ହିମାଚଳରେ ବାଦଲ ଫଟା ବର୍ଷା: ୭ ମୃତ, ସ୍କୁଲ ଓ କଲେଜ ବନ୍ଦ
ହିମାଚଳ ପ୍ରଦେଶରେ ପ୍ରକୃତିର ତାଣ୍ଡବ । ସୋଲାନ ଜିଲ୍ଲାରେ ବାଦଲ ଫଟା ବର୍ଷାରେ ୭ ଜଣଙ୍କର ମୃତ୍ୟୁ ହୋଇଛି । ୩ ଜଣ ନିଖୋଜ ରହିଥିବା ଜଣାପଡିଛି । ଏହି ଘଟଣାରେ ହିମାଚଳ ମୁଖ୍ୟମନ୍ତ୍ରୀ ସୁଖବିନ୍ଦର ସିଂ ସୁଖୁ ଦୁଃଖ ପ୍ରକାଶ କରିଛନ୍ତି ।
ହିମାଚଳ ପ୍ରଦେଶ ସୋଲାନ ଜିଲ୍ଲାରେ ବାଦଲ ଫଟା ବର୍ଷାରେ ୭ ଜଣଙ୍କର ମୃତ୍ୟୁ ହୋଇଛି । ୩ ଜଣ ନିଖୋଜ ରହିଥିବା ଜଣାପଡିଛି । ଏହି ଘଟଣାରେ ହିମାଚଳ ମୁଖ୍ୟମନ୍ତ୍ରୀ ସୁଖବିନ୍ଦର ସିଂ ସୁଖୁ ଦୁଃଖ ପ୍ରକାଶ କରିଛନ୍ତି । ସୋଲାନ୍ ଜିଲ୍ଲାର କାନ୍ଦାଘାଟ ସବ-ଡିଭିଜନର ମମଲିଗ ଉପ-ତହସିଲର ଜାଡନ୍ ଗ୍ରାମରେ ରାତି ୧.୩୦ ସମୟରେ ବାଦଲ ଫାଟିବା ସ୍ଥିତି ଅସମ୍ଭାଳ ରହିଛି । ପ୍ରବଳ ବର୍ଷା ହେତୁ ସ୍ଥିତି ଅସମ୍ଭାଳ ହେବାରୁ ରାଜ୍ୟର ସମସ୍ତ ସ୍କୁଲ, କଲେଜକୁ ଆଜି ବନ୍ଦ ଘୋଷଣା କରିଛନ୍ତି ହିମାଚଳ ପ୍ରଦେଶ ମୁଖ୍ୟମନ୍ତ୍ରୀ।
Devastated to hear about the loss of 7 precious lives in the tragic cloud burst incident at Village Jadon, Dhawla Sub-Tehsil in Solan District. My heartfelt condolences go out to the grieving families. We share in your pain and sorrow during this difficult time. We have directed…
— Sukhvinder Singh Sukhu (@SukhuSukhvinder) August 14, 2023
ସୂଚନାନୁସାରେ, ସୋଲାନ ଜିଲ୍ଲାର କାନ୍ଦାଘାଟରେ ମାମଲିଗ ଗାଁରେ ବାଦଲ ଫଟା ବର୍ଷା ପରେ ଏକ ବନ୍ୟା ଆସି ଦୁଇଟି ଘର ଭସାଇ ନେଇଛି। ଫଳରେ ୭ ଜଣଙ୍କର ମୃତ୍ୟୁ ହୋଇଥିଲା। ଆଉ ୫ ଜଣଙ୍କୁ ଉଦ୍ଧାର କରାଯାଇଥିବା ବେଳେ ୩ ଜଣ ନିଖୋଜ ରହିଛନ୍ତି । ଅତ୍ୟଧିକ ବର୍ଷା କାରଣରୁ ରାଜ୍ୟର ସମୁଦାୟ ୬୨୧ ରାସ୍ତାକୁ ବନ୍ଦ କରି ଦିଆଯାଇଛି। ଏହାବାଦ ସିମଲା ଓ ଚଣ୍ଡିଗଡ଼କୁ ଯୋଗାଯୋଗ କରୁଥିବା ସିମଲା – କାଲକା ଜାତୀୟ ରାଜପଥ ଲ୍ୟାଣ୍ଡସ୍ଲାଇଡ ଯୋଗୁ ଗତ ୨ ସପ୍ତାହ ହେଲାଣି କ୍ଷତିଗ୍ରସ୍ତ ହୋଇଛି। ଫଳରେ ରାଜ୍ୟରେ ଗାଡ଼ି ଚଳାଚଳ ଏକପ୍ରକାର ବ୍ୟାହତ ହୋଇଛି ।
ବାଦଲ ଫଟା ବର୍ଷା ହୋଇଛି, ଉଭୟ ପାର୍ଶ୍ୱରୁ ରାସ୍ତା ଭାଙ୍ଗି ଯାଇଛି ଏବଂ ଏହି କାରଣରୁ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିବାରେ ଅସୁବିଧା ହେଉଛି । ଏହି ବର୍ଷାରେ ଗୋଟିଏ ଏଚଆରଟିସି ବସ୍, ତିନିଟି ଗାଡି ଏବଂ ଗୋଟିଏ ବାଇକ ଭାସି ଯାଇଛି । ସିମଲାରେ ମଧ୍ୟ ଭୂସଳ୍ଖନ ହୋଇଥିବା ଖବର ମିଳିଛି ।