କରୋନା ମହାମାରୀ ଖାଲି ଯେ ସ୍ୱାସ୍ଥ୍ୟ ପାଇଁ ଘାତକ ହୋଇପାରେ ତାହା ନୁହେଁ ଆପଣଙ୍କ ସାଇକେଲ ପାଇଁ ବି ଏହା ଖୁବ ମାରାତ୍ମକ ହୋଇପାରେ । ଶୁଣି ଆଶ୍ଚର୍ଯ୍ୟ ହୋଇ ଯାଉଛନ୍ତି ନା ଏହା କିନ୍ତୁ ସତ । ପୃଥିବୀର ସର୍ବାଧିକ ଧନୀ ସହର ଭାବେ ଜଣା ନ୍ୟୁୟର୍କରେ ହିଁ ଏମିତି ଘଟଣା ଘଟିଛି । ଏହି ମହାମାରୀ ସମୟରେ ସହରରେ ସାଇକେଲ ଚୋରି ଘଟଣା ଦ୍ରୁତ ଗତିରେ ବଢିଛି । ସାଇକେଲ ଷ୍ଟାଣ୍ଡ, ଗ୍ୟାରେଜ, ବିଲଡିଂଗ ତଳ ସ୍ଥାନ ମାନଙ୍କରେ ଯେଉଁମାନେ ସାଇକେଲ ରଖି ଯାଉଥିଲେ, କିଛି ସମୟ ପରେ ଆସି ଦେଖିବା ବେଳକୁ ସାଇକେଲ ନଥାଉଛି । ଏହି ଧରଣର ଘଟଣା ସହରରେ ଏମିତି ବଢି ଚାଲିଛିଯେ, ଲୋକେ କହିଲେ ଯଦି ନିଜ ସାଇକେଲକୁ ଚୋରଙ୍କ ଦାଉରୁ ବଂଚାଇବାକୁ ଚାହୁଁଛନ୍ତି ତେବେ ନିଜ ସାଥିରେ ନେଇ ଶୁଅନ୍ତୁ । ଖାଲି ନ୍ୟୁୟର୍କ ନୁହେଁ ବ୍ରିଟେନ ଓ ଫ୍ରାନ୍ସ ପରି ସହର ମାନଙ୍କରେ ବି ସମାନ ଧରଣର ଘଟଣା ସାମ୍ନାକୁ ଆସିଛି ।
ଏକାଧିକ ସଂଖ୍ୟକ ସାଇକେଲ ହରାଇଥିବା ଜ୍ୟାକବ ପ୍ରିଲ କହିଛନ୍ତିକି, ସାଧାରଣତଃ ଲୋକ ମାନେ ନିଜେ କିଣିଥିବା ସାଇକେଲ ଦୀର୍ଘ ସମୟ ପର୍ଯ୍ୟନ୍ତ ନିଜ ସହ ରଖିବାକୁ ଚାହୁଁଥିବା ବେଳେ ଏବେ କିନ୍ତୁ ଏମିତି ଘଟିବା ସମ୍ଭବ ହେଉନାହିଁ । ଏବେ ସ୍ଥିତି ଏମିତି ହୋଇଛିଯେ, ଯଦି ଜଣେ ଭୁଲରେ ବି ନିଜ ସାଇକେଲକୁ କିଛି ସମୟ ପାଇଁ ଘର ବାହାରେ ଛାଡି ଯାଇଛନ୍ତି, ମାତ୍ର କିଛି ସେକେଣ୍ଡ ଭିତରେ ସାଇକେଲ କୁଆଡେ ଉଭେଇ ଯାଉଛି । ଏମିତିକି ଲକ କରି ରଖିଥିଲେ ବି ଚୋର ମାନେ ଅତି ସହଜରେ ତାଲା ଭାଙ୍ଗି ଚୋରି କରି ନେଉଛନ୍ତି ।
ସ୍ଥାନୀୟ ପୋଲିସଙ୍କ ଅନୁଯାୟୀ, ଚଳିତ ବର୍ଷ ମାର୍ଚ୍ଚରୁ ସେପ୍ଟେମ୍ବର ମାସ ଭିତରେ ୪୪୭୭ ଟି ସାଇକେଲ ଚୋରି ହୋଇଥିବା ଜଣାଯାଇଛି । ଏହି ଲିଷ୍ଟରେ ଇଲେକ୍ଟ୍ରିକ ମୋଟର ସାଇକେଲ ବି ସାମିଲ ଅଛି । ଯଦି ପୂର୍ବ ରେକର୍ଡକୁ ଦେଖାଯାଏ ତେବେ ଜଣାଯିବ କି ଗତ ବର୍ଷ ତୁଳନାରେ ଏହି ଘଟଣା ୨୭ ପ୍ରତିଶତ ପର୍ଯ୍ୟନ୍ତ ବଢି ଯାଇଛି । କହିରଖିବା ଉଚିତ ହେବକି, ବର୍ତ୍ତମାନ ସୁଦ୍ଧା ଆମେରିକାରେ କରୋନା ସଂକ୍ରମିତ ସଂଖ୍ୟା ୩ କୋଟି ୮୦
ଲକ୍ଷ ପାର ହୋଇଛି । ଯେବେକି ଦେଶରେ ୨ଲକ୍ଷରୁ ଉର୍ଦ୍ଧ୍ବଙ୍କ ଜୀବନ ନେଇସାରିଲାଣି ଏହି ମାରାତ୍ମକ ଭାଇରସ ।