Indian Idol 13 ଟାଇଟଲ ବାଜି ମାରିଲେ ଅଯୋଧ୍ୟାର ରିଷି ସିଂ, ଟ୍ରଫି ସହିତ ଜିତିଲେ ୨୫ ଲକ୍ଷ ଟଙ୍କା ଏବଂ କାର
Indian Idol 13 ବିଜେତା ହୋଇଛନ୍ତି ଅଯୋଧ୍ୟା ବାସିନ୍ଦା ରିଷି ସିଂ । ଶୋର ଟାଇଟଲ ଜିତିବା ସହିତ ଟ୍ରଫି, ୨୫ ଲକ୍ଷ ଟଙ୍କା ଏବଂ ମାରୁତି ସୁଜିକି ଏସୟୁଭି ମଧ୍ୟ ପୁରସ୍କା ବାବଦରେ ପାଇଛନ୍ତି ।
ଇଣ୍ଡିଆନ ଆଇଡଲ ୧୩ ଶୋର ବିଜେତା ହୋଇଛନ୍ତି ରିଷି ସିଂ । ରିଷିଙ୍କୁ ଟ୍ରଫି ସହିତ ୨୫ ଲକ୍ଷ ଟଙ୍କା ଏବଂ ଏକ କାର ପୁରସ୍କାର ବାବଦରେ ମିଳିଥିଲା । ଉତ୍ତରପ୍ରଦେଶ ଅଯୋଧ୍ୟାର ରିଷି ସିଂ କଲିକତାର ଦେବୋସ୍ମିତା ରୟଙ୍କୁ ହରାଇ ଟାଇଟଲ ବାଜି ମାରିନେଇଥିଲେ ରିଷି । ପ୍ରଥମ ରନର୍ସ ଅପ୍ ଭାବେ ଦେବୋସ୍ମିତା ରୟ ଏବଂ ଦ୍ୱିତୀୟ ରନର୍ସ ଅଫ୍ ଭାବେ ଜମ୍ମୁ କାଶ୍ମୀର ଚିରାଗ କୋଟଓ୍ଵାଲ ରହିଥିଲେ ।
ଅଯୋଧ୍ୟାରେ ରହୁଥିବା ରିଷି ଛୋଟ ବେଳରୁ ଗୀତ ଲେଖିବା ଏବଂ ଗାଇବାର ସଉକ ରଖିଥିଲେ । ରିଷି ଡେରାଡୁନର ହିମାଗିରି ଜୀ ୟୁନିଭରସିଟିରେ ପଢା ସାରିବା ପରେ ଗୀତ ପ୍ରତି ଅଧିକ ରୁଚି ଦେଖାଇଥିଲେ । ତେବେ ବିଜେତା ହେବା ପରେ ରିଷି କହିଛନ୍ତି, ‘ମୋ ସ୍ୱପ୍ନ ଆଜି ପୂରଣ ହୋଇଛି । ବିଜେତା ଭାବେ ମୋ ନାଁ ଘୋଷଣା କରାଯିବା ବେଳେ ମୋତେ ବିଶ୍ୱାସ ହେଉନଥିଲା । ଏହି ଶୋ ଜିତିବା ମୋ ପାଇଁ ଗର୍ବର ବିଷୟ । ଆଉ ଏଥିପାଇଁ ମୁଁ ଚ୍ୟାନେଲ, ଜଜ, ଇଣ୍ଡିଆନ ଆଇଡଲ ଏବଂ ପ୍ରଶଂସକଙ୍କୁ କୃତଜ୍ଞତା ଜଣାଉଛି ।
Sab pe chalaake apna jaadu, Rocking Rishi ne jeeta sirf humaara dil hi nahi balki Indian Idol ki ye trophy bhi.
A well-deserved contestant of the Indian Idol Season 13.Congratulations, Rishi! 🤩✨#IndianIdol13 #IndianIdol #IndianIdolTheDreamFinale pic.twitter.com/M9sEU2Kzx9
— sonytv (@SonyTV) April 2, 2023
ରିଷିଙ୍କ ସହିତ ଦେବୋସ୍ମିତା ରୟ, ଚିରାଗ କୋତଓ୍ଵାଲ, ବିଦିପ୍ତା ଚକ୍ରବର୍ତ୍ତୀ, ଶିବମ ସିଂ ପ୍ରମୁଖ ଫାଇନାଲରେ ରହିଥିଲେ । କେବଳ ଏତିକି ନୁହେଁ, ରିଷିଙ୍କୁ ସୋନୀ ମ୍ୟୁଜିକ ଇଣ୍ଡିଆ ସହିତ ରେକର୍ଡିଂ କଣ୍ଟ୍ରାକ୍ଟ ମଧ୍ୟ ମିଳିଥିଲା । ଏହି ଶୋକୁ ନୋହା କକ୍କର, ବିଶାଲ ଦଦଲାନୀ, ଏବଂ ହିମେଶ ରେଶମିୟା ଜଜ୍ କରୁଥିଲେ । ଏହି ଶୋକୁ ଆଦିତ୍ୟ ନାରାୟଣ ହୋଷ୍ଟ କରୁଥିଲେ ।