ନୂଆଦିଲ୍ଲୀ : ଟେଲିକମ୍ କମ୍ପାନୀ ଭୋଡାଫୋନ ନିଜ ଗ୍ରାହକଙ୍କ ପାଇଁ ନୂଆ ପ୍ରିପେଡ ପ୍ଳାନ ଲଞ୍ଚ କରିଛି। ଏହି ପ୍ଳାନର ମୂଲ୍ୟ ମାତ୍ର ୨୯୯ ଟଙ୍କା ରହିଥିବା ବେଳେ ଏଥିରେ ଗ୍ରାହକ ୭୦ ଦିନ ପାଇଁ ମାଗଣା କଲିଂ ଏବଂ ଦୈନିକ ୩ଜିବି ଡାଟାର ଲାଭ ଉଠାଇପାରିବେ। ନିକଟରେ ଭୋଡାଫୋନ ନିଜ ଗ୍ରାହକଙ୍କୁ ଖୁବ ମନଲୋଭା ଅଫର ଦେଇଛି ଯାହା ମଧ୍ୟରେ ଏହି ପ୍ଳାନ ମଧ୍ୟ ସାମିଲ ରହିଛି।
ଭୋଡାଫୋନ ୨୯୯ମୂଲ୍ୟର ପ୍ରିପେଡ ପ୍ଳାନରେ ୭୦ ଦିନର ଭାଲିଡିଟି ମିଳିବ। ଏହି ଅଫରରେ ଗ୍ରାହକଙ୍କୁ ମାଗଣା ଅନଲିମିଟେଡ ଲୋକାଲ, ଏସଟିଡି ଏବଂ ରୋମିଂ କଲର ସୁବିଧା ମିଳିବ। ଏଥିସହ ଗ୍ରାହକ ଏହି ପ୍ଳାନରେ ଦୈନିକ ୧୦୦୦ଟି ଏସଏମଏସ ଏବଂ ୩ଜିବି ଡାଟାର ଫାଇଦା ମଧ୍ୟ ଉଠାଇ ପାରିବେ।
ତେବେ ଏହା ପୂର୍ବରୁ ମଧ୍ୟ ଭୋଡାଫୋନ ତାହାର ଗ୍ରାହକଙ୍କ ପାଇଁ ୨୨୯ମୂଲ୍ୟର ପ୍ଳାନ ଲଞ୍ଚ କରିଥିଲା। ଯେଉଁଥିରେ ଗ୍ରାହକଙ୍କୁ ଅନଲିମିଟେଡ କଲିଂ ଏବଂ ଦୈନିକ ୨ଜିବି ଡାଟାର ସୁବିଧା ମିଳିବ। କମ୍ପାନୀ ଏହାର ବୈଧତା ୨୮ ଦିନ ରଖିଥିବା ବେଳେ ଏଥିରେ ଗ୍ରାହକଙ୍କୁ ସମୁଦାୟ ୫୬ଜିବି ଡାଟା ମିଳିବ।