ତେଲିଆ କେଶ ପାଇଁ ଘରେ ପ୍ରସ୍ତୁତ କରନ୍ତୁ ଆୟୁର୍ବେଦିକ ହର୍ବାଲ ସାମ୍ପୁ
ଅନେକ ଲୋକ ନିଜ ଶରୀର ପାଇଁ ଖୁବ୍ ଯତ୍ନବାନ। କିନ୍ତୁ ଅନେକ ସମୟରେ ପରିବେଶ ସନ୍ତୁଳନ ଠିକ୍ ନ ରହିବାରୁ ଶାରୀରିକ ସମସ୍ୟା ଉପୁଜି ଥାଏ। ଆପଣା ଜାଣିଥିବେ ଅନେକ ନିଜ କେଶକୁ ନେଇ ମଧ୍ୟ ଅଧିକ ଯତ୍ନବାନ ଥାଆନ୍ତି। ଯଦି ଆପଣଙ୍କ କେଶ ଗ୍ରୀଷ୍ମ ଋତୁରେ ତେଲିଆ ହୋଇଯାଏ, ତେବେ ଆପଣ ରାସାୟନିକ ଆଧାରିତ ସାମ୍ପୁ ବଦଳରେ ହର୍ବାଲ ସାମ୍ପୁ ବ୍ୟବହାର କରିବା ଉଚିତ।
ଆଜି ଆମେ ଆପଣଙ୍କୁ ଏପରି ହର୍ବାଲ ସାମ୍ପୁ କିପରି ତିଆରି କରିବାକୁ ହୁଏ ସେହି ବିଷୟରେ କହିବୁ। ଯାହା କେବଳ ଆପଣଙ୍କ ମୁଣ୍ଡରୁ ତେଲ ବାହାର କରିବ ନାହିଁ ବରଂ ଆପଣଙ୍କ କେଶକୁ ସିଲ୍କି କରିବା ସହିତ ଚମକାଇବ। ଏଥିପାଇଁ ଆପଣଙ୍କୁ ଶୁଖିଲା ଆମ୍ଲା, ରିଠା, ଶିକାକାଇ ଏବଂ ମେଥି ଦରକାର। ଶୁଖିଲା ଅଁଳାରେ ଆଣ୍ଟିଅକ୍ସିଡାଣ୍ଟ ଏବଂ ପଲିଫେନୋଲରେ ଭରପୂର ମାତ୍ରାରେ ରହିଛି। ଏହା ତ୍ୱଚାରେ ଥିବା ସଂକ୍ରମଣକୁ ଦୂର କରିଥାଏ।
ରିଠାରେ ଭିଟାମିନ୍ ଏ ଏବଂ ଭିଟାମିନ୍ ସି ପରି ପୋଷକ ତତ୍ତ୍ୱ ରହିଥାଏ, ଯାହା କେଶ କୋଷକୁ ସୁସ୍ଥ କରିବାରେ ସାହାଯ୍ୟ କରିଥାଏ । ଶିକାକାଇରେ ଆଣ୍ଟିଅକ୍ସିଡାଣ୍ଟ ଏବଂ ଭିଟାମିନ୍ A, ଭିଟାମିନ୍ C, ଭିଟାମିନ୍ K ଏବଂ ଭିଟାମିନ୍ D ଭଳି ପୋଷକ ତତ୍ତ୍ୱ ରହିଥାଏ, ଯାହା କେଶକୁ କୋମଳ କରିଥାଏ। ମେଥି ମଞ୍ଜିରେ ପ୍ରାକୃତିକ ଭାବରେ ପ୍ରୋଟିନ୍, ଫ୍ୟାଟ୍, କାର୍ବୋହାଇଡ୍ରେଟ୍, କ୍ୟାଲସିୟମ୍, ଆଇରନ୍ ଭଳି ଉପାଦାନ ରହିଥାଏ, ଯାହା କେଶକୁ ବଢ଼ାଇବାରେ ସାହାଯ୍ୟ କରେ।
ହର୍ବାଲ ସାମ୍ପୁ ତିଆରି ପାଇଁ ଉପାଦାନ:
. ଶୁଖିଲା ଅଁଳା ୫୦ ଗ୍ରାମ, ରିଠା ୫୦ ଗ୍ରାମ, ଶିକାକାଇ ୫୦ ଗ୍ରାମ, ମେଥି ୫୦
ଗ୍ରାମ।
ହର୍ବାଲ ସାମ୍ପୁ ତିଆରି କରିବା ପ୍ରଣାଳୀ:
ହର୍ବାଲ ସାମ୍ପୁ ତିଆରି କରିବା ପାଇଁ, ଅଁଳା, ରିଠା, ଶିକାକାଇ ଏବଂ ମେଥି ମଞ୍ଜିକୁ ସଫା ପାଣିରେ ଧୋଇ ଦିଅନ୍ତୁ। ତା’ପରେ ଏଗୁଡ଼ିକୁ ଦୁଇ ଗ୍ଲାସ ପାଣିରେ ରାତିସାରା ଭିଜାଇ ରଖନ୍ତୁ। ସକାଳେ, ସେଗୁଡିକୁ ଆପଣଙ୍କ ହାତରେ ଭଲ ଭାବରେ ଘସନ୍ତୁ । ହର୍ବାଲ ସାମ୍ପୁ ପାଇଁ ଗ୍ୟାସରେ ଏକ ପ୍ୟାନ ବସାଇ ଆପଣଙ୍କୁ ନିଆଁକୁ କମ୍ ରଖିବାକୁ ପଡିବ। ସେହି ସବୁ ମିଶ୍ରଣକୁ କିଛି ସମୟ ପାଇଁ ଫୁଟାନ୍ତୁ। ତା’ପରେ ଗ୍ୟାସ ବନ୍ଦ କରି ଥଣ୍ଡା ହେବାକୁ ଦିଅନ୍ତୁ। ଯେତେବେଳେ ଏହା ଭଲ ଭାବେ ଥଣ୍ଡା ହୋଇଯିବ, ଏହାକୁ ଅନ୍ୟ ପାତ୍ରରେ ଫିଲ୍ଟର୍ କରନ୍ତୁ ଏବଂ ତା’ପରେ ଏହାକୁ ଏକ ବୋତଲରେ ରଖନ୍ତୁ। ଆପଣ ଏହି ସାମ୍ପୁକୁ ଏକ ମାସ ପାଇଁ ବ୍ୟବହାର କରିପାରିବେ। ଏହା କେଶ ପାଇଁ ଏକ ଭଲ ଆୟୁର୍ବେଦ ସାମ୍ପୁ। ଏହା ଆପଣଙ୍କ କେଶକୁ କୌଣସି ପ୍ରକାରେ କ୍ଷତି ପହଞ୍ଚାଇବ ନାହିଁ।
