ଯଦିଓ କୌଣସି ବିଶେଷ ଉତ୍ସବ କିମ୍ବା ପର୍ବପର୍ବାଣୀରେ ଘରେ ମିଠା ପ୍ରସ୍ତୁତ ହୋଇଥାଏ କିନ୍ତୁ ଜିଲାପି ଏତେ ମିଠା ଯେ ଏହାର ସ୍ୱାଦ ପାଇବା ପାଇଁ କୌଣସି ଉତ୍ସବକୁ ଅପେକ୍ଷା କରିବାକୁ ପଡିବ ନାହିଁ। କିଛି ଲୋକ କ୍ଷୀର ସହିତ ଜିଲାପିର ମିଶ୍ରଣକୁ ପସନ୍ଦ କରନ୍ତି । ଜିଲାପି ଆମ ଦେଶର ଏକ ପାରମ୍ପାରିକ ମିଠା, ଯାହା ବିଶେଷ ଭାବରେ ଉତ୍ତର ଭାରତରେ ଖିଆଯାଏ। ପ୍ରାୟତଃ ଲୋକମାନେ ସକାଳ ଜଳଖିଆରେ ଜିଲାପି ଖାଇବାକୁ ପସନ୍ଦ କରନ୍ତି। ସକାଳେ ଜଳଖିଆରେ ଜିଲାପି ଖାଇଲେ ତାର ସ୍ୱାଦ ଦିନ ସାରା ରହିଥାଏ। ଏହା ସ୍ୱାସ୍ଥ୍ୟ ପାଇଁ ଲାଭଦାୟକ ବୋଲି କୁହାଯାଏ।
ଅନେକ ଲୋକ ଏବେ ମଧ୍ୟ ପାରମ୍ପରିକ ଭାବେ ପିଲାଙ୍କୁ ପରୀକ୍ଷା ପୂର୍ବରୁ କିମ୍ବା କୌଣସି ଶୁଭ କାମରେ ଯିବା ପୂର୍ବରୁ କ୍ଷୀର ଜିଲାପି ଖୁଆଇଥାନ୍ତି। କିନ୍ତୁ କ୍ଷୀର ସହ ଜିଲାପି ଖାଇବା ସ୍ୱାସ୍ଥ୍ୟ ପାଇଁ ମଧ୍ୟ ଲାଭଦାୟକ ବୋଲି ଆପଣ ଜାଣିଛନ୍ତି କି ? କ୍ଷୀର ସହ ଜିଲାପି ଖାଇବାର କଣ କଣ ଲାଭ ରହିଛି ଜାଣନ୍ତୁ।
କ୍ଷୀର ସହ ଜିଲାପିକୁ ଏକ ସୁପରଫୁଡ ବୋଲି କୁହାଯାଏ । ଏହା ଷ୍ଟ୍ରେସ ହର୍ମୋନ କମ କରିବାରେ ସାହାଯ୍ୟ କରିଥାଏ। ଯାହାଫଳରେ ଅବସାଦରୁ ମୁକ୍ତି ମିଳିଥାଏ। ଏହା ଖାଇବା ଦ୍ୱାରା ଏକାଗ୍ରତା ବଢିଥାଏ ଓ ମୁଡ଼ ମଧ୍ୟ ଫ୍ରେଶ ହୋଇଯାଏ।
ମାଇଗ୍ରେନ ଓ ଅଧା କପାଳୀ ଭଳି ମୁଣ୍ଡବିନ୍ଧା ସମସ୍ୟା ଦୂର କରିବାରେ ମଧ୍ୟ କ୍ଷୀର-ଜିଲାପିର କମ୍ବିନେସନ ବହୁତ ଲାଭକାରୀ।
ବିଶେଷଜ୍ଞଙ୍କ ଅନୁଯାୟୀ ସକାଳେ ଜଳଖିଆରେ କ୍ଷୀର ସହ ଜିଲାପି ଖାଇଲେ ମୁଣ୍ଡବିନ୍ଧା ସମସ୍ୟା ଦୂର ହୋଇଥାଏ।
କ୍ଷୀର ଓ ଜିଲାପିର କମ୍ବିନେସନ ଓଜନ ବଢାଇବାରେ ମଧ୍ୟ ସାହାଯ୍ୟ କରିଥାଏ।
ଜିଲାପିରେ ବହୁ ମାତ୍ରାରେ କ୍ୟାଲୋରୀ ରହିଛି। ଯାହାଫଳରେ ଜିଲାପି ଖାଇବା ଦ୍ୱାରା ଓଜନ ବଢିଥାଏ ।
ଯେଉଁମାନେ ବହୁତ ପତଳା ଓ ଓଜନ ବଢାଇବାକୁ ଚାହୁଁଛନ୍ତି ସେମାନେ ସକାଳେ ଜଳଖିଆ ସମୟରେ ଗୋଟିଏ ଗ୍ଲାସ କ୍ଷୀର ସହ ଜିଲାପି ଖାଇପାରିବେ।
ଥଣ୍ଡା ଯୋଗୁଁ ନିଶ୍ୱାସ ନେବାରେ ଅସୁବିଧା ହୋଇଥାଏ। କ୍ଷୀର ଜିଲାପି ଏହି ସମସ୍ୟା ଦୂର କରିବାରେ ମଧ୍ୟ ସାହାଯ୍ୟ କରିଥାଏ।
ଏଥିପାଇଁ ପ୍ରତିଦିନ ଗୋଟିଏ ଜିଲାପି ଗରମ କ୍ଷୀରରେ ବୁଡାଇ ଖାଇପାରିବେ।