ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଶାଢ଼ୀ ପଛର ରହସ୍ୟ
ଅର୍ଥମନ୍ତ୍ରୀ ନିର୍ମଳା ସୀତାରମଣ ଅନ୍ତରୀଣ ବଜେଟ ୨୦୨୪ ଉପସ୍ଥାପନ କରିଛନ୍ତି । କ୍ରମାଗତ ଭାବେ ଷଷ୍ଠ ବଜେଟ୍ ସେ ଉପସ୍ଥାପନ କରିଛନ୍ତି । ପ୍ରତ୍ୟେକ ଥର ସେ ବଜେଟ୍ ଉପସ୍ଥାପନ କରିବାକୁ ଏକ ସ୍ୱତନ୍ତ୍ର ରଙ୍ଗର ଶାଢ଼ୀ ପିନ୍ଧି ଆସନ୍ତି, ଯାହା ପଛରେ କିଛି ବିଶେଷ ରହସ୍ୟ ଥାଏ ।
ଅର୍ଥମନ୍ତ୍ରୀ ନିର୍ମଳା ସୀତାରମଣ ଅନ୍ତରୀଣ ବଜେଟ ୨୦୨୪ ଉପସ୍ଥାପନ କରିଛନ୍ତି । କ୍ରମାଗତ ଭାବେ ଷଷ୍ଠ ବଜେଟ୍ ସେ ଉପସ୍ଥାପନ କରିଛନ୍ତି । ପ୍ରତ୍ୟେକ ଥର ସେ ବଜେଟ୍ ଉପସ୍ଥାପନ କରିବାକୁ ଏକ ସ୍ୱତନ୍ତ୍ର ରଙ୍ଗର ଶାଢ଼ୀ ପିନ୍ଧି ଆସନ୍ତି, ଯାହା ପଛରେ କିଛି ବିଶେଷ ରହସ୍ୟ ଥାଏ ।
ତେବେ ଆସନ୍ତୁ ଜାଣିବା ଗତ ବଜେଟ୍ ଉପସ୍ଥାପନ କରିବା ପାଇଁ କେଉଁ ରଙ୍ଗର ଶାଢ଼ୀ ନିର୍ମଳା ସୀତାରମଣ ପିନ୍ଧିଥିଲେ ଏବଂ ଏହାର ବାର୍ତ୍ତା କ’ଣ ଥିଲା ।
ପ୍ରତ୍ୟେକ ରଙ୍ଗ କିଛି କହିଥାଏ, ଏହି କ୍ରମରେ ଦେଖିବାକୁ ଗଲେ ୨୦୧୯ ରେ ଭାରତର ଅର୍ଥମନ୍ତ୍ରୀ ନିର୍ମଳା ସୀତାରମଣ ଗୋଲାପୀ ରଙ୍ଗର ଶାଢ଼ୀ ପିନ୍ଧି ବଜେଟ୍ ଉପସ୍ଥାପନ କରିଥିଲେ। ଗୋଲାପୀ ରଙ୍ଗକୁ ସ୍ଥାୟିତ୍ୱ ଏବଂ ଗମ୍ଭୀରତାର ପ୍ରତୀକ ଭାବରେ ବିବେଚନା କରାଯାଏ । ହଳଦିଆ ରଙ୍ଗ ଯେକୌଣସି ଶୁଭ କାର୍ଯ୍ୟ ପାଇଁ ଶୁଭ ବୋଲି ବିବେଚନା କରାଯାଏ । ତେବେ ୨୦୨୦ ମସିହାରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଏହି ରଙ୍ଗର ଶାଢ଼ୀ ପିନ୍ଧି ସାଧାରଣ ବଜେଟ୍ ଉପସ୍ଥାପନ କରିଥିଲେ। ହଳଦିଆ ରଙ୍ଗ ହେଉଛି ଉତ୍ସାହ ଏବଂ ଶକ୍ତିର ପ୍ରତୀକ । ୨୦୨୧ର ସାଧାରଣ ବଜେଟ୍ ସମୟରେ ନିର୍ମଳା ସୀତାରମଣ ଏକ ଲାଲ ରଙ୍ଗର ଶାଢ଼ୀ ପିନ୍ଧି ବଜେଟ୍ ଉପସ୍ଥାପନ କରିଥିଲେ । ଲାଲ ରଙ୍ଗ ଶକ୍ତି ଏବଂ ନିଷ୍ଠାର ପ୍ରତୀକ ଭାବରେ ବିବେଚନା କରାଯାଏ ।
୨୦୨୨ ମସିହାରେ ବଜେଟ୍ ଉପସ୍ଥାପନା ସମୟରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଏକ ବାଦାମୀ ରଙ୍ଗର ଶାଢ଼ୀ ପିନ୍ଧିଥିଲେ। ଏହି ରଙ୍ଗ ନିରାପତ୍ତାର ପ୍ରତୀକ । ଗତ ବର୍ଷ ଅର୍ଥାତ୍ ୨୦୨୩ ମସିହାରେ ଦେଶର ଅର୍ଥମନ୍ତ୍ରୀ ନିର୍ମଳା ସୀତାରମଣ ଲାଲ ଏବଂ କଳା ଶାଢ଼ୀରେ ବଜେଟ୍ ଉପସ୍ଥାପନ କରିଥିଲେ। ଏହି ରଙ୍ଗ ସାହସିକତା ଏବଂ ଶକ୍ତିର ପ୍ରତୀକ ।ସେହିପରି ଚଳିତ ବଜେଟ୍ ସମୟରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଏକ ନୀଳ ରଙ୍ଗର ଶାଢ଼ୀ ପିନ୍ଧିଥିବା ଦେଖିବାକୁ ମିଳିଛି । ନୀଳ ରଙ୍ଗ ହେଉଛି ଶାନ୍ତି, ସ୍ଥିରତା, ପ୍ରେରଣା, ଜ୍ଞାନ ଏବଂ ବିଶ୍ୱାସର ପ୍ରତୀକ ।
