ଗ୍ୟାସ୍ ଏବଂ ଏସିଡିଟି ସମସ୍ୟାକୁ ଛୁମନ୍ତର କରିବ ଏହି ଆସନ
ଗ୍ୟାସ୍ ଏବଂ ଏସିଡିଟି ଆଜିକାଲି ଏକ ସାଧାରଣ ସମସ୍ୟା ହୋଇଗଲାଣି। ବେଳେବେଳେ ଏହା ଏତେ ଭୟଙ୍କର ହୋଇଯାଏ ଯେ ଘରୋଇ ଉପଚାର ମଧ୍ୟ କାମ କରେନି। ଗ୍ୟାସ ଏବଂ ଏସିଡିଟି ପାଇଁ ସବୁଠାରୁ ବଡ କାରଣ ହେଉଛି ମସଲାଯୁକ୍ତ ଏବଂ ଅତ୍ୟଧିକ ମିଠା ଖାଦ୍ୟର ବ୍ୟବହାର। ଏହା ବ୍ୟତୀତ ଧୂମପାନ, ଚା’ ଏବଂ କଫି ମଧ୍ୟ ଏହି ସମସ୍ୟାକୁ ବଢାଇଥାଏ।
ଗ୍ୟାସ୍ ଏବଂ ଏସିଡିଟି ଆଜିକାଲି ଏକ ସାଧାରଣ ସମସ୍ୟା ହୋଇଗଲାଣି। ବେଳେବେଳେ ଏହା ଏତେ ଭୟଙ୍କର ହୋଇଯାଏ ଯେ ଘରୋଇ ଉପଚାର ମଧ୍ୟ କାମ କରେନି। ଗ୍ୟାସ ଏବଂ ଏସିଡିଟି ପାଇଁ ସବୁଠାରୁ ବଡ କାରଣ ହେଉଛି ମସଲାଯୁକ୍ତ ଏବଂ ଅତ୍ୟଧିକ ମିଠା ଖାଦ୍ୟର ବ୍ୟବହାର। ଏହା ବ୍ୟତୀତ ଧୂମପାନ, ଚା’ ଏବଂ କଫି ମଧ୍ୟ ଏହି ସମସ୍ୟାକୁ ବଢାଇଥାଏ।
ଯଦି ଏହି ସମସ୍ୟା ଆପଣଙ୍କୁ ବହୁତ କଷ୍ଟ ଦେଉଥାଏ ତେବେ କିଛି ସରଳ ଯୋଗ ଆସନ କରି ଆପଣ ଏହି ସମସ୍ୟାରୁ ମୁକୁଳି ପାରିବେ। ଯୋଗ ଏସିଡିଟି ଏବଂ ଗ୍ୟାସର ସମସ୍ୟା ଦୂର କରିବାରେ ବହୁତ ସହାୟକ ହୋଇପାରେ। ନ୍ୟାସନାଲ ସେଣ୍ଟର ଫର ବାୟୋଟେକ୍ନୋଲୋଜି ସୂଚନା ଏକ ଡାକ୍ତରୀ ଅଧ୍ୟୟନରେ ପ୍ରକାଶ କରିଛି ଯେ ଯୋଗ ପାଚନ ତନ୍ତ୍ର ସମ୍ବନ୍ଧୀତ ଅନେକ ସମସ୍ୟାକୁ ସହଜରେ ଦୂର କରିଥାଏ। ତେବେ ଆସନ୍ତୁ ଏସିଡିଟି ଏବଂ ଗ୍ୟାସରୁ ମୁକ୍ତି ପାଇବା ପାଇଁ କେଉଁ ଆସନ କରିବା ଦରକାର ଜାଣିନେବା।
ବଜ୍ରାସନ: ଭୋଜନ ପରେ ତୁରନ୍ତ ବଜ୍ରାସନ କରିବାରେ କୌଣସି ଅସୁବିଧା ନାହିଁ; ବରଂ ଏହା ଖାଦ୍ୟ ହଜମ କରିବାରେ ସାହାଯ୍ୟ କରିଥାଏ ଏବଂ ଗ୍ୟାସ୍ ଆଉ ଏସିଡିଟି ସମ୍ଭାବନାକୁ ମଧ୍ୟ ହ୍ରାସ କରିଥାଏ। ବଜ୍ରାସନ ହଜମଜନିତ ସମସ୍ୟା ଦୂର କରିବାରେ ସାହାଯ୍ୟ କରିଥାଏ।
ଏହା ରକ୍ତ ପ୍ରବାହକୁ ବଢାଇଦିଏ ଯାହା କୋଷ୍ଠକାଠିନ୍ୟ, ଅମ୍ଳତା, ଅନ୍ତନଳୀ ଗ୍ୟାସ ଇତ୍ୟାଦିରେ ଲାଭଦାୟକ ହୋଇପାରେ।
ଅର୍ଦ୍ଧମତ୍ସେନ୍ଦ୍ରାସନ: ଗ୍ୟାସ୍-ଏସିଡିଟି ପାଇଁ ଅର୍ଦ୍ଧମତ୍ସେନ୍ଦ୍ରାସନ, ଯେତେବେଳେ ଆପଣ ଅର୍ଦ୍ଧମତ୍ସେନ୍ଦ୍ରାସନ କରିବେ ଆପଣଙ୍କ ପେଟ ଉପରେ ଚାପ ପଡିବ, ଯାହା ରକ୍ତ ପ୍ରବାହକୁ ବଢାଇଦେବ ଏବଂ ପାଚନ ତନ୍ତ୍ରକୁ ଉତ୍ତମ ଅମ୍ଳଜାନ ଯୋଗାଇବାରେ ସାହାଯ୍ୟ କରିବ। ଏହା ଦ୍ୱାରା ଏସିଡିଟି ଦୂର ହୋଇଯାଏ ଏବଂ ଶରୀରରୁ ମଇଳା ଏବଂ ଅନ୍ୟାନ୍ୟ ଆବର୍ଜନା ବାହାରି ଯାଇଥାଏ।
ହଳାସନ: ଏସିଡିଟି ଏବଂ ଗ୍ୟାସ୍ ହଳାସନ ମଧ୍ୟ ଉପକାରୀ। ଏହି ଆସନ କରିବାବେଳେ ଶରୀର ଏକ ହଳ ପରି ଦେଖାଯାଏ, ଯେଉଁ କାରଣରୁ ଏହାକୁ ହଳାସନ କୁହାଯାଏ। ହଳାସନ କୋଷ୍ଠକାଠିନ୍ୟ, ବଦହଜମୀ ଏବଂ ଅନ୍ୟାନ୍ୟ ହଜମ ପ୍ରକ୍ରିୟା ପାଇଁ ଲାଭଦାୟକ ବୋଲି ଜଣାଯାଏ।
ବାଳାସନ : ଏସିଡିଟି ସମସ୍ୟାକୁ ମଧ୍ୟ ବାଳାସନ ଦୂରକରିଥାଏ। ଏହା ପେଟର ଆଭ୍ୟନ୍ତରୀଣ ଅଙ୍ଗଗୁଡିକ ଭଲ ଭାବରେ ମାଲିସ୍ କରିଥାଏ, ଯାହାଫଳରେ ସମସ୍ତ ଅଙ୍ଗ ସଠିକ୍ ଭାବରେ କାର୍ଯ୍ୟ କରିବାରେ ସକ୍ଷମ ହୁଏ।
