ଜମ୍ମୁ-କଶ୍ମୀର ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲ୍ଲାଙ୍କ ୧୨ କୋଟିର ସମ୍ପତ୍ତିକୁ ଆଟାଚ କଲା ଇଡି
ପ୍ରବର୍ତ୍ତନ ନିର୍ଦ୍ଦେଶାଳୟ ବା ଇଡ଼ି ଜମ୍ମୁ-କାଶ୍ମୀର ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲ୍ଲାଙ୍କ ୧୨ କୋଟିର ସମ୍ପତ୍ତିକୁ ଆଟାଚ କରିଦେଇଛନ୍ତି। ଜମ୍ମୁ-କଶ୍ମୀର କ୍ରିକେଟ ଆସୋସିଏସନ ବା ଜେକେସିଏର ଅର୍ଥ କାରବାରରେ ଗଡବଡ କରିବା ଅଭିଯୋଗରେ ଏହି ପଦକ୍ଷେପ ନିଆଯାଇଥିବା ଜଣାଯାଇଛି। ଜବତ ହୋଇଥିବା ସମ୍ପତ୍ତି ଭିତରେ ଅବଦୁଲ୍ଲାଙ୍କ ତିନୋଟି ଘର ଥିବା ଜଣାଯାଇଛି ।
୨୦୦୫ ରୁ ୨୦୧୧ ମଧ୍ୟରେ ଜେକେସିଏ ବିସିସିଆଇ ଠାରୁ ପ୍ରାୟ ୧୦୯ କୋଟି ଟଙ୍କା ଫଣ୍ଡ ଆକାରରେ ପାଇଥିବା ବେଳେ ଏହା ଭିତରୁ ଏକ ବଡ ଆକାର ଅର୍ଥ ଭାଗର ହିସାବ ମିଳୁନାହିଁ । କହି ରଖୁଛୁ କି ୨୦୦୬ ରୁ ୨୦୧୨ ଜାନୁଆରୀ ପର୍ଯ୍ୟନ୍ତ ଫାରୁକ ଜେକେସିଏର ଅଧ୍ୟକ୍ଷ ଥିଲେ ।
