ସକାଳୁ ସକାଳୁ ଭୟଙ୍କର ବସ୍ ଦୁର୍ଘଟଣା: ୬ ମୃତ, ୪୦ ଗୁରୁତର
ଲକ୍ଷ୍ନୌରେ ଭୟଙ୍କର ସଡ଼କ ଦୁର୍ଘଟଣାରେ ଚାଲିଗଲା ୬ ଜୀବନ । ଟ୍ରକ ଏବଂ ବସ୍ ମୁହାଁମୁହିଁ ଧକ୍କା ହେବା ଫଳରେ ୪୦ରୁ ଉର୍ଦ୍ଧ୍ୱ ଲୋକ ଆହତ ହୋଇଛନ୍ତି। ସେମାନଙ୍କୁ ମେଡିକାଲ କଲେଜରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।
ଉତ୍ତରପ୍ରଦେଶର ଲକ୍ଷ୍ନୌରେ ଭୟଙ୍କର ସଡ଼କ ଦୁର୍ଘଟଣା । ଲକ୍ଷ୍ନୌର ବୁଥ ନମ୍ବର ୪ ପାଖରେ ଏକ ମାଲ ବୋଝେଇ ଟ୍ରକ୍ ଓ ଯାତ୍ରୀବାହୀ ବସ୍ ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ୬ ଜଣଙ୍କର ଜୀବନ ଚାଲିଯାଇଛି । ଏହି ଦୁର୍ଘଟଣାରେ ୪୦ରୁ ଊର୍ଦ୍ଧ୍ୱ ଗୁରୁତର ହୋଇଛନ୍ତି। ଦୁର୍ଘଟଣାରେ ମୃତ୍ୟୁବରଣ କରିଥିବା ଲୋକେ ଲକ୍ଷ୍ନୌର ଆମ୍ବେଦକର ନଗର ଯାଉଥିଲେ । ଦୁର୍ଘଟଣା ଏତେ ଜୋର ଥିଲା ଯେ, ମାଲ୍ ବୋଝେଇ ଟ୍ରକଟି ବସ୍ ଉପରେ ଓଲଟି ପଡ଼ିଥିଲା। ଫଳରେ ବସରୁ ଯାତ୍ରୀଙ୍କୁ ବାହାର କରିବା ପାଇଁ ଜେସିବିର ସହାୟତା ନିଆଯାଇଥିଲା । ଘଟଣା ସ୍ଥଳରେ ପୋଲିସ ପହଞ୍ଚି ଆହତଙ୍କୁ ଉଦ୍ଧାର କରି ହସପିଟାଲରେ ଭର୍ତ୍ତି କରିଥିଲେ ।
ଖବର ମୁତାବକ, ଅଯୋଧ୍ୟାରୁ ଆମ୍ବେଦକର ନଗର ଅଭିମୁଖେ ଏକ ବସ୍ ୫୦ରୁ ଊର୍ଦ୍ଧ୍ୱ ଯାତ୍ରୀଙ୍କୁ ଧରି ଯାଉଥିଲା। ବସ୍ଟି ଲକ୍ଷ୍ନୌ- ଗୋରଖପୁର ରାଜମାର୍ଗରେ ଯାଉଥିବା ବେଳେ ସାମନା ପଟୁ ଆସୁଥିବା ଏକ ଟ୍ରକ୍ ବସଟିକୁ ଜୋରରେ ପିଟିଥିଲା। ଦୁର୍ଘଟଣାରେ ପ୍ରାଣ ହରାଇଥିବା ୬ ଲୋକ ଗୋଟେ ପରିବାରର । ଏମାନଙ୍କ ମଧ୍ୟରେ ୩ ଜଣ ପିଲା ରହିଛନ୍ତି ।
Terrible collision between truck and bus in #Ayodhya, truck overturned after collision, painful death of 5 people in the accident, many people feared to be trapped in the bus, 47 people were in the bus at the time of the accident, Terrible accident on Gorakhpur Lucknow Highway. pic.twitter.com/5Txg3NOrzz
— Siraj Noorani (@sirajnoorani) April 21, 2023
ତେବେ ଖବର ପାଇବା ତୁରନ୍ତ ଅଗ୍ନିଶମ କର୍ମଚାରୀ, ପୋଲିସ ଘଟଣା ସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କ ସହ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ଟ୍ରକକୁ କ୍ରେନ୍ ସାହାଯ୍ୟରେ ଉଠାଇବା ପରେ ତା’ ତଳେ ଚାପି ହୋଇ ରହିଥିବା ଯାତ୍ରୀଙ୍କୁ ଉଦ୍ଧାର କରି ତୁରନ୍ତ ଜିଲ୍ଲା ମୁଖ୍ୟ ଚିକିତ୍ସାଳୟ ଓ ମେଡିକାଲ କଲେଜରେ ଭର୍ତ୍ତି କରାଯାଇଥିଲା।
