ସୁଶାନ୍ତ ସିଂ ରାଜପୁତ ମାମଲାରେ ନୂଆ ମୋଡ଼ । ନିକଟରେ ଏମିତି କିଛି ମାମଲା ସାମ୍ନାକୁ ଆସିଛି ଯାହା ବର୍ତ୍ତମାନ ଯାଞ୍ଚ ଏଜେନ୍ସିକୁ ମଧ୍ୟ ସାହାଯ୍ୟ କରିପାରିବ । ସୁଶାନ୍ତ ମାମଲାରେ ଦୁଇଟି ଆମ୍ବୁଲାନ୍ସର ଥିଓରୀ ଦୀର୍ଘ ଦିନ ଧରି ଚାଲିଆସୁଛି । ପ୍ରଶ୍ନ ଉଠିଛି ଯେ ଏମିତି କ’ଣ ହୋଇଥିଲା ଯେଉଁଥିପାଇଁ ଗୋଟିଏ ସ୍ଥାନକୁ ଦୁଇ ଦୁଇଟି ଆମ୍ବୁଲାନ୍ସ ଆସିବାକୁ ପଡିଲା ।
ଆମ୍ବୁଲାନ୍ସ ମାଲିକ ବିଶାଲଙ୍କ କହିବା ଅନୁଯାୟୀ ଜୁନ୍ 14 ରେ ଦୁଇଟି ଆମ୍ବୁଲାନ୍ସ ଘଟଣାସ୍ଥଳକୁ ଯାଇଥିଲା । ତାଙ୍କ କହିବାନୁସାରେ, ପୂର୍ବରୁ ଯାଇଥିବା ଆମ୍ବୁଲାନ୍ସରେ ଷ୍ଟ୍ରେଚର ଖରାପ ଥିଲା ତେଣୁ ଶୀଘ୍ର ଅନ୍ୟ ଏକ ଆମ୍ବୁଲାନ୍ସ ସେଠାକୁ ପଠାଯାଇଥିଲା । ବିଶାଲ ଏହା ମଧ୍ୟ ସ୍ୱୀକାର କରିଛନ୍ତି ଯେ ଏହି କାରଣରୁ ଘଟଣାସ୍ଥଳରେ ଅଧିକ ସମୟ ଲାଗିଥିଲା ।
ତେବେ ଆଶ୍ଚର୍ଯ୍ୟର କଥା ସୁଶାନ୍ତଙ୍କ ବନ୍ଧୁ ସନ୍ଦୀପ କ୍ରମାଗତ ଭାବରେ ଦାବି କରିଆସୁଥିଲେ ଯେ ସେ ନିଜେ ଆମ୍ବୁଲାନ୍ସର ଡ୍ରାଇଭରଙ୍କୁ ଟଙ୍କା ଦେଇଛନ୍ତି । କିନ୍ତୁ ବର୍ତ୍ତମାନ ବିଶାଲ କହିଛନ୍ତି ଯେ ଏହି ଟଙ୍କା ତାଙ୍କୁ ସୁଶାନ୍ତଙ୍କ ମ୍ୟାନେଜର ସାମୁଏଲ ମିରାଣ୍ଡା ଦେଇଛନ୍ତି । ଅର୍ଥାତ୍ ସନ୍ଦୀପ ଯାହା କହିଥିଲେ ତାହା ମିଛ ଥିଲା । କେବଳ ଏତିକି ନୁହେଁ ବିଶାଲ ଏହା ମଧ୍ୟ କହିଛନ୍ତି ଯେ ତାଙ୍କୁ ସମ୍ପୂର୍ଣ୍ଣ 8100 ଟଙ୍କା ଦିଆଯାଇଛି ଏବଂ ସାମୁଏଲ ତାଙ୍କୁ ଏହି ପଇସା ଦେଇଥିଲେ ।