ସର୍ଚ୍ଚ କମ୍ପାନୀ ଭାବେ ବିଶ୍ଵବ୍ୟାପୀ ଲୋକ ପ୍ରିୟତା ଅର୍ଜନ କରିଥିବା ଗୁଗୁଲ କମ୍ପାନୀ ଉପରେ ଫ୍ରାନ୍ସ ସରକାର ୧୫୦ କୋଟି ୟୁରୋ ବା ଭାରତୀୟ ମୁଦ୍ରା ଅନୁସାରେ ୧୧୮୫ କୋଟି ଟଙ୍କାର ଜୋରିମାନା ଜାରି କରିଛନ୍ତି । କମ୍ପାନୀ ନିଜ ବିଜ୍ଞାପନ ପେଜରେ ଭୁଲ ତଥ୍ୟ ଦେଉଥିବା ଅଭିଯୋଗରେ ଗୁଗୁଲ ଉପରେ ଏହି ଜୋରିମାନା ଲଗାଯାଇଛି । ଏହା ପୂର୍ବରୁ ଗତ ସେପ୍ଟେମ୍ବର ମାସରେ ଗୁଗୁଲ କମ୍ପାନୀ ଫ୍ରାନ୍ସ ସରକାରଙ୍କୁ ୧୦୦ କୋଟି ୟୁରୋ ବା ୭୬୦୦ କୋଟି ଟଙ୍କାର ଜୋରିମାନା ଦେଇଥିଲେ । ଅନ୍ୟ ପକ୍ଷରେ ଫ୍ରାନ୍ସ କମିଟିସନ କମିଶନ ଅଧ୍ୟକ୍ଷ ଈଷବେଳ ଡି ସିଲବାଙ୍କ କହିବା ଅନୁଯାୟୀ ବିଭିନ୍ନ ଅନଲାଇନ ବିଜ୍ଞାପନ ଗୁଡିକରେ ଗୁଗୁଲର ସ୍ଥିତି ଅଧିକ ମଜବୁତ ଅଛି ।
ବିଜ୍ଞାପନ କ୍ଷେତ୍ରରେ ଗୁଗୁଲ କମ୍ପାନୀର ୯୦ ପ୍ରତିଶତ ଭାଗିଦାରୀ ଅଛି । ତେଣୁ ବିଭିନ୍ନ ଦେଶର ଆଇନ କାନୁନ ଅନୁଯାୟୀ କମ୍ପାନୀ ନିଜ ପଲିସୀରେ କିଛିଟା ପରିବର୍ତ୍ତନ ନିହାତି ଭାବେ ଆଣିବା ଉଚିତ । ପୂର୍ବରୁ ଫ୍ରାନ୍ସ ସରକାର ଗୁଗୁଲ ଉପରେ ଟ୍ୟାକ୍ସ ଚୋରିର ଆରୋପ ମଧ୍ୟ ଲଗେଇଥିଲା । ଏହାବାଦ ଅଧିକାଂଶ ଆମେରିକୀୟ ଟେକ କମ୍ପାନୀ ଗୁଡିକ ଯେମିତିକି ଗୁଗୁଲ, ଫେସବୁକ, ଆପଲ ଓ ଅମାଜନ ପରି କମ୍ପାନୀ ମାନଙ୍କ ଉପରେ ୟୁରୋପୀୟ ଦେଶ ମାନଙ୍କ ଟାର୍ଗେଟରେ ହିଁ ରହିଥାନ୍ତି । ଏମାନେ କମ ଟ୍ୟାକ୍ସ ଦେଉଛନ୍ତି ବୋଲି ୟୁରୋପୀୟ ଦେଶମାନ ଅଭିଯୋଗ କରିଥାନ୍ତି ।