ଦେଖନ୍ତୁ ତିସ୍ ହଜାରୀ ହିଂସାକାଣ୍ଡର ନୂଆ ଭିଜୁଆଲ୍ : କେମିତି ହାତଯୋଡି ଛିଡା ହୋଇଛନ୍ତି ଡିସିପି ମୋନିକା ଭରଦ୍ବାଜ୍, ଆଉ ତାପରେ..
ନୂଆଦିଲ୍ଲୀ: ତିସ୍ ହଜାରୀ କୋର୍ଟ ପରିସରରେ ଓକିଲ ଏବଂ ପୋଲିସ୍ ମଧ୍ୟରେ ହୋଇଥିବା ମୁହାଁମୁହିଁ ଘଟଣାର ଆଉ ଏକ ନୂଆ ଭିଡିଓ ଏବେ ସାମ୍ନାକୁ ଆସିଛି । ଏହି ଭିଡିଓରେ ଡିସିପି ନର୍ଥ ମୋନିକା ଭରଦ୍ବାଜ ହାତ ଯୋଡି ଛିଡାହେବା ସହ ସେହି ସମୟରେ ଓକିଲ ମାନଙ୍କୁ ଶାନ୍ତ ରହିବାକୁ ନେହୁରା କରୁଥିବାର ଦେଖିବାକୁ ମିଳୁଛି । କିନ୍ତୁ ଓକିଲମାନେ ଦଳବତ୍ତର ହୋଇ ସେଠାରେ ଉପସ୍ଥିତ ଥିବା ପୋଲିସ୍ କର୍ମଚାରୀ ଏବଂ ଡିସିପିଙ୍କୁ ଘେରିଯିବା ସହିତ ମାରପିଟ୍ କରୁଛନ୍ତି । ଶହ ଶହ ଓକିଲ ଡିସିପି ମୋନିକା ଏବଂ ତାଙ୍କ ସୁରକ୍ଷାକର୍ମୀଙ୍କୁ ଧକ୍କା ମାରି ମାରି ପଛକୁ ନେଇ ଯାଉଛନ୍ତି ।
ସୂଚନା ଥାଉକି ନଭେମ୍ବର ୨ରେ ହୋଇଥିବା ହିଂସାର ଗତକାଲି ଏହି ଭିଡିଓ ସାମ୍ନାକୁ ଆସିଛି । ଏଥିରେ ପୋଲିସ୍ ଅଧିକାରୀ ମୋନିକା ଭରଦ୍ବାଜଙ୍କୁ କିଛି ପୋଲିସ୍ କର୍ମୀ ଓକିଲ ମାନଙ୍କଠାରୁ ବଞ୍ଚାଇବାକୁ ଉଦ୍ୟମ କରୁଛନ୍ତି । ଡିସିପି ଅଭିଯୋଗ କରିଛନ୍ତି କି ହିଂସା ସମୟରେ ତାଙ୍କ ସହିତ ମାରପିଟ୍ କରାଯାଇଛି । କେବଳ ଏତିକି ନୁହେଁ ମହିଳା ଅଧିକାରୀ ଜଣଙ୍କ ଏହା ମଧ୍ୟ କହିଛନ୍ତି କି, ଏହି ସମୟରେ ସର୍ଭିସ୍ ରିଭଲଭର ମଧ୍ୟ ତାଙ୍କ ଠାରୁ ଛଡାଇ ନିଆଯାଇଛି । ଏହି ମାମଲା ରେ ପୋଲିସ୍ ପ୍ରବକ୍ତା ଅନିଲ୍ ମିତ୍ତଲ କହିଛନ୍ତି କି, ମହିଳା ଅଧିକାରୀଙ୍କ ବୟାନ ଘଟଣାରେ ପ୍ରସ୍ତୁତ ହେଉଥିବା ଏଫଆଇଆରରେ ଯୋଡାଯିବ ।
ଦେଖନ୍ତୁ ଭିଡିଓ:
#WATCH: CCTV footage of DCP North Monika Bhardwaj pleading before the lawyers to stop violence when a clash broke out between police and lawyers at Tis Hazari Court in #Delhi on November 2. pic.twitter.com/xFWZBP3Swp
— ANI (@ANI) November 8, 2019
ଅନ୍ୟପଟେ ଡିସିପି ମୋନିକାଙ୍କୁ ମାରପିଟ୍ କରୁଥିବାର ଏକ ଭିଡିଓ ସାମ୍ନାକୁ ଆସିବାପରେ ମହିଳା ଆୟୋଗର ଅଧ୍ୟକ୍ଷ ରେଖା ଶର୍ମା କହିଛନ୍ତି କି, ମୁଁ ଏହାକୁ ନିନ୍ଦା କରୁଛି, ଏହି ମାମଲାର ସମ୍ପର୍କରେ ବାର କାଉନସିଲ୍ ଏବଂ ଦିଲ୍ଲୀ ପୋଲିସ୍ କମିଶନରଙ୍କୁ ଲେଖିବି । ସୂଚନା ଅନୁଯାୟୀ,ଗତ ଶନିବାର ତିସ୍ ହଜାରୀକରର୍ଟ ପରିସରରେ ଓକିଲ ଏବଂ ପୋଲିସକର୍ମୀ ମଧ୍ୟରେ ପାର୍କିଙ୍ଗକୁ ନେଇ ବିବାଦ ଆରମ୍ଭ ହୋଇଥିଲା । ଦେଖୁ ଦେଖୁ ଏହି ବିବାଦ ହିଂସାର ରୂପ ନେଇଥିଲା । ପୋଲିସକର୍ମୀଙ୍କ ମଧ୍ୟରୁ ପାଖାପାଖି ୨୧ଜଣ ଆହତ ହୋଇଥିଲେ । କିଛି ଓକିଲଙ୍କୁ ମଧ୍ୟ ଆଘାତ ଲାଗିଥିଲା । ଯାହାକୁ ନେଇ ପୋଲିସ୍ ମୁଖ୍ୟାଳୟ ସାମ୍ନା ରାସ୍ତା ଉପରେ ବସି ପୋଲିସକର୍ମୀମାନେ ଘଟଣାକୁ ବିରୋଧ କରିଥିଲେ ଏବଂ ସେମାନଙ୍କ ସୁରକ୍ଷା ପାଇଁ ବରିଷ୍ଠ ଅଧିକାରୀଙ୍କୁ ଏଥିପ୍ରତି କାର୍ଯ୍ୟନୁଷ୍ଠାନ ନେବାକୁ ଦାବି କରିଥିଲେ ।
ଏହାସହ ପଢନ୍ତୁ:
ରେଳ ଧାରଣା ଉପରୁ ଟେକି ନେଉଛନ୍ତି ଯମରାଜା, ଜାଣନ୍ତୁ କ’ଣ ରହିଛି ଘଟଣା ପଛର ସତ୍ୟତା
