ଜୁନିଅର କିଙ୍ଗ ଖାନ୍ଙ୍କ ନୂଆ ପରିଚୟ କଏଦୀ ନଂ ୯୫୬, ବେଲ୍ ପାଇଁ ଆସନ୍ତା ବୁଧବାର ଯାଏ ଅପେକ୍ଷା କରିବେ ଆର୍ଯ୍ୟନ
ଜେଲ୍ରେ ଜୁନିଅର କିଙ୍ଗ ଖାନ୍ଙ୍କ ନୂଆ ପରିଚୟ କଏଦୀ ନଂ ୯୫୬ । ଶାହାରୁଖଙ୍କ ପୁଅ ଆର୍ଯ୍ୟନ ଖାନ୍ ଏବେ ମୁମ୍ବାଇର ଆର୍ଥର ରୋଡ୍ ଜେଲ୍ରେ ଅଛନ୍ତି । ଜେଲରେ ତାଙ୍କୁ ନାଁ ଅନୁସାରେ ନୁହେଁ ବରଂ ତାଙ୍କର ନଂରେ ଡକାଯିବ। ତାଙ୍କ ଖାଇବା ବାବଦରେ ତାଙ୍କୁ ୪ ହଜାର ୫ ଶହ ଟଙ୍କାର ମନି ଅର୍ଡର ମିଳିଛି । ଜେଲ୍ ନିୟମ ଅନୁସାରେ ତିନି ଦିନ ପୂର୍ବରୁ ଆର୍ଯ୍ୟନଙ୍କ ପରିବାର ପକ୍ଷରୁ ଏହି ଟଙ୍କା ଜେଲ୍ କର୍ତ୍ତୃପକ୍ଷଙ୍କୁ ପଠାଯାଇଛି । ବେଲ୍ ପାଇଁ ଆସନ୍ତା ବୁଧବାର ପର୍ଯ୍ୟନ୍ତ ଅପେକ୍ଷା କରିବେ ଆର୍ଯ୍ୟନ ଖାନ୍ ।
ଜେଲରେ ଦଶହରା କାଟିଲେ ଜୁନିଅର କିଙ୍ଗ ଖାନ୍ । ଆର୍ୟନ ଜେଲରେ ବହୁତ ଚିନ୍ତିତ ଥିବା ନଜର ଆସୁଛନ୍ତି । ଜେଲରେ ମଧ୍ୟ ଠିକ ଭାବେ ତାଙ୍କର ଖାଇବା ଖାଉନାହାନ୍ତି। ତାଙ୍କର ଜେଲର ଖାଇବା ପସନ୍ଦ ଆସୁନାହିଁ। ବାହାରର କୌଣସି ଖାଇବା ଆଣିବାକୁ ଆଦେଶ ବି ନାହିଁ। ସୂଚନା ଅନୁସାରେ ଆର୍ୟନ ଜେଲର କପଡ଼ା ନୁହେଁ ବରଂ ଘରୁ ଆସୁଥିବା କପଡ଼ା ପିନ୍ଧୁଛନ୍ତି ।
ଅନ୍ୟପଟେ କ୍ରୁଜ୍ ଡ୍ରଗ୍ ମାମଲାରେ ଦୁଇ ଦିନିଆ ଶୁଣାଣି ଚାଲିଥିଲା। ଜାମିନ୍ ଆବେଦନକୁ କଡ଼ା ବିରୋଧ କରିଥିଲା ଏନସିବି । ଆର୍ଯ୍ୟନ୍ ଗତ କିଛି ବର୍ଷ ହେଲା ନିୟମିତ ଡ୍ରଗ୍ସ ସେବନ କରୁଥିବା ଏନସିବି ପକ୍ଷରୁ କହିଥିଲେ ଅତିରିକ୍ତ ସଲିସିଟର ଜେନେରାଲ ଅନିଲ ସିଂ । କୋର୍ଟଙ୍କୁ ଡ୍ରାମାଟିକ ଅପିଲ କରିଥିଲେ । କହିଥିଲେ ଏହା ମହାତ୍ମା ଗାନ୍ଧୀଙ୍କ ଭୂମି । ପିଲାଙ୍କର ଅନିଷ୍ଠ କରୁଛି ଡ୍ରଗ୍ସ । ଆର୍ଯ୍ୟନଙ୍କ ପକ୍ଷ ରଖି ବରିଷ୍ଠ ଓକିଲ ଅମିତ ଦେଶାଇ କହିଥିଲେ ଅଧିକାରକୁ ଅଣଦେଖା କରି ହେବନି କି ଆଇନ୍ ବାହାରେ ଦଣ୍ଡିତ କରି ହେବନି। ଉଭୟ ପକ୍ଷର ଯୁକ୍ତି ଶୁଣିବା ପରେ ରାୟ ସଂରକ୍ଷିତ ରଖିଥିଲେ କୋର୍ଟ ।
ସୂଚନା ଅନୁଯାୟୀ କ୍ରୁଜ୍ ଡ୍ରଗସ୍ ମାମଲାରେ ଏଯାଏଁ ୧୫ରୁ ଅଧିକ ଜଣଙ୍କୁ ଗିରଫ କରାଗଲାଣି। ଏହାପୂର୍ବରୁ ଶୁକ୍ରବାର ଦିନ ମୁମ୍ବାଇର ଏକ କୋର୍ଟ ଆର୍ଯ୍ୟ ଖାନ ଏବଂ ଅନ୍ୟ ଦୁଇଜଣଙ୍କ ଜାମିନ ଆବେଦନକୁ ପ୍ରତ୍ୟାଖ୍ୟାନ କରିଛନ୍ତି। କ୍ରୁଜ୍ ଜାହାଜରେ ଡ୍ରଗ୍ ପାର୍ଟି ଥିବା ଅଭିଯୋଗରେ ଆର୍ଯ୍ୟନ୍, ଅରବାଜ୍ ମର୍ଚାଣ୍ଟ ଏବଂ ମୁମୁନ୍ ଧାମଚାଙ୍କ ଜାମିନ ଆବେଦନ କୋର୍ଟରେ ଶୁଣାଣି ହୋଇଥିଲା ଏବଂ କିଛି ସମୟ ଶୁଣାଣି ପରେ କୋର୍ଟ ସ୍ପଷ୍ଟ କରିଛନ୍ତି ଯେ ସେମାନେ ଜାମିନ ପାଇପାରିବେ ନାହିଁ।ବାସ୍ତବରେ, ଅକ୍ଟୋବର ୨ ରେ ଏକ କ୍ରୁଜ୍ ଜାହାଜରେ କରାଯାଇଥିବା ଏକ ରେଭ୍ ପାର୍ଟି ମାମଲାରେ ଏନସିବି ଡ୍ରଗ୍ର ପ୍ରମାଣ ପାଇଥିଲା, ଏହା ପରେ କହିଛି ଯେ ଏହା ୧୩ ଗ୍ରାମ କୋକେନ୍, ୨୧ ଗ୍ରାମ ଚରସ, ୫ ଗ୍ରାମ MD ଏବଂ ୨୨ MDMA ସଂଗ୍ରହ କରିଛି ଡ୍ରଗ୍ସ ବଟିକା ଅଭିଯୁକ୍ତଙ୍କ ଠାରୁ ମିଳିଥିଲା ।