ଆମେରିକାର ଆର୍ ବୋନି ଗାବ୍ରିଏଲ୍ ହେଲେ ୭୧ତମ ମିସ୍ ୟୁନିଭର୍ସ; ପୂର୍ବତନ ମିସ୍ ୟୁନିଭର୍ସ ହରନାଜ୍ ସିନ୍ଧୁ ପିନ୍ଧାଇଲେ ନୂଆ ମୁକୁଟ
ଆମେରିକାର ଆର୍ ବୋନି ଗାବ୍ରିଏଲ୍ ହୋଇଛନ୍ତି ୭୧ତମ ମିସ୍ ୟୁନିଭର୍ସ। ୨୦୨୨ ମିସ୍ ୟୁନିଭର୍ସର ମୁକୁଟ ପିନ୍ଧିଛନ୍ତି ଗାବ୍ରିଏଲ୍। ଆମେରିକାର ଲୁଇସିୟାନା ଷ୍ଟେଟ୍ର ନ୍ୟୁ ଓର୍ଲେଅନ୍ସ ସହରରେ ଆୟୋଜିତ ହୋଇଥିଲା ଏହି ମିସ୍ ୟୁନିଭର୍ସ ବ୍ୟୁଟି ପ୍ୟାଜେଣ୍ଟ, ଯେଉଁଠି ବ୍ରହ୍ମାଣ୍ଡ ସୁନ୍ଦରୀ ଟାଇଟଲ୍ ଜିତିଛନ୍ତି ଆମେରିକାର ବୋନି ଗାବ୍ରିଏଲ୍। ସାରା ବିଶ୍ୱର ୮୪ ପ୍ରତିଯୋଗୀଙ୍କୁ ପଛରେ ପକାଇ ଆର୍ ବୋନି ଗାବ୍ରିଏଲ୍ ଟାଇଟଲ୍ ବିଜୟିନୀ ହୋଇଛନ୍ତି। ପୂର୍ବତନ ମିସ୍ ୟୁନିଭର୍ସ ହରନାଜ୍ ସିନ୍ଧୁ ତାଙ୍କୁ ଏହି ମୁକୁଟ ପିନ୍ଧାଇଥିଲେ।
କହି ରଖୁଛୁ, ଟପ୍ ୩ ପ୍ରତିଯୋଗୀଙ୍କ ତାଲିକାରେ ଭେନେଜୁଏଲାର ଅମାଣ୍ଡା ଡୁଡାମେଲ ନ୍ୟୁମେନ, ଆମେରିକାର ଆର୍ ବୋନି ଗାବ୍ରିଏଲ୍ ଓ ଡୋମିନିକନ ରିପବ୍ଲିକର ଏଣ୍ଡ୍ରିନା ମାର୍ଟିନେଜଙ୍କୁ ସ୍ଥାନ ମିଳିଥିଲା। ସେପଟେ ଭାରତ ତରଫରୁ ପ୍ରତିନିଧିତ୍ୱ କରୁଥିବା ଦିବିତା ରାୟ ଟପ୍ ୧୬ରେ ନିଜକୁ ସ୍ଥାନିତ କରିଥିଲେ ମଧ୍ୟ ଟପ୍ ୫ରେ ନିଜ ପାଇଁ ଜାଗା ସୃଷ୍ଟି କରିପାରି ନ ଥିଲେ। ଦିବିତା ଟପ୍ ୧୬ ପର୍ଯ୍ୟନ୍ତ ଯାଇପାରିଥିଲେ। କଷ୍ଟ୍ୟୁମ୍ ରାଉଣ୍ଡରେ ସେ ସୁନାର ଚଢ଼େଇ ହୋଇ ସମସ୍ତଙ୍କ ଧ୍ୟାନ ଆକର୍ଷଣ କରିଥିଲେ।
The new Miss Universe is USA!!! #MISSUNIVERSE pic.twitter.com/7vryvLV92Y
— Miss Universe (@MissUniverse) January 15, 2023
ମିସ୍ ୟୁନିଭର୍ସ ୨୦୨୨ ବିଜୟିନୀ ବୋନି ଗାବ୍ରିଏଲ୍ ଆମେରିକାର ଟେକ୍ସାସ୍ରେ ରୁହନ୍ତି। ସେ ପେସାରେ ଜଣେ ଫ୍ୟାଶନ ଡିଜାଇନର୍। ଚଳିତ ବର୍ଷ ମିସ୍ ୟୁନିଭର୍ସଙ୍କୁ ଏକ ନୂଆ ମୁକୁଟ ପିନ୍ଧାଯାଇଥିଲା। ଏହି ମୁକୁଟକୁ ଫେମସ୍ ଲଗ୍ଜୁରୀ ଜୁଏଲେରୀ ‘Mouawad’ ଡିଜାଇନ୍ କରିଥିଲା। ମୁକୁଟର ଦାମ୍ ପାଖାପାଖି ୪୬ କୋଟି ଟଙ୍କା ଏବଂ ଏଥିରେ ହୀରା ଓ ନୀଲମ୍ ଖଚିତ ରହିଛି। ପୂରା ମୁକୁଟରେ ମୋଟ ୯୯୩ଟି ଷ୍ଟୋନ୍ ଲାଗିଛି।
Hold back tears as @HarnaazKaur takes the stage one last time as Miss Universe! #MISSUNIVERSE pic.twitter.com/L0PrH0rzYw
— Miss Universe (@MissUniverse) January 15, 2023
ତେବେ ଗତବର୍ଷ ମିସ୍ ୟୁନିଭର୍ସ ପ୍ରତିଯୋଗିତାର ଟାଇଟଲ୍ ଭାରତର ହରନାଜ ସିନ୍ଧୁ ଜିତିଥିଲେ। ଲାରା ଦତ୍ତା ଓ ସୁସ୍ମିତା ସେନଙ୍କ ପରେ ମିସ୍ ୟୁନିଭର୍ସ ଟାଇଟଲ୍ ଜିତିବାରେ ହରନାଜ ସିନ୍ଧୁ ହେଉଛନ୍ତି ତୃତୀୟ ଭାରତୀୟ। କହି ରଖୁଛୁ, ମିସ୍ ୟୁନିଭର୍ସ ୨୦୨୨ ବୋନି ଗାବ୍ରିଏଲ୍ଙ୍କୁ ମୁକୁଟ ପିନ୍ଧାଇବା ସମୟରେ ହରନାଜ ସିନ୍ଧୁ ସାମାନ୍ୟ ଇମୋସ୍ନାଲ ହୋଇ ଯାଇଥିଲେ।
Designer of Dreams, VENEZUELA! What a top 3 answer!
The 71st #MISSUNIVERSE Competition is airing LIVE on @TheRokuChannel! pic.twitter.com/um7LW139sB— Miss Universe (@MissUniverse) January 15, 2023