ଅଭିନେତ୍ରୀ ଦୀପିକା ପାଦୁକୋନ୍ କେମିତି ରୁହନ୍ତି ଫିଟ୍, ଜାଣନ୍ତୁ ତାଙ୍କର ଖାଦ୍ୟ ଓ ଜୀବନ ଶୈଳି
ସାଧାରଣତଃ ସେଲିବ୍ରେଟିମାନେ ନିଜର ସ୍ୱାସ୍ଥ୍ୟ ପ୍ରତି ସଚେତନ ରହିଥାନ୍ତି । କାରଣ ଗ୍ଲାମର ଓ୍ଵାର୍ଲ୍ଡରେ ନିଜର ଲୁକ୍କୁ ବାନ୍ଧି ରଖିବା ସବୁଠୁ ଗୁରୁତ୍ତ୍ୱପୂର୍ଣ୍ଣ । ଜଣେ ସେଲିବ୍ରେଟିଙ୍କ ଲାଇଫ୍ ଷ୍ଟାଇଲକୁ ନେଇ ଅଧିକାଂଶ ଲୋକେ କ୍ୟୁରିଅସ୍ ଥାଆନ୍ତି ।
ସେ କ’ଣ ଖାଆନ୍ତି, କିପରି ରହନ୍ତି ଏମିତି ଅନେକ ପ୍ରଶ୍ନ । ଏମିତି ଜଣେ ସେଲିବ୍ରେଟି ହେଉଛନ୍ତି ଦୀପିକା ପାଦୁକୋନ୍ । ଯେ ନିଜର ସ୍ୱାସ୍ଥ୍ୟ ପ୍ରତି ବହୁତ ସଚେତନ ଥାଆନ୍ତି ।
ଆସନ୍ତୁ ଜାଣିବା ଦିନରେ ୬ ଥର ଖାଉଥିବା ଦୀପିକା ପାଦୁକୋନ୍ଙ୍କ ସମ୍ପର୍କରେ କିଛି କଥା । ଏହି ଅଭିନେତ୍ରୀ ତାଙ୍କର ଦିନଚର୍ଯ୍ୟା ଆରମ୍ଭ କରନ୍ତି ଗୋଟିଏ କପ୍ ଗରମ ପାଣି ଓ ମହୁ ସହିତ । ସକାଳୁ ଉଠିଲେ ଦୀପିକା ଗୋଟିଏ କପ୍ ଗରମ ପାଣିରେ କିଛି ମହୁ ସହିତ ଗୋଟିଏ ଚାମଚ ଲେମ୍ବୁ ରସ ନେଇଥାନ୍ତି ।
ତା’ ପରେ ବ୍ରେକ୍ଫାଷ୍ଟରେ ୨ଟି ଅଣ୍ଡାର ଧଳା ଅଂଶ + ୨ ଟି ଆଲ୍ମଣ୍ଡ + ଗୋଟିଏ କପ୍ କମ୍ ମଲାଇ ଥିବା କ୍ଷୀର କିମ୍ବା ୨ ଟି ଅଣ୍ଡାର ଧଳା ଅଂଶ + ୨ ଇଡିଲି/ପ୍ଲେନ୍ ଦୋସା/ଉପମା ନେଇଥାନ୍ତି ।
ସେହିପରି ଲଞ୍ଚ୍ ପୂର୍ବରୁ ଦୀପିକା ଗୋଟିଏ ବାଉଲ ଫଳ ଖାଇଥାନ୍ତି । ଲଞ୍ଚ୍ରେ ସାଧାସିଦା ଘରୋଇ ଖାଦ୍ୟ ଯେପରି ଡାଲି, ରୋଟି, ସବ୍ଜି, ସଲାଡ୍ ଓ ଦହି । ବେଳେ ବେଳେ ପ୍ରୋଟିନର ଭରଣା ପାଇଁ ଲଞ୍ଚରେ ମାଛ ଭଜା ନେଇଥାନ୍ତି ।
ସଂଧ୍ୟାରେ ସ୍ନାକ୍ସ ସହ ଫିଲ୍ଟର କଫି, ବାଦାମ ଓ ଫଳ । ରାତ୍ର ଭୋଜନରେ ରୋଟି, ଗ୍ରିନ୍ ସଲାଡ୍, ଫଳ, ପଇଡ଼ ପାଣି କିମ୍ବା ଫ୍ରେସ ଫ୍ରୁଟ୍ ଜୁସ୍ । ଖାଦ୍ୟ ଶେଷରେ ମିଠା ସ୍ଥାନରେ ଏହି ଅଭିନେତ୍ରୀ କିଛି ଡାର୍କ ଚକୋଲେଟ୍ ନେଇଥାନ୍ତି ।
ଦୀପିକାଙ୍କ ଖାଦ୍ୟ ତାଙ୍କର ଆଗାମୀ ଫିଲ୍ମକୁ ନେଇ ମଧ୍ୟ ପରିବର୍ତ୍ତନ ହୋଇଥାଏ । ତେବେ ଜାଣି ଆଶ୍ଚର୍ଯ୍ୟ ହେବେ ସ୍ୱାସ୍ଥ୍ୟ ପାଇଁ ଖାଦ୍ୟ ଉପରେ ବିଶେଷ ଧ୍ୟାନ ଦେଉଥିବା ଦୀପିକା ଓ ତାଙ୍କର ପତି ଅଭିନେତା ରଣବୀର ସିଂଙ୍କ ଗୋଟିଏ ଦିନର ଖାଦ୍ୟ ପାଇଁ ପ୍ରାୟ ୧ ଲକ୍ଷ ଟଙ୍କା ଖର୍ଚ୍ଚ ହୋଇଥାଏ ।
