ପ୍ରୟାଗରାଜରେ ସିଏମ୍ ଯୋଗୀ ହସ୍ତାନ୍ତର କଲେ ୭୬ ଫ୍ଲାଟ୍ର ଚାବି, ନିହତ ଅତିକ୍ ଅହମ୍ମଦଙ୍କଠାରୁ ଜବତ ଜମିରେ ନିର୍ମାଣ ହୋଇଛି ଘର
ନିହତ ମାଫିଆ ଅତିକ୍ ଅହମ୍ମଦଙ୍କ କବ୍ଜାରୁ ମୁକ୍ତ କରାଯାଇଥିବା ଜମିରେ ଗରିବଙ୍କ ପାଇଁ ନିର୍ମାଣ କରାଯାଇଛି ୭୬ଟି ଫ୍ଲାଟ। ସିଏମ୍ ଯୋଗୀ ଆଦିତ୍ୟନାଥ ଏହି ଫ୍ଲାଟ୍ଗୁଡ଼ିକର ଚାବି ହିତାଧିକାରୀଙ୍କୁ ହସ୍ତାନ୍ତର କରିଛନ୍ତି।
ପ୍ରୟାଗରାଜରେ ସିଏମ୍ ଯୋଗୀ ଆଦିତ୍ୟନାଥ ୭୬ ଫ୍ଲାଟର ଚାବି ହିତାଧିକାରୀଙ୍କୁ ହସ୍ତାନ୍ତର କରିଛନ୍ତି। ସିଏମ୍ ଯୋଗୀ ଶୁକ୍ରବାର ସକାଳେ ପ୍ରୟାଗରାଜରେ ପହଞ୍ଚିଥିଲେ। ପ୍ରଥମେ ସେ ଗ୍ୟାଙ୍ଗଷ୍ଟର ଅତିକ୍ ଅହମ୍ମଦଙ୍କଠାରୁ ଜବତ ହୋଇଥିବା ଜମିରେ ନିର୍ମିତ ଫ୍ଲାଟକୁ ନିରୀକ୍ଷଣ କରିଥିଲେ। ଏହାପରେ ଏହାକୁ ଉଦ୍ଘାଟନ କରି ହିତାଧିକାରୀଙ୍କୁ ଚାବି ହସ୍ତାନ୍ତର କରିଥିଲେ।
ନିହତ ଗ୍ୟାଙ୍ଗଷ୍ଟର ଅତିକ୍ ଅହମ୍ମଦଙ୍କଠାରୁ ପ୍ରୟାଗରାଜରେ ଜବତ ହୋଇଥିବା ଜମିରେ ଗରିବଙ୍କ ପାଇଁ ଫ୍ଲାଟ୍ ନିର୍ମାଣ କରାଯାଇଛି। ଏହି ଫ୍ଲାଟ୍ଗୁଡ଼ିକୁ ସିଏମ୍ ଯୋଗୀ ଉଦ୍ଘାଟନ କରିଥିଲେ। ସୂଚନାଥାଉ କି, ଅତିକ୍ ଅହମ୍ମଦଙ୍କ କବ୍ଜାରୁ ମୁକ୍ତ କରାଯାଇଥିବା ଲୁକରଗଞ୍ଜ ଜମିରେ ଗରିବଙ୍କ ପାଇଁ ୭୬ଟି ଫ୍ଲାଟ ନିର୍ମାଣ କରାଯାଇଛି, ଯାହାକୁ ସିଏମ୍ ହିତାଧିକାରୀମାନଙ୍କୁ ହସ୍ତାନ୍ତର କରିଛନ୍ତି।
ଅତିକ୍ ଅହମ୍ମଦଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ୨୦୨୦ ସେପ୍ଟେମ୍ବରରେ ଏହି ଜମି ତାଙ୍କ ଅଧୀନରୁ ଖାଲି କରାଯାଇଥିଲା। ପରେ ୨୦୨୧ରେ ସିଏମ୍ ଯୋଗୀ ଏହି ଜମିରେ ଗରିବଙ୍କ ପାଇଁ ଫ୍ଲାଟ ନିର୍ମାଣ କରିବାକୁ ଘୋଷଣା କରିଥିଲେ।
୨୦୨୧ ଡିସେମ୍ବର ୨୬ରେ ଏହାର ଭୂମି ପୂଜନ ହୋଇଥିଲା। ଏହାପରେ ପ୍ରୟାଗରାଜ ବିକାଶ ପ୍ରାଧିକରଣ ଏହି ଯୋଜନାକୁ କାର୍ଯ୍ୟକାରୀ କରିବା ଆରମ୍ଭ କରିଥିଲା। ବର୍ତ୍ତମାନ ପାଖାପାଖି ଦେଢ଼ ବର୍ଷ ମଧ୍ୟରେ ଏଠାରେ ୭୬ଟି ଫ୍ଲାଟ ନିର୍ମାଣ କରାଯାଇଛି।
ହିତାଧିକାରୀମାନଙ୍କୁ ମାତ୍ର ସାଢ଼େ ୩ ଲକ୍ଷ ଟଙ୍କାରେ ଦୁଇ କୋଠରୀ ବିଶିଷ୍ଟ ଫ୍ଲାଟ ଦିଆଯିବ। ଏହି ୭୬ଟି ଫ୍ଲାଟ ପାଇଁ ୬୦୦୦ରୁ ଅଧିକ ଲୋକ ଆବେଦନ କରିଥିଲେ। ଯଦିଓ ଫ୍ଲାଟଗୁଡ଼ିକର ଆବଣ୍ଟନ ଲଟେରୀ ମାଧ୍ୟମରେ କରାଯାଇଛି।
#WATCH | Uttar Pradesh CM Yogi Adityanath inaugurates the flats for the poor that have been built on land confiscated from slain gangster-turned-politician Atiq Ahmed, in Prayagraj. pic.twitter.com/e4z1WmAj2j
— ANI UP/Uttarakhand (@ANINewsUP) June 30, 2023
