ପୁଣି ଆମେରିକାରେ ଗୁଳିମାଡ, ୩ ପୋଲିସ ଅଧିକାରୀଙ୍କ ମୃତ୍ୟୁ
ଆମେରିକାରେ ନର୍ଥ କେରୋଲାଇନରେ ଜଣେ ଦୁର୍ବୃତ୍ତ ଗୁଳିମାଡ କରିଥିବା ଫଳରେ ୩ ଜଣ ପୋଲିସ ଅଧିକାରୀଙ୍କ ମୃତ୍ୟୁ ହୋଇଛି । ଘଟଣାରେ ଅନ୍ୟ ୪ ଜଣ ଲୋକ ଆହତ ହୋଇଛନ୍ତି । ବେଆଇନ ଅସ୍ତ୍ରଶସ୍ତ୍ର ରଖିବା ଅଭିଯୋଗରେ ଚଢାଉ କରିବାକୁ ଯାଇଥିବା ବେଳେ ଗୁଳିମାଡ ହୋଇଥିଲା ।
ପୁଣି ଆମେରିକାରେ ଗୁଳିକାଣ୍ଡ । ନର୍ଥ କେରୋଲାଇନରେ ଜଣେ ଦୁର୍ବୃତ୍ତ ଗୁଳିମାଡ କରିଥିବା ଫଳରେ ୩ ଜଣ ପୋଲିସ ଅଧିକାରୀଙ୍କ ମୃତ୍ୟୁ ହୋଇଛି । ଘଟଣାରେ ଅନ୍ୟ ୪ ଜଣ ଲୋକ ଆହତ ହୋଇଛନ୍ତି । ତେବେ ପୋଲିସ ଅଧିକାରୀମାନେ ବେଆଇନ ଅସ୍ତ୍ରଶସ୍ତ୍ର ରଖିବା ଅଭିଯୋଗରେ ଚଢାଉ କରିବାକୁ ଯାଇଥିବା ବେଳେ ଗୁଳିମାଡ ହୋଇଥିଲା ।
ଜଣେ ପୋଲିସ ଅଧିକାରୀଙ୍କ କହିବାନୁଯାୟୀ, ମାର୍ଶଲ ଟାସ୍କର ଅଧିକାରୀ ଓ୍ଵାରେଣ୍ଟ ନେଇ ସନ୍ଦିଗ୍ଧ ଘରେ ପହଞ୍ଚିବା ପରେ ଗୁଳିମାଡ କରିଥିଲା ଦୁର୍ବୃତ୍ତ । ଏହି ଗୁଳିମାଡରେ ୪ ଜଣ ପୋଲିସ ଅଧିକାରୀ ଆହତ ହୋଇଥିଲେ । ଅନ୍ୟ ପୋଲିସ ଅଧିକାରୀ ତାଙ୍କୁ ବଞ୍ଚାଇବାକୁ ପହଞ୍ଚିବା ପରେ ତାଙ୍କ ଉପରେ ମଧ୍ୟ ଗୁଳିମାଡ ହୋଇଥିଲା । ଫଳରେ ୩ ଜଣ ପୋଲିସ ଅଧିକାରୀଙ୍କ ମୃତ୍ୟୁ ହୋଇଥିଲା । ପୋଲିସର ଗୁଳିରେ ଜଣେ ନିହତ ହୋଇଥିବା ଜଣାପଡିଛି ।
US: Shooting claims lives of 3 police officers in Charlotte, North Carolina
Read @ANI Story | https://t.co/aXUTXLZiMt#US #USShooting #Charlotte #NorthCarolina pic.twitter.com/OcXfWOwB9M
— ANI Digital (@ani_digital) April 29, 2024
ତେବେ ସୋସିଆଲ ମିଡିଆ ଏକ୍ସରେ ପୋଷ୍ଟ କରି ଆମେରିକାର ମାର୍ଶଲ ସେବା କହିଛନ୍ତି କି, ଉତ୍ତର କେରୋଲିନାରେ ଚାର୍ଲାଟରେ ଏକ ଫେରାର ଅପରାଧୀକୁ ଧରିବା ପାଇଁ ସର୍ଚ୍ଚ ଅପରେସନ ସମୟରେ ଆମେରିକାର ମାର୍ଶଲକୁ ଗଳି କରି ହତ୍ୟା କରାଯାଇଛି । ଏହାଛଡା ଅନ୍ୟ ମାର୍ଶଲ ସର୍ଭିସ ଟାସ୍କ ଫୋର୍ସର ସଦସ୍ୟ ଏବଂ ସ୍ଥାନୀୟ ଅଧିକାରୀଙ୍କୁ ମଧ୍ୟ ଗୁଳିମାଡ ହୋଇଛି ।
ସୂଚନାଯୋଗ୍ୟ, ଫେବୃଆରୀରେ ଆମେରିକାର ମିସୌରୀ ରାଜ୍ୟ କାନସାସ୍ ସିଟିରେ ଏକ ରାଲି ସମୟରେ ଗୁଳିମାଡ଼ ହୋଇଥିଲା । ଏଥିରେ ୨ ଜଣଙ୍କର ମୃତ୍ୟୁ ଘଟିଥିବା ବେଳେ ଅତିକମରେ ୨୨ ଜଣ ଆହତ ହୋଇଥିଲେ । ଆହତମାନଙ୍କ ମଧ୍ୟରେ ୯ ଜଣ ଶିଶୁ ଥିଲେ, ଯେଉଁମାନଙ୍କର ବୟସ ୬ ରୁ ୧୫ବର୍ଷ ମଧ୍ୟରେ ଥିଲା ।
ଜାନୁଆରୀରେ ଇଲ୍ଲିନୋଏସ ପ୍ରାନ୍ତର ଚିକାଗୋ ସ୍ଥିତ ଜୋଲିଏଟରେ ଆଖିବୁଜା ଗୁଳିଚାଳନା କରିଥିଲେ ଦୁର୍ବୃତ୍ତ । ଏକ କାରରେ ଆସି ଜନଗହଳିପୂର୍ଣ୍ଣ ସ୍ଥାନ ଉପରକୁ ଆଖିବୁଜା ଗୁଳିଚାଳନା କରିଥିଲେ । ଏଥିରେ ୮ ଜଣଙ୍କ ମୃତ୍ୟୁ ଘଟିଥିବା ବେଳେ ପାଖାପାଖି ୨୩ ଊର୍ଦ୍ଧ୍ୱ ଲୋକେ ଆହତ ହୋଇଥିଲେ। ସମସ୍ତଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।
