ହାତରେ ଅନେକ ପ୍ରକାର ରେଖା ରହିଥାଏ। ଏହି ବିଷୟରେ ଅଧ୍ୟୟନ କରୁଥିବା ବ୍ୟକ୍ତିଙ୍କୁ ସ୍ବଭାବ ଏବଂ ଭବିଷ୍ୟତ ବିଷୟରେ ଅନେକ ତଥ୍ୟ ଜଣାଥାଏ। ହାତରେ ଏଭଳି କିଛି ରେଖା ରହିଥାଏ, ଯାହା କିଛି ଖାସ୍ ଅକ୍ଷର ଭଳି ଦୃଶ୍ୟମାନ ହୋଇଥାଏ। ସେହିଭଳି ଯଦି ହାତରେ ଏମ୍ ଅକ୍ଷର ଦେଖାଯାଇଥାଏ ତେବେ ଏହା ଖୁବ୍ ଶୁଭ ହୋଇଥାଏ। ହସ୍ତରେଖା ଜ୍ୟୋତିଷଙ୍କ କହିବା ଅନୁଯାୟୀ ଯଦି କୌଣସି ବ୍ୟକ୍ତିଙ୍କ ହାତରେ ଇଂରାଜୀ ଏମ୍ ଅକ୍ଷର ଦେଖାଯାଇଥାଏ ତେବେ ସେମାନେ ଖୁବ୍ ଭାଗ୍ୟଶାଳୀ ହୋଇଥାନ୍ତି। ସେମାନଙ୍କ ଭାଗ୍ୟ ଏକ ନିଶ୍ଚିନ୍ତ ସମୟ ପରେ ଖୋଲିଥାଏ।
ଯେଉଁ ବ୍ୟକ୍ତିମାନଙ୍କ ହାତରେ ଏଭଳି ଚିହ୍ନ ରହିଥାଏ ସେମାନଙ୍କ ଆରମ୍ଭ ସମୟ ସଂଘର୍ଷମୟ ହୋଇଥାଏ। ଗୁଣରେ ଭରପୁର ଥିବା ଏହି ବ୍ଯକ୍ତିମାନଙ୍କ ଭାଗ୍ୟ ୨୧ ବର୍ଷ ପରେ ହିଁ ଖୋଲିଥାଏ। ଯେଉଁ ବ୍ୟକ୍ତିମାନଙ୍କ ହାତରେ ଏମ୍ ଚିହ୍ନ ରହିଥାଏ ସେହି ବ୍ୟକ୍ତିମାନେ ଜୀବନରେ ଆସୁ୍ଥିବା ସମୟ ପାଇଁ ପ୍ରସ୍ତୁତ ହୋଇରହିଥାନ୍ତି।
ଏହା ସହ ପଢନ୍ତୁ: ଆପଣଙ୍କ ଶୟନ କକ୍ଷର କାନ୍ଥର ରଙ୍ଗ ଜଣାଇବ ଆପଣଙ୍କ ସ୍ବଭାବ ଏବଂ ବ୍ୟକ୍ତିତ୍ବ
ଏଭଳି ବ୍ୟକ୍ତିମାନଙ୍କ ପାଖରେ ଦୂରଦର୍ଶିତା ଗୁଣ ରହିଥାଏ। ଏହି ବ୍ୟକ୍ତିମାନଙ୍କ ପାଖରେ ନେତୃତ୍ୱ କରିବାର କ୍ଷମତା ରହିଥାଏ। ସେମାନଙ୍କର ଉତ୍ତମ ଗୁଣ କାରଣରୁ ସମାଜରେ ମାନ-ସମ୍ମାନ ପାଇଥାନ୍ତି। ଏହି ବ୍ୟକ୍ତିମାନଙ୍କ ପାଖରେ କେବେ ବି ଟଙ୍କାର ଅଭାବ ଦେଖାଯାଇନଥାଏ। ସେମାନଙ୍କ ଜୀବନ ମଧ୍ୟ ସୁଖମୟ ହୋଇଥାଏ। ଏହି ବ୍ୟକ୍ତିମାନେ ଜୀବନରେ ଆସୁଥିବା ପ୍ରତ୍ୟେକ ସମସ୍ୟାକୁ ସାମ୍ନା କରିବାରେ ସକ୍ଷମ ହୋଇଥାନ୍ତି।