ବବି ଦେଓଲ ପତ୍ନୀଙ୍କ ସହ ସେୟାର କଲେ ରୋମାଣ୍ଟିକ ଫଟୋ, ଜଣାଇଲେ ଜନ୍ମଦିନ ଶୁଭେଚ୍ଛା
ଜାନୁଆରୀ ୨୪ ବୁଧବାର ଦିନ ବବି ଦେଓଲ ତାଙ୍କ ପତ୍ନୀ ତାନିଆ ଦେଓଲଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ଏବଂ ଇନଷ୍ଟାଗ୍ରାମରେ ମଧ୍ୟ ଏହାର ଏକ ଫଟୋ ସେୟାର କରିଛନ୍ତି ।
ବବି ଦେଓଲ ବଲିଉଡର ଅନ୍ୟତମ ପ୍ରିୟ ଅଭିନେତା । ବର୍ତ୍ତମାନ ସେ ତାଙ୍କ ଫିଲ୍ମ ‘ଆନିମଲ’ର ସଫଳତାକୁ ଉପଭୋଗ କରୁଛନ୍ତି । ଏହି ଫିଲ୍ମଟି ବକ୍ସ ଅଫିସରେ ଅନେକ ନୂଆ ରେକର୍ଡ ସୃଷ୍ଟି କରିଥିଲା । ଏହି ଫିଲ୍ମରେ ବବି ତାଙ୍କ ୧୦ ମିନିଟର ରୋଲରେ ଲୋକଙ୍କୁ ପାଗଳ କରିଦେଇଥିଲେ । ଅଭିନେତା ସୋସିଆଲ ମିଡିଆରେ ସବୁଆଡେ ଚର୍ଚ୍ଚାରେ ଥିଲେ । ସେ ଜଣେ ଭଲ ଅଭିନେତା ହେବା ସହ ଜଣେ ଭଲ ସ୍ୱାମୀ ମଧ୍ୟ ।
ତେବେ ଜାନୁଆରୀ ୨୪ ବୁଧବାର ଦିନ ବବି ଦେଓଲ ତାଙ୍କ ପତ୍ନୀ ତାନିଆ ଦେଓଲଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ଏବଂ ଇନଷ୍ଟାଗ୍ରାମରେ ମଧ୍ୟ ଏହାର ଏକ ଫଟୋ ସେୟାର କରିଛନ୍ତି । ଅଭିନେତା ଏକ ସୁନ୍ଦର ରୋମାଣ୍ଟିକ ଫଟୋ ପୋଷ୍ଟ କରିଛନ୍ତି । ଏହି ଫଟୋରେ ଅଭିନେତା ନିଜ ପତ୍ନୀଙ୍କୁ ଆଲିଙ୍ଗନ କରୁଥିବା ନଜର ଆସିଛନ୍ତି । ସେହି ଫଟୋରେ ଦୁହେଁ ଖୁସିରେ ହସୁଥିବା ନଜର ଆସିଛନ୍ତି । ଏହି ଫଟୋ ପୋଷ୍ଟ କରି ଅଭିନେତା କ୍ୟାପସନରେ ଲେଖିଛନ୍ତି, ‘ହାପି ବଥ୍ଡେ’ ।
ବବି ଦେଓଲ ଏବଂ ତାନିଆଙ୍କ ଲଭ୍ ଷ୍ଟୋରି କାହାଠାରୁ ଲୁଚି ନାହିଁ । ଅଭିନେତା ଏହା ଅନେକ ଥର ସମସ୍ତଙ୍କ ସାମ୍ନାରେ କହିଛନ୍ତି । ସେମାନଙ୍କର ଲଭ୍ ଷ୍ଟୋରି ଏକ ଇଟାଲୀୟ କାଫେରେ ଆରମ୍ଭ ହୋଇଥିଲା, ଯେଉଁଠାରେ ସେମାନେ ପ୍ରଥମ ଥର ପାଇଁ ଏକ ବନ୍ଧୁ ଭୋଜିରେ ଭେଟିଥିଲେ । ଏହି ପାର୍ଟୀ ପରେ ସେ ନିଜ ବନ୍ଧୁଙ୍କୁ ତାନିଆଙ୍କ ନମ୍ବର ମାଗିଥିଲେ ଏବଂ ତାଙ୍କୁ ଅନ୍ୟ ଏକ ସାକ୍ଷାତ ପାଇଁ କହିଥିଲେ । ଏହା ପରେ ଦୁହିଁଙ୍କ ମଧ୍ୟରେ ଦେଖା ସାକ୍ଷାତ ଆରମ୍ଭ ହୋଇଥିଲା ଏବଂ ପରେ ଏହି ଷ୍ଟୋରି ବିବାହ ସ୍ଥଳରେ ପହଞ୍ଚିଥିଲା । ବବି ଦେଓଲ ସେହି ସ୍ଥାନରେ ବିବାହ ପାଇଁ ତାନିଆଙ୍କୁ କହିଥିଲେ । ତେବେ ମଇ ୩୦, ୧୯୯୬ରେ, ବବି ଏବଂ ତାନିଆ ଘନିଷ୍ଠ ବନ୍ଧୁ ଏବଂ ପରିବାରର ଉପସ୍ଥିତିରେ ବିବାହ କରିଥିଲେ । ଉଭୟଙ୍କର ମଧ୍ୟ ଦୁଇ ପୁଅ ଆର୍ଯ୍ୟମାନ ଏବଂ ଧରାମ ଅଛନ୍ତି ।
ଫିଲ୍ମ ‘ଆନିମଲ’ ପରେ ୫୪ ବର୍ଷୀୟ ଅଭିନେତା ପାଇପଲାଇନରେ କିଛି ବଡ ପ୍ରୋଜେକ୍ଟ କରିଛନ୍ତି । ଏହି ଅଭିନେତା ଏକ ତାମିଲ ଆକ୍ସନ୍ ଫିଲ୍ମରେ ନଜର ଆସି ପାରନ୍ତି । ଏହି ଫିଲ୍ମରେ ଅଭିନେତାଙ୍କ ସହ ଦିଶା ପାଟାନି ଏବଂ ସୂର୍ଯ୍ୟ ମଧ୍ୟ ଅଛନ୍ତି । ଏହି ଅଭିନେତାଙ୍କ କିଟିରେ ‘ହରି ହାରା ଭେରା ମଲ୍ଲୁ’ ନାମକ ଏକ ତେଲୁଗୁ ଚଳଚ୍ଚିତ୍ର ରହିଛି, ଯେଉଁଥିରେ ପୱନ କଲ୍ୟାଣ ମୁଖ୍ୟ ଭୂମିକାରେ ଅଭିନୟ କରିଛନ୍ତି ।