୧୯୯୫ ମସିହାରେ ଭାରତରେ ସାଟେଲାଇଟ ଚ୍ୟାନେଲ ଗୁଡିକର ଆରମ୍ଭ ହୋଇଥିଲା କିନ୍ତୁ ଏହାକୁ ଲୋକଙ୍କ ନିକଟରେ ପହଞ୍ଚାଯାଇ ପାରୁନଥିଲା । ସେ ସମୟରେ ଦେଶର ପ୍ରଥମ ସାଟେଲାଇଟ ଚ୍ୟାନେଲ ଜି ଟିଭି ପାଇଁ ଏକତା କପୁର ଏମ୍ପ୍ଲିଫାୟର ଭାବେ କାମ ଆରମ୍ଭ କରିଥିଲେ । ଏହି ଚ୍ୟାନେଲ ପାଇଁ ସେ ନିଜ ପ୍ରଥମ ଧାରାବାହିକ ”ହମ ପାଞ୍ଚ” ନିର୍ମାଣ କରିଥିଲେ । ଏହି ଧାରାବାହିକ ମାଧ୍ୟମରେ ହିଁ ଏକତା ସେସମୟରେ ଘରେ ଘରେ ପହଂଚି ପାରିଥିଲେ ।
ଆପଣଙ୍କୁ ଏ ବିଷୟରେ କହିବାର କାରଣ ହେଉଛି ଏକତାଙ୍କ ଏହି ପ୍ରସିଦ୍ଧ ସିରିଏଲ ପୁଣି ଥରେ ପରଦା ଉପରକୁ ଆସିବାକୁ ଯାଉଛି । ଆସନ୍ତା ଏପ୍ରିଲ ୧୩ ତାରିଖରୁ ଏହି ଧାରାବାହିକ ପୁଣି ଥରେ ପ୍ରସାରିତ ହେବ । ପ୍ରକୃତରେ ଏହା ହେଉଛି ଜଣେ ପିତାଙ୍କ କାହାଣୀ, ଯାହାଙ୍କର ପାଞ୍ଚ ପାଞ୍ଚଟି ଦୁଷ୍ଟ ଝିଅ ଅଛନ୍ତି । ଝିଅଙ୍କ ଦୁଷ୍ଟାମୀକୁ ନେଇ ଚିନ୍ତିତ ପିତାଙ୍କୁ ତାଙ୍କ ଦିବଂଗତ ପତ୍ନୀ ବି ସମୟ ସମୟରେ ଉସୁକାଉଥିବା ନଜର ଆସିଛନ୍ତି । ୯୦ ଦଶକରେ ଲୋକଙ୍କ ଖୁବ ମନୋରଞ୍ଜନ କରିଥିବା ଏହି ଧାରାବାହିକ ଆଜିର ପିଢିଙ୍କୁ ହସାଇବାକୁ ଯାଉଛି ।
ଏକତା ୨୦୦୨ ମସିହା ଓ ୨୦୦୫ ମସିହାରେ ଦୁଇଥର ପାଇଁ ତାଙ୍କର ଏହି ସୁପରହିଟ ସିରିଏଲର ଦୁଇଟି ସିଜିନ୍ର ପ୍ରସ୍ତୁତ କରିଥିଲେ । ବାହରତାର ଏହା ପ୍ରଥମ ଧାରାବାହିକ ଯାହାର ବିଭିନ୍ନ ସିଜିନ ପ୍ରସ୍ତୁତ କରାଯାଇଥିଲା । ଲୋକଙ୍କୁ ଭରପୁର ମନୋରଞ୍ଜନର ଖୋରାକ ଯୋଗାଇଥିବା ଏହି ଲୋକପ୍ରିୟ ସିରିଏଲରେ ଅଶୋକ ସରାଫ, ବିଦ୍ୟାବାଲାନ, ସୋମା ଆନନ୍ଦ, ଭୈରବୀ ରାୟପୁର, ବନ୍ଦନା ପାଠକ, ରାକ୍ଷୀ ଟଣ୍ଡନ, ପ୍ରିୟା ତେନ୍ଦୁଲକର ପ୍ରମୁଖ ମୁଖ୍ୟ ଭୂମିକା ନିଭେଇଥିଲେ ।