ଜାଣନ୍ତୁ କାହିଁକି ବିପଦରେ ଆଧାର କାର୍ଡ, UIDAI ଦେଲା ରିପୋର୍ଟ
ଆଧାର କାର୍ଡ ଜାରି କରୁଥିବା ସଂସ୍ଥା ବା UIDAI ପକ୍ଷରୁ ଏକ ଆଲର୍ଟ ଜାରି କରାଯାଇଛି । UIDAIର କହିବା ଅନୁଯାୟୀ ଯଦି ଆପଣ ତାଙ୍କ କଥାକୁ ଧ୍ୟାନ ନଦିଅନ୍ତି ତାହେଲେ ଆପଣ ମଧ୍ୟ ଆଧାର କାର୍ଡକୁ ନେଇ ବିପଦରେ ପଡିପାରନ୍ତି । ଏହାଦ୍ୱାରା ଆପଣଙ୍କର ଅନେକ ପ୍ରକାରର କ୍ଷତି ମଧ୍ୟ ହୋଇପାରେ । ସାଧାରଣତଃ ଆଜିକାଲି ପ୍ରାୟ ସବୁ ସ୍ଥାନରେ ଆଧାର କାର୍ଡର ବ୍ୟବହାର କରାଯାଉଛି । ସେଥିପାଇଁ ଆମକୁ କିଛି ସାବଧାନତା ଅବଲମ୍ବନ କରିବା ନିହାତି ଜରୁରୀ ନଚେତ ଆପଣ ଅସୁବିଧାରେ ପଡିପାରନ୍ତି । ତେବେ UIDAI ନିକଟରେ ଏହି ସମ୍ବନ୍ଧୀୟ ଏକ ଟ୍ୱିଟ କରିଛି ।
#AadhaarUpdateChecklist
Update one or many fields in your Aadhaar, with valid supporting
documents, in one go. The charges for the update request is Rs. 50, whether
you update one field or many. List of acceptable documents: https://t.co/BeqUA07J2b pic.twitter.com/nSMcdcbNjl— Aadhaar (@UIDAI) January 20, 2020
UIDAI ନିଜ ଟ୍ୱିଟରେ କହିଛି ଯେ ପିବିସି କାର୍ଡ ବା ପ୍ଲାଷ୍ଟିକ ଆଧାର କାର୍ଡ ଅବୈଧ ଅଟେ । ଏହାସହିତ ସେ କହିଛି ଯେ ପ୍ଲାଷ୍ଟିକ ଆଧାରକାର୍ଡ଼ ବ୍ୟବହାର କରିବା କ୍ଷତିକାରକ ଅଟେ । ଆଧାର କାର୍ଡ ଭାରତୀୟ ନାଗରିକ ମାନଙ୍କର ଏକ ମହତ୍ତ୍ୱପୁର୍ଣ୍ଣ ଦସ୍ତାବିଜ ଅଟେ । ଏହା କେବଳ ଏକ ଡକ୍ୟୁମେଣ୍ଟ ନୁହେଁ ବରଂ ବ୍ୟକ୍ତିର ଏକ ପୂର୍ଣ୍ଣ ପରିଚୟ ପତ୍ର ରୂପେ ବ୍ୟବହାର କରାଯାଇଥାଏ । ସରକାରୀ କାମ ହେଉ କିମ୍ବା ଅନ୍ୟ କୌଣସି ସ୍ଥାନ ସବୁ ଜାଗାରେ ଏହା ବହୁତ ଗୁରୁତ୍ତ୍ୱପୂର୍ଣ ହୋଇଥାଏ ।
ଏହା ପୂର୍ବରୁ ମଧ୍ୟ ଆଧାରକାର୍ଡ଼ର ସୁରକ୍ଷାକୁ ନେଇ UIDAI ଚେତାବନୀ ଜାରି କରିଥିଲା । 2018 ମସିହାରେ UIDAI ତରଫରୁ ସାର୍ବଜନିକ ଭାବେ ଜାରି କରାଯାଇଥିବା ସୂଚନା ଅନୁଯାୟୀ ପ୍ଲାଷ୍ଟିକ ଆଧାର କାର୍ଡରେ ରହିଥିବା ଡାଟାର ପ୍ରାଇଭେସି ବିପଦରେ ପଡିପାରେ । ତେଣୁ ଲୋକମାନଙ୍କୁ ଏଭଳି ପ୍ଲାଷ୍ଟିକ କାର୍ଡ ବ୍ୟବହାର କରିବା ଠାରୁ ଦୁରେଇ ରହିବା ଆବଶ୍ୟକ ।
UIDAI ଅନୁସାରେ ପ୍ଲାଷ୍ଟିକ ଆଧାର କାର୍ଡ ବେଆଇନ ଭାବେ ପ୍ରିଣ୍ଟ କରାଯାଇଥାଏ । ତେବେ ଏହା ମଧ୍ୟରେ ତାର QR କୋଡ଼ ବେକାର ହୋଇଯାଇଥାଏ । ଏହା ବ୍ୟତୀତ ଏଭଳି ଆଧାର କାର୍ଡରେ ଆପଣଙ୍କ ନିଜ ଡାଟା ଭୁଲ ଲୋକଙ୍କ ହାତକୁ ଚାଲିଯାଇଥାଏ । ତେବେ ଆଧାର କାର୍ଡର ଭୁଲ ବ୍ୟବହାର ସବୁଠାରୁ ଅଧିକ ଆପଣଙ୍କ ଆକାଉଣ୍ଟ ବାଲାନ୍ସ ଉପରେ ପଡିଥାଏ ।
