Airtel ଲଞ୍ଚ କଲା ଜବରଦସ୍ତ ଅଫର, ଏଣିକି ୧୭୯ ଟଙ୍କିଆ ପ୍ଲାନରେ ଗ୍ରାହକଙ୍କୁ ମିଳିବ ୨ଲକ୍ଷ ଟଙ୍କାର ଲାଇଫ ଇନ୍ସୁରାନ୍ସ
ଗ୍ରାହକ ମାନଙ୍କୁ ଆକୃଷ୍ଟ କରିବା ପାଇଁ ଟେଲିକମ କମ୍ପାନୀ ଯେମିତି ନିଜ ନିଜ ଭିତରେ ଏକ ପ୍ରକାର ପ୍ରତିଯୋଗିତା ଚଲାଇଛନ୍ତି । ଏଣୁ ଦେଶର ତିନି ପ୍ରମୁଖ କମ୍ପାନୀ ମାନେ ବହୁ ଶାନଦାର ଅଫର ମାନ ବଜାରକୁ ଛାଡ଼ୁଛନ୍ତି । ଗ୍ରାହକ ମାନଙ୍କୁ ମନ ମୁତାବକ ଡାଟା ସହ ଅନ୍ୟାନ ସୁବିଧା ମାନ ମଧ୍ୟ ମିଳୁଛି । ଏବେ ଦେଶର ଅନ୍ୟତମ ବରିଷ୍ଠ କମ୍ପାନୀ ଏୟାର ଟେଲ ଗ୍ରାହକ ମାନଙ୍କୁ ଆକର୍ଷିତ କରିବା ପାଇଁ ନିଜର ଏକ ନୂଆ ୧୭୯ ପ୍ଲାନକୁ ବଜାରରେ ପ୍ରବେଶ କରାଇଛି । ଏହା ମାଧ୍ୟମରେ ୟୁଜର୍ସ ମାନଙ୍କୁ ଅନଲିମିଟେଡ଼ କଳିଙ୍ଗ ସହ ଲାଇଫ ଇନ୍ସୁରାନ୍ସର ସୁବିଧା ମଧ୍ୟ ମିଳିପାରିବ ।
Airtelର ୧୭୯ ଟଙ୍କିଆ ପ୍ଲାନ:
ଏୟାର ଟେଲ ଉପଭୋକ୍ତା ମାନଙ୍କୁ ଏହି ପ୍ଲାନରେ ସମୁଦାୟ ୨ ଜିବି ଡାଟା ଓ ୩୦୦ ଏସଏମଏସର ସୁବିଧା ମିଳିବ । ଏହା ସହ ଯେକୌଣସି ନେଟୱର୍କକୁ ଅନଲିମିଟେଡ଼ କଲ ବି କରାଯାଇପାରିବ । ଭାରତୀ ଏକ୍ସା ତରଫରୁ ୨ ଲକ୍ଷ ଟଙ୍କାର ଲାଇଫ ଇନ୍ସୁରାନ୍ସ ମିଳିପାରିବ । ଯେବେକି ଏହି ପ୍ଲାନର ସମୟ ସୀମା ୨୮ ଦିନ ହିଁ ରହିବ । ୧୮ ରୁ ୫୪ ବର୍ଷ ଭିତରର ବ୍ୟକ୍ତି ମାନଙ୍କୁ ହିଁ କେବଳ ଏହି ସୁବିଧା ମିଳିବ ବୋଲି କମ୍ପାନୀ ତରଫରୁ ସ୍ପଷ୍ଟ କରାଯାଇଛି । କିନ୍ତୁ ଏନେଇ ଉପଭୋକ୍ତା ମାନଙ୍କୁ କୌଣସି ମେଡିକାଲ ଟେଷ୍ଟ କି କୌଣସି କାଗଜ ପତ୍ର ଦେବାକୁ ପଡିବ ନାହିଁ । ୟୁଜର୍ସ ମାନେ ବି ଏୟାର ଟେଲ ରିଟେଲ ଷ୍ଟୋର ଯାଇ ଫିଜିକାଲ ବା ହାର୍ଡ କପି ପାଇଁ ଅପିଲ କରିପାରିବେ ।
Airtelର ୨୭୯ ଟଙ୍କିଆ ପ୍ଲାନ:
ୟୁଜର୍ସ ମାନଙ୍କୁ କମ୍ପାନୀର ଏହି ପ୍ଲାନରେ ପ୍ରତିଦିନ ୧.୫ ଜିବି ଡାଟା ଓ ୧୦୦ ଏସଏମଏସର ସୁବିଧା ମିଳିପାରିବ । ଏଥିରେ ଯେକୌଣସି ନେଟୱର୍କକୁ ଅନଲିମିଟେଡ଼ କଲିଙ୍ଗର ସୁବିଧା ମଧ୍ୟ ରହିଛି । ଯେଉଁଥିରେ କମ୍ପାନୀ ୪ ଲକ୍ଷ ଟଙ୍କାର ଲାଇଫ ଇନ୍ସୁରାନ୍ସ ସୁବିଧା ମିଳିବ ବୋଲି କମ୍ପାନୀ ତରଫରୁ ଘୋଷଣା କରାଯାଇଥିଲା ।
ୟୁଜର୍ସ ମାନଙ୍କୁ କମ୍ପାନୀର ୩୭୯ ଟଙ୍କିଆ ପ୍ଲାନରେ ୬ ଜିବି ଡାଟା ସମେତ ୯୦୦ ଟି ଏସଏମଏସର ସୁବିଧା ମଧ୍ୟ ମିଳିବ । କୌଣସି ନେଟୱର୍କକୁ ଅନଲିମିଟେଡ଼ କଲ କରି ପାରିବା ସହ ପ୍ଲାନର ବୈଧତା ୮୪ ଦିନ ପର୍ଯ୍ୟନ୍ତ ରହିବ ବୋଲି କମ୍ପାନୀ ତରଫରୁ ଘୋଷଣା କରାଯାଇଛି ।
