରୋଲ କରିପାରିବେ ତା ନୁହେଁ ବରଂ ଏହା ଡିଭାଇସ୍ ମଧ୍ୟରେ ଫାଇଲ୍ ଟ୍ରାନ୍ସଫରର ସୁବିଧା ମଧ୍ୟ ପ୍ରଦାନ କରିଥାଏ ।
ତାହେଲେ ଆସନ୍ତୁ ଜାଣିବା କିପରି କରିବେ ବ୍ୟବହାର ?
- ଏହାକୁ ବ୍ୟବହାର କରିବାକୁ ହେଲେ ଆପଣଙ୍କୁ ପ୍ରଥମେ ନିଜ କମ୍ପ୍ୟୁଟର କିମ୍ବା ଲାପଟପରେ ମୋନେକ୍ଟ ଡେସ୍କଟପ୍ ସର୍ଭର କ୍ଲାଏଣ୍ଟ (Monect desktop server client) ଇନଷ୍ଟଲ କରିବାକୁ ପଡିବ ।
- ଏହା ପରେ ଗୁଗୁଲ ପ୍ଲେ ଷ୍ଟୋର କିମ୍ବା ଆପଲ ଷ୍ଟୋରରୁ ନିଜ ଫୋନରେ ମୋନେକ୍ଟ PC ରିମୋଟ (Monect PC Remote) ଆପ ଇନଷ୍ଟଲ କରନ୍ତୁ ।
- ଆପ୍ ଓପନ ହେବା କନେକ୍ଟ ଟୁ PC ସିଲେକ୍ଟ କରନ୍ତୁ । ତାପରେ ଏହାକୁ ୱାଇଫାଇ କିମ୍ବା ଫୋନ୍ ହଟ ସ୍ପଟ୍ ସାହାଯ୍ୟରେ କନେକ୍ଟ କରିବାକୁ ପଡିବ । ଯଦି ଇଣ୍ଟରନେଟ୍ କନେକ୍ସନ ନାହିଁ ତେବେ USB ସାହାଯ୍ୟରେ ମଧ୍ୟ ଆପଣ କନେକ୍ଟ କରିପାରିବେ । ଏଥିପାଇଁ ଆପଣଙ୍କୁ USB ଟେଥରିଂ ଅପ୍ସନ୍ ବ୍ୟବହାର କରିବାକୁ ପଡିବ ।
- ଥରେ ଏହି ଆପ୍ କମ୍ପ୍ୟୁଟର ସହିତ କନେକ୍ଟ ହୋଇଗଲା ପରେ ଏହା ସାହାଯ୍ୟରେ ଆପଣ PCକୁ ରିମୋଟଲି କଣ୍ଟ୍ରୋଲ କରିପାରିବେ ।
କଣ ରହିଛି ଏହାର ଫିଚର୍ସ ?
- ଏହା ସାହାଯ୍ୟରେ ଆପଣ ଯେକୌଣସି ପ୍ରକାରର ଗେମ୍ ଖେଳିପାରିବେ । ଏଥିପାଇଁ ସ୍ୱତନ୍ତ୍ର ଭାବରେ ବଟନ୍ ଗୁଡିକ ଡିଜାଇନ୍ କରାଯାଇଛି । ଯଦି ଆପଣ ଚାହାଁନ୍ତି ତାହେଲେ ଆପଣ ଲେଆଉଟ୍ ମଧ୍ୟ ଚେଞ୍ଜ କରିପାରିବେ ।
- ଏଥିରେ ଆପଣଙ୍କୁ ରିମୋଟ୍ ମାଉସ୍ ସହିତ କୀବୋର୍ଡର ସୁବିଧା ମଧ୍ୟ ମିଳିବ ।
- ଏହା ସାହାଯ୍ୟ ଫୋନକୁ ଆପଣ ୱେବକ୍ୟାମ ପରି ମଧ୍ୟ ବ୍ୟବହାର କରିପାରିବେ ।
- ମିଡିଆ, ପିପିଟି ଏବଂ ଗେମ୍ସ କଣ୍ଟ୍ରୋଲ ଭଳି ଫିଚର୍ସ ମଧ୍ୟ ଏଥିରେ ରହିଛି । କେବଳ ସେତିକି ନୁହେଁ ଏଥିରେ ୱେୟାରଲେସ ଫାଇଲ ଟ୍ରାନ୍ସ୍ଫର ସହିତ ସ୍କ୍ରିନ ସେୟାରର ସୁବିଧା ମଧ୍ୟ ରହିଛି ।
- ଏହା ସିକ୍ୟୁରିଟି ପାଇଁ 256 ବିଟ୍ AES ସେସନ ଏନକୋଡିଂ ଏବଂ ରିମୋଟ୍ ନେଟୱାର୍କର ବ୍ୟବହାର କରିଥାଏ ।
- ଏହା ଏକ ଫ୍ରି ଆପ୍ । ଆପଣ ଏହାକୁ ଆଣ୍ଡ୍ରଏଡ୍, iOS, ଡେସ୍କଟପ୍ ପାଇଁ ମଧ୍ୟ ଡାଉନଲୋଡ୍ କରିପାରିବେ ।