ଯାଜପୁର କଟିକଟାରୁ ଏହି ୧୪ ଜଣ ଚିହ୍ନଟ ହୋଇଛନ୍ତି, ପୂର୍ବରୁ ଏଠି ଥିଲେ ୬ ଜଣ
ଭୁବନେଶ୍ୱର/ଯାଜପୁର ଟାଉନ୍ (କେ ନ୍ୟୁଜ୍) : ଯାଜପୁର ଜିଲ୍ଲାରୁ ଆଉ ୧୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏମାନେ ସମସ୍ତେ ଗୋଟିଏ ଜାଗାର । କଟକଟା ଅଞ୍ଚଳରୁ ଏ ସମସ୍ତଙ୍କୁ ଚିହ୍ନଟ କରାଯାଇଛି । ପୂର୍ବରୁ ଏଠାରୁ ୬ ଜଣ ଚିହ୍ନଟ ହୋଇଥିଲେ । ଏହା ପରେ ସେହି ଅଞ୍ଚଳକୁ କଣ୍ଟେନମେଣ୍ଟ ଜୋନ୍ କରି ଦିଆଯାଇଥିଲା । ଦଶରଥପୁର ବ୍ଲକ୍ର ଏହି ଅଞ୍ଚଳରେ ୨୬୯ଟି ପରିବାର ରହୁଛନ୍ତି ବୋଲି ସ୍ୱାସ୍ଥ୍ୟ ସଚିବ ସଞ୍ଜୟ ସିଂହ ସୂଚନା ଦେଇଛନ୍ତି । । ସେହିପରି ଗୋଟିଏ ଅଞ୍ଚଳରୁ ପଜେଟିଭ୍ ଚିହ୍ନଟ ହେବାରେ ମଧ୍ୟ କଟିକଟା ସର୍ବାଧିକ । ସମସ୍ତେ କୋଲକାତା ଫେରନ୍ତାଙ୍କ ଠାରୁ ସଂକ୍ରମିତ ହୋଇଛନ୍ତି ।ଏହି ନୂଆ ୧୪ ଜଣ ଚିହ୍ନଟ ହେବା ପରେ ସେମାନଙ୍କୁ କୋଭିଡ୍ ହସପିଟାଲକୁ ଚିକିତ୍ସା ପାଇଁ ନିଆଯାଉଛି ବୋଲି ଜିଲ୍ଲାପାଳ ରଞ୍ଜନ କୁମାର ଦାସ ସୂଚନା ଦେଇଛନ୍ତି ।
ଏହି ୧୪ ଜଣ ଚିହ୍ନଟ ହେବା ପରେ ରାଜ୍ୟରେ ମୋଟ୍ କୋଭିଡ୍ ଆକ୍ରାନ୍ତଙ୍କ ସଂଖ୍ୟା ୧୪୨ ହୋଇଛି । କେବଳ ଯାଜପୁରରେ ଆକ୍ରାନ୍ତଙ୍କ ସଂଖ୍ୟା ୩୬ରେ ପହଞ୍ଚିଛି । ଯାହା ଖୋର୍ଦ୍ଧା ଜିଲ୍ଲା ପରେ ସର୍ବାଧିକ । ସ୍ଥାନୀୟ ସରପଞ୍ଚଙ୍କ ସୂଚନା ଏବଂ କଣ୍ଟେନମେଣ୍ଟରେ ବ୍ୟାପକ ଟେଷ୍ଟିଂ ଯୋଗୁଁ ଆକ୍ରାନ୍ତଙ୍କୁ ଚିହନଟ କରାଯାଇ ପାରିଛି ବୋଲି ସଞ୍ଜୟ ସିଂହ କହିଛନ୍ତି । ଯାହା ସରକାରଙ୍କ ପ୍ରସ୍ତୁତି ଯୋଗୁଁ ସମ୍ଭବ ହୋଇଛି ।
2nd Health Update, 30 April
14 Positives in Jajpur
29 yr Male, 38 yr Male, 35 yr Male, 40 yr Female, 29 yr Male, 20 yr Female,
85 yr Female, 3 yr Male, 34 yr Male,
3 yr Female, 36 yr Female, 12 yr Male, 52 yr Female & 62 yr Male.Total Positive Case:142
— I & PR Department, Odisha (@IPR_Odisha) April 30, 2020
