ଲଣ୍ଡନରେ ବିବାହ କରିବେ ଅଭିନେତା ବିଦ୍ୟୁତ ଜମୱାଲ
ଗାର୍ଲଫ୍ରେଣ୍ଡ ନନ୍ଦିତା ମହତାନିଙ୍କ ସହ ଲଣ୍ଡନରେ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ବିଦ୍ୟୁତ । ଅଭିନେତାଙ୍କ ବିବାହକୁ ନେଇ ଏକ ବଡ ଅପଡେଟ ସାମ୍ନାକୁ ଆସିଛି ।
ବିବାହ କରିବେ ବଲିଉଡ୍ର ଲୋକପ୍ରିୟ ଅଭିନେତା ବିଦ୍ୟୁତ ଜମୱାଲ । ଗାର୍ଲଫ୍ରେଣ୍ଡ ନନ୍ଦିତା ମହତାନିଙ୍କ ସହ ଲଣ୍ଡନରେ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ବିଦ୍ୟୁତ । ସେ ନିଜ ଷ୍ଟଣ୍ଟ ଏବଂ ମାର୍ଶଲ ଆର୍ଟ ପାଇଁ ଖୁବ ଲୋକପ୍ରିୟ । ଏହି ଅଭିନେତାଙ୍କ ପାଇଁ ଲକ୍ଷ ଲକ୍ଷ ଝିଅ ପାଗଳ ହେଉଥିବା ବେଳେ ଏବେ ସମସ୍ତଙ୍କ ହୃଦୟ ଭାଙ୍ଗିବାକୁ ଯାଉଛନ୍ତି ଏହି ଅଭିନେତା । କାରଣ ଅଭିନେତାଙ୍କ ବିବାହକୁ ନେଇ ଏକ ବଡ ଖବର ସାମ୍ନାକୁ ଆସିଛି । ସେ ନନ୍ଦିତାଙ୍କୁ ନିଜର କରିବାକୁ ଯାଉଛନ୍ତି ।
ଗତବର୍ଷ ଏହି କପଲ ନିର୍ବନ୍ଧ କରିଥିଲେ । ଏହା ପରଠାରୁ ତାଙ୍କ ବିବାହକୁ ନେଇ ଗୁଜବ କ୍ରମାଗତ ଭାବରେ ଶୁଣିବାକୁ ମିଳୁଥିଲା । ଗତବର୍ଷ ମଧ୍ୟ କୁହାଯାଇଥିଲା ଯେ ଦୁହେଁ ବିବାହ କରିବାକୁ ଯାଉଛନ୍ତି କିନ୍ତୁ ସେମିତି କିଛି ହୋଇନଥିଲା । ଏ ସମସ୍ତ ଗୁଜବ ବୋଲି ପ୍ରମାଣିତ ହୋଇଥିଲା । ସେମିତି ଏବେ ପୁଣିଥରେ ବିଦ୍ୟୁତ ଓ ନନ୍ଦିତାଙ୍କ ବିବାହ ଅପଡେଟ ସାମ୍ନାକୁ ଆସିଛି ।
ମିଡିଆ ରିପୋର୍ଟ ଅନୁଯାୟୀ, ଏହି କପଲ ଗତବର୍ଷ ଜୁଲାଇରେ ବିବାହ କରିଥିଲେ । କିନ୍ତୁ ଦୁହେଁ ନିଜ ବିବାହକୁ ଗୁପ୍ତ ରଖିଛନ୍ତି । ଏବେ ପୁଣିଥରେ ସମ୍ପୂର୍ଣ୍ଣ ବିଧିବିଧାନରେ ସେମାନେ ବିବାହ କରିବେ ବୋଲି ଶୁଣାଯାଉଛି । ମିଡିଆ ଅନୁସାରେ ବିଦ୍ୟୁତ ଏବଂ ତାଙ୍କ ଗାର୍ଲଫ୍ରେଣ୍ଡ, ଟେନସିଲ ଟାଉନରେ ବିବାହ କରିବେ। ସେ ଖୁବ ଶୀଘ୍ର ଲଣ୍ଡନ ଯିବେ କାରଣ ତାଙ୍କ ପ୍ରେମିକା ସେଠି ରହୁଛନ୍ତି । ଫ୍ୟାନ୍ସମାନେ ଅତି ଆଗ୍ରହର ସହିତ ଏହି ବିବାହ ପାଇଁ ଅପେକ୍ଷା କରିଛନ୍ତି । ସୂଚନାଯୋଗ୍ୟ ଯେ ଅଭିନେତା ନିଜ ଫିଲ୍ମ ଖୁଦା ହାଫିଜ ଓ କମାଣ୍ଡୋ ପାଇଁ ବେଶ୍ ଜଣାଶୁଣା ।
