ଛତୁକୁ ଦିଅନ୍ତୁ ଏକ ନୂଆ ଟ୍ଵିଷ୍ଟ, ସନ୍ଧ୍ୟା ସମୟରେ ଘରେ ବନାନ୍ତୁ କ୍ରିସପି ‘ମଶରୁମ ପକୋଡା’
ଶୀତ ଦିନ ମାନଙ୍କରେ ସାଧାରଣତଃ କିଛି ଗରମ ଗରମ ଚଟପଟା ଖାଦ୍ୟ ଖାଇବାକୁ ଇଛା ହୋଇଥାଏ । ତେଣୁ କେତେ ଜଣ ଏହି ଦିନରେ ବିଭିନ୍ନ ପ୍ରକାର ବିଶେଷ ଖାଦ୍ୟ ମାନ ମଧ୍ୟ ପ୍ରସ୍ତୁତ କରିଥାନ୍ତି । ତେଣୁ ଆପଣଙ୍କ ଶୀତ ସନ୍ଧ୍ୟାକୁ କିଛିଟା ମଜାଦାର କରିବାକୁ ଆମେ ଆପଣଙ୍କ ପାଇଁ ନେଇ ଆସିଛୁ ‘ଟେଷ୍ଟି ମସ୍ରୁମ ପକୋଡା’ । ତେବେ ଜାଣି ରଖନ୍ତୁ ଏଥିପାଇଁ ଆବଶ୍ୟକ ହେଉଥିବା ସାମଗ୍ରୀ ।
ଆବଶ୍ୟକୀୟ ସାମଗ୍ରୀ :
୧. ମସରୁମ – ୧ କପ
୨. ବ୍ରେଡ କମ ପାଉଡର – ୨ କପ
୩. କଞ୍ଚା ଲଙ୍କା – ୪ଟି
୪. ପିଆଜ – ୨ଟି
୫. ରୋଷଟେଡ଼ କୋବି – ୧ କପ
୬. ଚିଜ କ୍ୟୁବ- ୧ କପ
୭. ଲଙ୍କା ଗୁଣ୍ଡ – ୨ ଚାମଚ
୮. ଧନିଆ ପତ୍ର – ଅଧା ଚାମଚ
୯. କର୍ନ ଫ୍ଲୋର ପାଉଡର – ୨ ଚାମଚ
୧୦. ତେଲ – ଆବଶ୍ୟକତା ଅନୁସାରେ
୧୧ . ଲୁଣ – ସ୍ୱାଦ ଅନୁଯାୟୀ
ପ୍ରସ୍ତୁତି ପ୍ରଣାଳୀ:
– ପ୍ରଥମେ ପିଆଜ, ଛତୁ, କଞ୍ଚା ଲଙ୍କା ଆଦିକୁ କାଟି ରଖନ୍ତୁ ।
– ଏବେ ଏକ ପାତ୍ରରେ ସମସ୍ତ ପରିବା, ବ୍ରେଡ଼ କମ ପାଉଡର, କର୍ନ ଫ୍ଲୋର, ଲଙ୍କା ଗୁଣ୍ଡ ଭଲ ଭାବେ ମିଶେଇ ଦିଅନ୍ତୁ ।
– ଏବେ ଚିଜକୁ ମିଶେଇ ଦିଅନ୍ତୁ
– ଏବେ ଏଥିରେ ପାଣି ଓ ସ୍ୱାଦ ଅନୁଯାୟୀ ଲୁଣ ଗୋଳେଇ ଦିଅନ୍ତୁ । ଧ୍ୟାନ ରଖିବେ ଘୋଳ ଟି ଯେମିତି ବିଣ୍ଡା ନ ବାନ୍ଧିଯାଏ ।
– ଏବେ ଚୁଲିରେ ମିଡିୟମ ଅଣ୍ଚାରେ କଡେଇ ବସେଇ ଦିଅନ୍ତୁ । ସେଥିରେ ଦରକାର ଅନୁଯାୟୀ ତେଲ ଦିଅନ୍ତୁ ।
– ତେଲ ଗରମ ହେବା ପରେ ପୂର୍ବରୁ ପ୍ରସ୍ତୁତ ହୋଇଥିବା ଛତୁ ମିଶ୍ରଣକୁ ଗୋଟି ଗୋଟି କରି ଛାଣି ଦିଅନ୍ତୁ ।
– ଗୋଲଡେନ ବ୍ରାଉନ ହେବା ପର୍ୟ୍ୟନ୍ତ ଭାଜନ୍ତୁ ।
– ପ୍ରସ୍ତୁତ ହୋଇଗଲା ଚାଟୁ ପକୋଡା
– ଏବେ ଏହାକୁ ଚଟଣି କିମ୍ବା ସସ ସହିତ ଖାଆନ୍ତୁ ।
