ପାଚନ ତନ୍ତ୍ରକୁ ସୁସ୍ଥ ରଖିବା ସହ ମାନସିକ ଅବସାଦରୁ ମୁକ୍ତି ଦେବ ଏହି ସବୁ ଉପାୟ
ଉତ୍ତମ ନିଦ୍ରା ଶରୀର ପାଇଁ ବେଶ ମହତ୍ୱପୂର୍ଣ୍ଣ ହୋଇଥାଏ । ଏହା ଶରୀରରେ କେବଳ ଶକ୍ତି ଉତ୍ପନ୍ନ କରିନଥାଏ ବରଂ ଶରୀରରେ କାର୍ଯ୍ୟକରିବା କ୍ଷମତାକୁ ମଧ୍ୟ ବଢ଼ାଇଥାଏ । ଯେଉଁଥିରେ ପ୍ରତିରକ୍ଷା ପ୍ରଣାଳୀ, ହାର୍ଟ, ମସ୍ତିଷ୍କ ସହ ପାଚନ ତନ୍ତ୍ରକୁ ସୁରକ୍ଷିତ ରହିଥାଏ । ଯଦି ଆପଣ ଉତ୍ତମ ନିଦ୍ରା ନେଉ ନାହାନ୍ତି, ତେବେ ଆପଣଙ୍କ ପାଚନ ତନ୍ତ୍ର ପ୍ରକ୍ରିୟା ଅନେକ ପରିମାଣରେ ପ୍ରଭାବିତ ହୋଇଥାଏ । ଆଜି ଆମେ ଆପଣଙ୍କୁ ଏହା ସଂପର୍କରେ କହିବାକୁ ଯାଉଛୁ । ଚାଲନ୍ତୁ ଜାଣିବା ସେ ସଂପର୍କରେ ।
– ବ୍ୟକ୍ତି ଜଣକ ଉତ୍ତମ ନିଦ୍ରା ଗ୍ରହଣ ନ କଲେଏହାର ଖରାପ ପ୍ରଭାବ ଶରୀର ଉପରେ ପଡିଥାଏ । ଏହାଦ୍ୱାରା ବ୍ୟକ୍ତିର ହର୍ମୋନ ଅସନ୍ତୁଳନ ହୋଇଥାଏ । ଯାହାଦ୍ୱାରା ବ୍ୟକ୍ତି ଚିଡଚିଡା ସ୍ୱଭାବର ହୋଇଯାଏ । ଶରୀରରେ କୋର୍ଟିସଲର ମାତ୍ରା ବଢ଼ିଥାଏ । ମାନସିକ ଅବସାଦ ପାଇଁ ଶରୀରରେ ଅନେକ ସମସ୍ୟା ଦେଖାଯାଏ । ଯାହାଦ୍ୱାରା ବିଷାକ୍ତ ପଦାର୍ଥ ପାଚନ ତନ୍ତ୍ର କ୍ରିୟାକୁ ବାଧା ପ୍ରାପ୍ତ କରେ । ଏହାଦ୍ୱାରା ପେଟରେ ଯନ୍ତ୍ରଣା, ଖାଦ୍ୟ ହଜମ ନ ହେବା ସହ ଅନେକ ଶାରୀରିକ ସମସ୍ୟା ଦେଖାଯାଏ ।
– ନିଦ୍ରାର ଅଭାବ ଦ୍ୱାରା ଶରୀରରେ ଥିବା ହର୍ମୋନ ଅସନ୍ତୁଳିତ ଅବସ୍ଥାରେ ରହିଥାଏ ।ଯାହାଦ୍ୱାରା ଭୋକ ବଢ଼ିଥାଏ । ଶରୀର ଅସୁସ୍ଥ ଅନୁଭବ ହୁଏ । ଏଥିପାଇଁ ଆପଣଙ୍କୁ ଖାଦ୍ୟ ଉପରେ ମଧ୍ୟ ଧ୍ୟାନ ଦେବାକୁ ପଡିବ । ଅନହେଲ୍ଦି ଖାଦ୍ୟଠୁ ଆପଣଙ୍କୁ ଦୂରେଇ ରହିବାକୁ ପଡିବ । ନୁଡଲ୍ସ ଭଳି ଜଙ୍କ ଫୁଡଠୁ ଦୂରେଇ ରହିଲେ ଆପଣଙ୍କ ଶରୀର ସୁସ୍ଥ ରହିପାରିବ ।
– ଡେରି ରାତି ଯାଏଁ ଅନିଦ୍ରା ରହିଲେ ଏହା ଶରୀରରେ ଖରାପ ପ୍ରଭାବ ପକାଇଥାଏ । ଖାଦ୍ୟ ବିଳମ୍ବରେ ଖାଇବା ସହ ଡେରି ରାତିରେ ଶୋଇବା ଦ୍ୱାରା ପାଚନ ଶକ୍ତି ଉପରେ ବହୁତ ଖରାପ ପ୍ରଭାବ ପକାଇଥାଏ । ଖାଦ୍ୟ ହଜମ ନ ହେବା ଭଳି ସମସ୍ୟା ଦେଖାଯାଏ । ତେଣୁ ସର୍ବଦା ଉତ୍ତମ ନିଦ୍ରା ନେବା ପାଇଁ ଚେଷ୍ଟା କରନ୍ତୁ ।
