ନୂଆଦିଲ୍ଲୀ : କେନ୍ଦ୍ର ସରକାର ଲୋକମାନଙ୍କୁ ସରକାରଙ୍କ ବିଭିନ୍ନ ଯୋଜନାରେ ଅର୍ଥ ଲଗାଣ କରି ଭଲ ରୋଜଗାର କରିବାର ସୁବିଧା ଦେଇଛନ୍ତି । ଏଥି ପାଇଁ ସରକାର ୨୦୨୦ ମସିହା ଜୁଲାଇ ୧ ତାରିଖରୁ ନୂଆ ସରକାରୀ ଯୋଜନା ଆରମ୍ଭ କରିଛନ୍ତି ।
ଏହା ଦ୍ୱାରା ଲୋକେ ସୁରକ୍ଷିତ ସରକାରୀ ଯୋଜନା ଦ୍ୱାରା ଅର୍ଥ ନିବେଶ କରି ଭଲ ଦୁଇ ପଇସା ପାଇ ପାରିବେ ବୋଲି ଅର୍ଥ ମନ୍ତ୍ରଣାଳୟ କହିଛି । ନିବେଶକଙ୍କ ପାଇଁ ଟ୍ୟାକ୍ସେବଲ୍ ଫ୍ଲୋଟିଂ ରେଟ୍ ମଧ୍ୟ ଲାଗୁ କରାଯାଇଛି ।
ଏ ସମ୍ପର୍କରେ ଅର୍ଥ ମନ୍ତ୍ରଣାଳୟ କହିଛି ଯେ ନୂଆ ଯୋଜନାକୁ ୭.୭୫ ପ୍ରତିଶତ ଭଳି କର ଯୋଗ୍ୟ ମୁନାଫା ୨୦୧୮ ଅନୁଯାୟୀ ଅଣାଯାଉଛି । ଉକ୍ତ ବ୍ରାଣ୍ଡକୁ ୨୮ ମଇ ୨୦୧୮ ରେ ବନ୍ଦ କରିଦିଆ ଯାଇଛି । ଏହି ନୂଆ ମୁନାଫା ବ୍ରାଣ୍ଡ୍ ୭ ବର୍ଷ ପାଇଁ ରହିବ ।
ପ୍ରତି ବର୍ଷ ୧ ଜାନୁଆରୀ ଓ ୧ ଜୁଲାଇରେ ସୁଧ ଦିଆଯିବ ବୋଲି କୁହାଯାଇଛି । ଅର୍ଥାତ ୨୦୨୧ ଜାନୁଆରୀ ୧ ତାରିଖରେ ଦିଆହେବାକୁ ଥିବା ସୁଧ ୭.୧୫ ପ୍ରତିଶତ ଅନୁଯାୟୀ ହେବ । ପ୍ରତି ୬ ମାସରେ ସୁଧର ନୂତନ ରେଟ୍ ସ୍ଥିର କରାଯିବ ।
ଏହି ବ୍ରାଣ୍ଡ୍ର ପୁନଃ ମୁନାଫା ୭ ବର୍ଷ ସମୟ ସୀମା ପୂର୍ଣ୍ଣ ହେବା ପରେ କରାଯିବ । ତେବେ ବ୍ରାଣ୍ଡ୍ ମ୍ୟାଚୁରିଟି ହେବା ପୂର୍ବରୁ ବ୍ରାଣ୍ଡ୍ ଉଠାଣ ପାଇଁ କେବଳ ବରିଷ୍ଟ ନାଗରିକଙ୍କୁ ସୁଯୋଗ ଦିଆଯିବ ବୋଲି ଏଥିରେ କୁହାଯାଇଛି । ବ୍ରାଣ୍ଡ୍ରେ ଅତି କମ୍ରେ ହଜାରେ ଟଙ୍କା ନିବେଶ କରିହେବ ।
ତେବେ ଏଥିରେ ଅଧିକତମ ସଂଖ୍ୟାର କୈାଣସି ସୀମା ରଖାଯାଇ ନାହିଁ । ଏହି ବ୍ରାଣ୍ଡ୍କୁ ନଗଦ,ଚେକ୍ କିମ୍ବା ଇଲୋକ୍ଟ୍ରୋନିକ୍ସ ମାଧ୍ୟମରେ କିଣାଯାଇପାରେ । ନଗଦରେ କେବଳ ୨୦ ହଜାର ଟଙ୍କା ଯାଏ ବ୍ରାଣ୍ଡ କିଣିବାର ଅନୁମତି ମିଳିବ ।
ସରକାରଙ୍କ ତରଫରୁ ଏହି ବ୍ରାଣ୍ଡ୍ କେବଳ ରିଜର୍ଭ ବ୍ୟାଙ୍କ୍ ଜାରି କରିବ । ବ୍ରାଣ୍ଡ୍କୁ କୈାଣସି ସରକାରୀ ବ୍ୟାଙ୍କ୍ କିମ୍ବା ଆଇଡିବିଆଇ, ଏକ୍ସିସ୍,ଏଚ୍ଡିଏଫ୍ସି ଓ ଆଇସିଆଇସିଆଇ ବ୍ୟାଙ୍କ୍ରୁ କିଣାଯାଇ ପାରିବ ବୋଲି କୁହାଯାଇଛି ।