ଦୁର୍ଗାଷ୍ଟମୀରେ ନିଜ ଝିଅର ପାଦ ଧୋଇ ପୂଜା କଲେ ଶିଳ୍ପା ସେଟ୍ଟୀ, ଭାଇରାଲ ହେଉଛି ଭିଡିଓ
ବଲିଉଡ ଅଭିନେତ୍ରୀ ଶିଳ୍ପା ସେଟ୍ଟୀ ପ୍ରତିଟି ପର୍ବପର୍ବାଣି ଗୁଡିକୁ ଖୁବ ଧୁମଧାମରେ ପାଳନ କରିଥାନ୍ତି । ଚଳିତ ବର୍ଷର ନବରାତ୍ରିକୁ ବି ଶିଳ୍ପା ନିଜ ଘରେ ମନ ଦେଇ ଭକ୍ତି ସହକାରେ ପାଳନ କରୁଥିବାର ନଜର ଆସିଛନ୍ତି । ନବେ ଦଶକରେ ବଲିଉଡ ଜଗତରେ ଖୁବ ନାମ କମେଇ ଥିବା ଏହି ଅଭିନେତ୍ରୀ ଜଣଙ୍କ ଏକ ଭିଡିଓ ନିଜ ଅଫିସିଆଲ ଇଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ଭିଡିଓଟିରେ ଶିଳ୍ପା ଦୁଗାଷ୍ଟମୀ ପର୍ବକୁ ଖୁବ ଭକ୍ତି ସହକାରେ ପାଳନ କରୁଥିବାର ନଜର ଆସିଛନ୍ତି । ନିଜେ କନ୍ୟା ମାନଙ୍କ ପାଦ ଧୋଇବା ସହ ଖାଦ୍ୟ ପରାଶି ଖୁଆଇଛନ୍ତି । ସର୍ବ ପ୍ରଥମେ ନିଜ ଝିଅର କୁନି କୁନି ପାଦକୁ ପାଣିରେ ଧୋଇ ତା ମୁଣ୍ଡରେ ଚନ୍ଦନ ଟୀକା ଲଗାଇଥିବା ବେଳେ ପରେ ଅନ୍ୟ କନ୍ୟା ମାନଙ୍କ ପାଦ ଧୋଇ ବିଧି ପାଳନ କରିଛନ୍ତି । ଏହା ସହ ସମସ୍ତଙ୍କର ଖୁବ ଭକ୍ତି ସହକାରେ ଆଳତି ମଧ୍ୟ କରିଛନ୍ତି ।
ଏହି ବଲିଉଡ ଆକ୍ଟ୍ରେସ ଜଣଙ୍କ ଧାର୍ମିକ ଭାବନା ଅନେକଙ୍କର ଖୁବ ପସନ୍ଦ ମଧ୍ୟ ଆସିଛି । ଭିଡିଓଟି ସେୟାର କରାଯିବାର ମାତ୍ର ୨ ଘଣ୍ଟା ଭିତରେ ଏହାକୁ ୨ ଲକ୍ଷ ଥର ଦେଖାଯାଇଥିବା ବେଳେ ଅନେକ ସଂଖ୍ୟାରେ ଲାଇକ୍ସ ମଧ୍ୟ ମିଳିଛି । ଫ୍ୟାନ୍ସ ମାନେ ବି ଜବରଦସ୍ତ ରିଆକ୍ସନ ଦେବା ସହ ଶିଳ୍ପାଙ୍କ ପ୍ରଶଂସା ନକରି ରହି ପାରିନାହାନ୍ତି । କହିରଖିବା ଉଚିତ ହେବକି, ଶିଳ୍ପା ଖୁବ ଶୀଘ୍ର “ହଙ୍ଗାମା 2” ଓ “ନିକମା’ ଜରିଆରେ ବଲିଉଡକୁ ଫେରିବାକୁ ଯାଉଛନ୍ତି । “ହଙ୍ଗାମା 2″ରେ ଆକ୍ଟ୍ରେସ ପରେଶ ରାୱଲ ଓ ମିଜାନ ଜାଫରୀଙ୍କ ବିପକ୍ଷରେ ଅଭିନୟ କରୁଥିବା ବେଳେ “ନିକମା”ରେ ଅଭିମନ୍ୟୁ ଦସାନି ଓ ସାରଲି ସୋତୀୟାଙ୍କ ସହ ନଜର ଆସିବେ ।
