୧୦ମାସର ଶିଶୁକୁ ମିଳିଲା ରେଳବିଭାଗରେ ନିଯୁକ୍ତି, ୧୮ବର୍ଷ ହେଲେ କାମରେ ଯୋଗ ଦେବେ
ଗୋଟେ ଛୋଟ ଶିଶୁ ପାଇଁ ଭାରତୀୟ ରେଳ ବିଭାଗ ତରଫରୁ ଏମିତି ଏକ ପଦକ୍ଷେପ ନିଆଯାଇଛି ଯାହାକୁ ସବୁ ମହଲରୁ ପ୍ରଶଂସାର ସୁଅ ଛୁଟିବାରେ ଲାଗିଛି । ଛତିଶଗଡ଼ରେ ଏକ ଦୁର୍ଘଟଣାରେ ପ୍ରାଣ ହରାଇଥିବା ଏକ ୧୦ ମାସର ଶିଶୁକୁ ଅନୁକମ୍ପା ଆଧାରରେ ଚାକିରୀଟିଏ ମିଳିଛି । ଏହି ଶିଶୁକୁ ଚାକିରୀ ସହିତ ସେହି ସମସ୍ତ ସୁବିଧା ସୁଯୋଗ ମିଳିବ ଯାହା ସାଧାରଣତଃ ରେଳ କର୍ମଚାରୀଙ୍କୁ ମିଳିଥାଏ । ଅଧିକାରୀକ କହିବା ଅନୁଯାୟୀ ଶିଶୁଟି ୧୮ ବର୍ଷର ହେବା ପରେ ରେଳ ବିଭାଗରେ କାମ କରିପାରିବ । ସେ ଏହା ମଧ୍ୟ କହିଛନ୍ତି ରାଜ୍ୟ ଇତିହାସରେ ପ୍ରଥମ ଥର ପାଇଁ ଏମିତି ଏକ ଶିଶୁକୁ ଅନୁକମ୍ପା ଭାବେ ଏହି ସୁବିଧା ମିଳିଛି । ସାଧାରଣତଃ କୌଣସି ସରକାରୀ କର୍ମଚାରୀଙ୍କ ମୃତ୍ୟୁ ପରେ ସେମାନଙ୍କ ପରିବାରର ଜଣେ କେହିଙ୍କୁ ଅନୁକମ୍ପା ଆଧାରରେ ନିଯୁକ୍ତି ଦିଆଯାଇଥାଏ । ଯାହାକୁ ତତ୍କାଳ ସହାୟତା ଭାବେ ଧରାଯାଏ ।
ଦକ୍ଷିଣ-ପୂର୍ବ-ମଧ୍ୟ ରେଳ ତରଫରୁ ଏକ ବୟାନରେ କୁହାଯାଇଛିକି- “ଗତ ଜୁଲାଇ ୪ ତାରିଖରେ ଏସଇସିଆର, ରାୟପୁର ରେଳ ମଣ୍ଡଳର କାର୍ମିକ ବିଭାଗରେ ଅନୁକମ୍ପା ମୂଳକ ନିଯୁକ୍ତି ପାଇଁ ଏକ ୧୦
ମାସ ଶିଶୁର ନାଁ ପଞ୍ଜିକରଣ କରାଯାଇଛି । ଯେବେକି ଶିଶୁଟିର ପିତା ରାଜେନ୍ଦ୍ର କୁମାର ଭିଲାଇ ରେଲ୍ୱେରେ ଜଣେ ସହାୟକ ଭାବରେ କାର୍ଯ୍ୟରତ ଥିଲେ । ଜୁନ ପହିଲାରେ ଏକ ସଡକ ଦୁର୍ଘଟଣାରେ ତାଙ୍କ ପତ୍ନୀଙ୍କ ସମେତ ତାଙ୍କର ମଧ୍ୟ ମୃତ୍ୟୁ ହୋଇଥିଲା । ଯେବେକି ଦୁର୍ଘଟଣାରୁ ତାଙ୍କ କୁନି ଝିଅଟି ରକ୍ଷା ପାଇଯାଇଥିଲା ।
ଅଧିକାରୀଙ୍କ କହିବା ମୁତାବକ “କୁମାରଙ୍କ ପରିବାରକୁ ରାୟପୁର ରେଳ ମଣ୍ଡଳ ତରଫରୁ ଯଥାସମ୍ଭବ ସହାୟତା ପ୍ରଦାନ କରାଯାଇଛି ।” ସେମାନେ ରେଲ୍ୱେ ରେକର୍ଡରେ ଅଧିକାରୀକ ଭାବେ ପଞ୍ଜିକରଣ କରିବା ପାଇଁ ଶିଶୁ ଆଙ୍ଗୁଠିର ଚିହ୍ନ ମଧ୍ୟ ନେଇଛନ୍ତି । ଶିଶୁଟି ୧୮ ବର୍ଷ ବୟସ ପରେ ରେଳ ବିଭାଗରେ ଚାକିରୀ କରିପାରିବ ବୋଲି ଜଣାଯାଇଛି ।
