ପେପର୍ ଲିକ୍ ମାମଲା: ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ଙ୍କ ପୁଅ ବୈଭବଙ୍କୁ EDର ସମନ
ପେପର୍ ଲିକ୍ ମାମଲାରେ ଇଡି କ୍ରମାଗତ ଭାବରେ ରାଜସ୍ଥାନରେ କାର୍ଯ୍ୟାନୁଷ୍ଠାନ ଜାରି ରଖିଛି। ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ପୁଅ ବୈଭବ ଗେହଲଟଙ୍କୁ ମଧ୍ୟ ଇଡି ସମନ ଜାରି କରି ହାଜର ହେବାକୁ କହିଛି।
ପେପର୍ ଲିକ୍ ମାମଲାରେ ଇଡି କ୍ରମାଗତ ଭାବରେ ରାଜସ୍ଥାନରେ କାର୍ଯ୍ୟାନୁଷ୍ଠାନ ଜାରି ରଖିଛି। ଆଜି ସକାଳେ ଇଡି କଂଗ୍ରେସ ରାଜ୍ୟ ଅଧ୍ୟକ୍ଷ ଗୋବିନ୍ଦ ସିଂ ଡୋଟାସରାଙ୍କ ଜୟପୁର ଏବଂ ସିକରସ୍ଥିତ ବାସଭବନରେ ଚଢ଼ାଉ କରିଥିଲା। ବର୍ତ୍ତମାନ ଇଡି ଟିମ୍ ଡୋଟାସରାଙ୍କ ଘରେ ହିଁ ଉପସ୍ଥିତ ଅଛନ୍ତି ଏବଂ ତାଙ୍କୁ ପଚରାଉଚରା କରୁଛନ୍ତି।
ଏହାରି ଭିତରେ ଇଡି ସୂତ୍ରରୁ ମିଳିଥିବା ସୂଚନା ଅନୁସାରେ, ଇଡି ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ପୁଅ ବୈଭବ ଗେହଲଟଙ୍କୁ ମଧ୍ୟ ସମନ ଜାରି କରି ହାଜର ହେବାକୁ କହିଛି।
ଡୋଟାସରାଙ୍କ ଘରେ ଚଢ଼ାଉ ଏବଂ ନିଜ ପୁଅ ବୈଭବକୁ ସମନ ମିଳିବା ପରେ ସିଏମ ଗେହଲଟ୍ ଟ୍ୱିଟ୍ କରି କହିଛନ୍ତି ଯେ ‘ରାଜସ୍ଥାନରେ ଇଡି ପ୍ରତିଦିନ ରେଡ୍ କରୁଛି, କାରଣ, ରାଜସ୍ଥାନରେ ମହିଳାଙ୍କୁ, କୃଷକଙ୍କୁ ଏବଂ ଗରିବଙ୍କୁ କଂଗ୍ରେସ ଦ୍ୱାରା ଦିଆଯାଇଥିବା ଗ୍ୟାରେଣ୍ଟିରୁ ଲାଭ ମିଳୁ ବୋଲି ବିଜେପି ଚାହୁଁନାହିଁ’।
ସେପଟେ ଚଢ଼ାଉ ପରେ ଡୋଟାସରା ସୋସିଆଲ ମିଡିଆରେ ପୋଷ୍ଟ୍ କରି କହିଛନ୍ତି, ‘ସତ୍ୟମେବ ଜୟତେ’। ତେବେ ଇଡି ଚଢ଼ାଉକୁ ନେଇ ସିଏମ୍ ଗେହଲଟ୍ ଆଜି ଏକ ସାମ୍ବାଦିକ ସମ୍ମିଳନୀ କରିଛନ୍ତି।
दिनांक 25/10/23
राजस्थान की महिलाओं के लिए कांग्रेस की गारंटियाँ लॉंच
दिनांक 26/10/23
-राजस्थान कांग्रेस अध्यक्ष गोविन्द सिंह जी डोटासरा के यहाँ ED की रेड
– मेरे बेटे वैभव गहलोत को ED में हाज़िर होने का समन
अब आप समझ सकते हैं, जो मैं कहता आ रहा हूँ कि राजस्थान के अंदर ED की… pic.twitter.com/6hUbmCHCW1
— Ashok Gehlot (@ashokgehlot51) October 26, 2023