ମଟର ପନିର, ଆଳୁ ମଟର ହେଉ ବା ମଟର ପଲାଉ କିମ୍ବା ମଟର କଚୋଡି ଖାଇବାକୁ ବହୁତ ଟେଷ୍ଟି ହୋଇଥାଏ । ଗ୍ରୀନ ମଟରରେ ଥିବା ଆଇରନ୍, ଜିଙ୍କ୍, ଭିଟାମିନ ଓ ମିନେରାଲ ସହ ପର୍ଯ୍ୟାପ୍ତ ପରିମାଣରେ ପ୍ରୋଟିନ ଓ କାର୍ବୋହାଇଡ୍ରେଟ ସହ ଆଣ୍ଟି ଅକ୍ସିଡାଣ୍ଟ ରହିଥାଏ । ଏହା ସ୍ୱାସ୍ଥ୍ୟ ପାଇଁ ବହୁତ ଉପକାରୀ ହୋଇଥାଏ । ହେଲେ ଗ୍ରୀନ ମଟର ସର୍ବଦା ମିଳିନଥାଏ ।
ଯଦି ବା ମିଳେ ଅଧିକ ଦାମ ରହିଥାଏ । ଗ୍ରୀନ ମଟର ସିଜନ ଶୀତ ଦିନେ ଆରମ୍ଭ ହୋଇଥାଏ । ଏହି ସମୟରେ ଏହା କମ୍ ଦାମରେ ମିଳିଥାଏ । ତେଣୁ ଗ୍ରୀନ ମଟରକୁ ଚାହିଁଲେ ଆପଣ ବର୍ଷେ ଯାଏ ସଂରକ୍ଷିତ କରି ରଖିପାରିବେ । ଆଜି ଆସନ୍ତୁ ଜାଣିବା ଏମିତି କିଛି ଟିପ୍ସ । ଯେପରି ଗ୍ରୀନ ମଟରକୁ ବର୍ଷେ ଯାଏ ସାଇତି ରଖିହେବ ।
ମଟରକୁ ଷ୍ଟୋର କରିବାର ତରିକା :
– ଗ୍ରୀନ ମଟର ଚୋପା ଛଡାଇ ଏହାକୁ ଏକ ପାତ୍ରରେ ରଖନ୍ତୁ ।
– ଏବେ ଏଥିରୁ ଛୋଟ ଓ ଖରାପ ଦାନାକୁ ଅଲଗା କରିଦିଅନ୍ତୁ ।
– କାରଣ ଦୀର୍ଘ ଦିନ ପାଇଁ ମଟରକୁ ରଖିବାକୁ ହେଲେ ଭଲ ଦାନାର ମଟରକୁ ରଖିବାକୁ ହେବ ।
– ଏବେ ମଟରକୁ ଭଲ ଭାବେ ଦୁଇଥର ଧୋଇ ଦିଅନ୍ତୁ ।
– ଗ୍ୟାସରେ ପାଣି ଗରମ କରନ୍ତୁ । ପାଣି ଫୁଟିବା ଆରମ୍ଭ ହେଲେ ସେଥିରେ ୨ ଛୋଟ ଚାମଚ ଚିନି ପକାନ୍ତୁ । ଏବେ ରଖିଥିବା ଗ୍ରୀନ ମଟରକୁ ସେଥିରେ ପକାଇ ଠିକ୍ ୨ ମିନିଟ ଫୁଟାନ୍ତୁ ।
– ଏବେ ଗ୍ୟାସରୁ ମଟରକୁ କାଢ଼ି ଛାଣି କରି ରଖନ୍ତୁ ।
– ଅନ୍ୟ ଏକ ପାତ୍ରରେ ଥଣ୍ଡା ପାଣି ବା ବରଫ ପାଣି ନେଇ ସେଥିରେ ଗରମ ପାଣିରୁ ଛଣା ହୋଇଥିବା ମଟରକୁ ପକାଇ ଦିଅନ୍ତୁ ।
– ମଟର ପୁରା ଥଣ୍ଡା ହୋଇଗଲେ ତାକୁ ଏକ ପାତ୍ରକୁ ଛାଣି ଦିଅନ୍ତୁ ।
– ଏବେ ଏହି ମଟରକୁ ଏକ ମୋଟା କପଡ଼ାରେ କିଛି ସମୟ ପାଇଁ ଖେଳାଇ ଦିଅନ୍ତୁ ।
– ପାଣି ସମ୍ପୂର୍ଣ୍ଣ ଶୁଖିବା ପରେ ଏହି ମଟରକୁ କିଛି ଚେନ ବାଲା ପଲିଥିନ କିମ୍ବା ଏୟାର ଟାଇଟ ଡବାରେ ପୁରାଇ ଫ୍ରିଜରେ ରଖି ଦିଅନ୍ତୁ ।
– ଏପରି ଗ୍ରୀନ ମଟରକୁ ରଖିବା ଦ୍ୱାରା ପୁରା ବର୍ଷକ ପାଇଁ ଏହାକୁ ବ୍ୟବହାର କରିପାରିବେ ।