ନିୟମିତ କିସମିସ ଖାଇଲେ ଶରୀରକୁ ଅନେକ ଉପକାରୀ ତତ୍ତ୍ୱ ମିଳିଥାଏ । କିଷମିସରେ ଆଇରନ, ପୋଟାସିୟମ, ଭିଟାମିନ-ବି, କ୍ୟାଲସିୟମ, ମ୍ୟାଗନେସିୟମ, ଫାଇବର ଆଦି ଉପାଦାନ ମିଳିଥାଏ । ଶରୀର ଗରମ ରହୁଥିବାରୁ ଏହାକୁ ଅଧିକାଂଶ ଲୋକ ଶୀତ ଋତୁରେ ଖାଇଥାନ୍ତି । ଏନିମିଆ ବା ରକ୍ତହୀନତାରୁ ହିଁ କିସମିସ ରକ୍ଷା କରିଥାଏ । ସ୍ୱାଦିଷ୍ଟ ହୋଇଥିବାରୁ ପିଲାମାନେ ବି ଏହାକୁ ଖୁବ ଖାଇଥାନ୍ତି | କିନ୍ତୁ ଅଧିକ ମାତ୍ରରେ କିସମିସ ଖାଇଲେ ସ୍ୱାସ୍ଥ୍ୟ ଉପରେ କୁପ୍ରଭାବ ପକେଇଥାଏ ।
ଓଜନ ବଢିଥାଏ:
ଯଦି ଆପଣ ଓଜନ କମ କରିବାକୁ ଚାହୁଁଛନ୍ତି ତେବେ ଆପଣ ଭୁଲରେ ବି କିସମିସ ଖାଇବା ଉଚିତ ନୁହେଁ । କାରଣ ଏଥିରେ ଫରୁକଟୋଜ ଭରପୁର ମାତ୍ରରେ ଥାଏ । ଯାହାକି ଓଜନ ବଢ଼ାଇଥାଏ ।
ବାନ୍ତି ଓ ଡ଼ାଇରେରିଆ:
ଅଧିକ କିସମିସ ଖାଇଲେ ବାନ୍ତି ସମେତ ଡ଼ାଇରେରିଆ ସମସ୍ୟା ଉପୁଜେ । ଯଦି ଆପଣଙ୍କ ପାଚନ ତନ୍ତ୍ରରେ କୌଣସି ଅସୁବିଧା ଥାଏ ବା ପାଚନ ତନ୍ତ୍ର ଦୁର୍ବଳ ଥାଏ ତେବେ କିସମିସ ଠାରୁ ଦୁରେଇ ରୁହନ୍ତୁ ।
ହୃଦରୋଗୀ:
ଏଧରଣର ରୋଗୀ ମାନେ ବି କିସମିସ ଠାରୁ ଦୁରେଇ ରହିବା ଉଚିତ । କାରଣ ଏଥିରେ ଅଧିକ ଟ୍ରାଇଗ୍ଲିସରାଇଡିଶ ଥାଏ | ଯାହା ସ୍ୱାସ୍ଥ୍ୟ ପାଇଁ ଉପଯୁକ୍ତ ନୁହେଁ ।
ଆଲର୍ଜି:
ଯେଉଁ ମାନଙ୍କର ଆଲର୍ଜି ଥାଏ ସେମାନେ ବି କିସମିସ ଖାଇବା ଉଚିତ ନୁହେଁ । ନଚେତ କୁଣ୍ଡାଇହେବା, ରାଶେଜ ପରି ସମସ୍ୟା ଉପୁଜିଥାଏ | ଯଦି ବି ଖାଇବେ କିନ୍ତୁ ପରିମାଣ କମ ରଖିବା ଉଚିତ ।