ନୂଆଦିଲ୍ଲୀ : କଂଗ୍ରେସ ନେତା ନବଜ୍ୟୋତ ସିଂହ ସିଦ୍ଧୁଙ୍କ ଉପରେ ଲାଗିଛି କଟକଣା । ତିନି ଦିନ ପାଇଁ ଅର୍ଥାତ ୭୨ ଘଣ୍ଟା ପାଇଁ ସେ ନିର୍ବାଚନ ପ୍ରଚାର କରି ପାରିବେନାହିଁ । ଏହି କଟକଣା ଳଗାଇଛନ୍ତି ନିର୍ବାଚନ କମିଶନ । ଧର୍ମୀୟ ଆଧାରରେ ଭୋଟ୍ ମାଗିବା ନେଇ ଅଭିଯୋଗ ହେବା ପରେ ନିର୍ବାଚନ କମିଶନ ଏପରି କଟକଣା ଲଗାଇଥିବା ସୂଚନା ମିଳିଛି ।
ବିହାରର କଟିଆରରେ ନିର୍ବାଚନ ପ୍ରଚାର ବେଳେ ମୁସଲିମ୍ ସଂପ୍ରଦାୟକୁ ଆହ୍ୱାନ ଦେଇ ସିଦ୍ଧୁ କହିଥିଲେ କି, ମୁସଲିମମାନେ ଏକତ୍ରିତ ହୋଇ କଂଗ୍ରେସକୁ ଭୋଟ୍ ଦେଲେ ବିଜେପିକୁ ପରାଜିତ କରିହେବ। ଏପରି ମନ୍ତବ୍ୟକୁ ନେଇ ନିର୍ବାଚନ କମିଶନଙ୍କ ନିକଟରେ ଅଭିଯୋଗ ହୋଇଥିଲା । ବିହାର ମୁଖ୍ୟ ନିର୍ବାଚନ ଅଧିକାରୀ ଏ ନେଇ ରିପୋର୍ଟ ଦେବା ପରେ କାର୍ଯ୍ୟନୁଷ୍ଠାନ ଗ୍ରହଣ କରିଛନ୍ତି ନିର୍ବାଚନ କମିଶନ।