ଏମିତି କାମ କରି ପୁଣି ପ୍ରଶଂସା ସାଉଁଟିଲେ ଭାଇଜାନ, ନେଲେ ୫୦ ଜଣ ମହିଳା ଦିନ ମଜୁରିଆଙ୍କ ଦାୟିତ୍ୱ
ସମଗ୍ର ଦେଶରେ ଲକ ଡାଉନ ଚାଲିଛି ଯାହାର ବେଶୀ ପ୍ରଭାବ ଦିନ ମଜୁରିଆଙ୍କ ଉପରେ ପଡିଛି । ଏହି କାରଣରୁ ବଲିଉଡର ସବୁ କାମ ଠପ ହୋଇଛି । ଫିଲ୍ମ ଇଣ୍ଡଷ୍ଟ୍ରିରେ ସବୁଠାରୁ ଅଧିକ ପ୍ରଭାବ ଦିନ ମଜୁରିଆଙ୍କ ଉପରେ ପଡିଛି ।ଏମାନଂକୁ ଠିକରେ ଟିକେ ଖାଇବାକୁ ମିଳୁନି କିନ୍ତୁ ଏମାନଂକୁ ସାହାଯ୍ୟ କରିବା ପାଇଁ ବଲିଉଡ ସୁପର ଷ୍ଟାର ସଲମାନ ଖାଁ ଆଗକୁ ଆସିଛନ୍ତି । ସଲମାନ ୨୫ ହଜାର ଦିନ ମଜୁରିଆଙ୍କ ଖର୍ଚ ଉଠାଉଛନ୍ତି । ଯାହା ପାଇଁ ସଲମାନଙ୍କୁ ଅନେକ ପ୍ରଶଂସା ମିଳୁଛି । ପ୍ରକୃତରେ ସଲମାନ ହିଁ ଏପରି କାମକୁ କରିପାରିବେ ବୋଲି ଚର୍ଚା ଚାଲିଛି ।
Thank you @beingsalmankhan @tweetbeinghuman for your generous contribution towards the daily wage workers. You are always one step ahead of everybody when it comes to helping people and you have proved that yet again. (1/2).. pic.twitter.com/3zlW51MKOg
— Baba Siddique (@BabaSiddique) April 10, 2020
ନିକଟରେ ସଲମାନ ମାଲଗାଓଁରେ କାମ କରୁଥିବା ୫୦ ଜଣ ମହିଳାଙ୍କୁ ସାହାଯ୍ୟ କରିଛନ୍ତି । ଭାଇଜାନଙ୍କ ନିକଟକୁ ଏହି ମହିଳାଙ୍କର ଅର୍ଜଣ୍ଟ କଲ ଆସିଲା ପରେ ଭାଇଜାନ ସେମାନଙ୍କ ନିକଟକୁ ଖାଦ୍ୟ ଏବଂ ଜରୁରୀ ଜିନିଷ ପଠେଇଥିଲେ ।ସଲମାନ ଏପରି ସାହାଯ୍ୟ କରିଥିବାରୁ ବାବା ସିଦ୍ଧିକି ଭାଇଜାନଙ୍କୁ ପ୍ରଶଂସା କରିଛନ୍ତି ।
ସୂଚନାଯୋଗ୍ୟ ଏହା ପୂର୍ବରୁ ସଲମାନ ଫିଲ୍ମ ଇଣ୍ଡଷ୍ଟ୍ରିରେ କାମ କରୁଥିବା ଦିନ ମଜୁରିଆଙ୍କ ଆକାଉଣ୍ଟକୁ ପଇସା ଟ୍ରାନ୍ସଫର କରିଥିଲେ । ସେମାନେ ଏପରି ସଙ୍କଟ ସମୟରେ ହଇରାଣ ନହୁଅନ୍ତୁ ସେଥିପାଇଁ ସଲମାନ ଏପରି କରିଥିଲେ। ସଲମାନ ୧୬ ହଜାର ଶ୍ରମିକଙ୍କ ଆକାଉଣ୍ଟକୁ ୪ କୋଟି ୮୦ ଲକ୍ଷ ପଇସା ଟ୍ରାନ୍ସଫର କରିଛନ୍ତି । ଏହାସହିତ ୧୯ ହଜାର ଶ୍ରମିକଙ୍କ ଆକାଉଣ୍ଟକୁ ୫ କୋଟି ୭୦ ଲକ୍ଷ ପଇସା ଟ୍ରାନ୍ସଫର କରିବାକୁ ନିଷ୍ପତି କରିଛନ୍ତି ।
