୨୪ ଘଣ୍ଟାରେ ୯ ଜଣ ଆତଙ୍କବାଦୀକୁ ସଫା କଲା ଭାରତୀୟ ସେନା, ୩ ଜବାନ ସହିଦ
ଶ୍ରୀନଗର : ୨୪ ଘଣ୍ଟା ମଧ୍ୟରେ ଏଲଓସିରେ ଭାରତୀୟ ସେନା ୯ଜଣ ଆତଙ୍କବାଦୀଙ୍କୁ ନିପାତ କରିବାରେ ସଫଳ ହୋଇଛି । ରବିବାର ଆତଙ୍କବାଦୀଙ୍କ ଏକ ଦଳ ନିୟନ୍ତ୍ରଣ ରେଖା ନିକଟରେ କେରନ ସେକ୍ଟରରେ ଅନୁପ୍ରବେଶ କରୁଥିବା ବେଳେ ସେନା ଏହାର ମୁହଁତୋଡ ଜବାବ ଦେଇଛି । ଏହାପରେ ୫ଜଣ ଆତଙ୍କବାଦୀ ପ୍ରାଣ ହରାଇଥିଲେ ।
ଅପରେସନକୁ ୪ ପାରା ସ୍ପେଶାଲ ଫୋର୍ସ, ୪୧ ଆରଆର, ୫୭ ଆରଆର, ୮ ଜାଟ ଏବଂ ଏସଓଜି କୁପୱାଡାର ସଂଯୁକ୍ତ ଟିମ ମିଳିତ ଭାବେ କରିଥିଲେ ।ସେହିପରି ଏହି ଭାରତୀୟ ସେନାର ୩ ଜଣ ଜବାନ ସହିଦ ହୋଇଛନ୍ତି। ଏବେବି ସେହି ଅଂଚଳରେ ଯାଞ୍ଚ ଚାଲିଛି, ଅନୁମାନ କରାଯାଉଛି ଯେ ଏବେବି ସେହି ଇଲାକାରେ ଆତଙ୍କବାଦୀ ଲୁଚି ରହିଛନ୍ତି।
