JDS ପାର୍ଟି କୋର କମିଟି ନିଷ୍ପତ୍ତି, ସାଂସଦ ପ୍ରଜ୍ଜ୍ୱଳ ରେଭାନ୍ନା ସସପେଣ୍ଡ, ପେନଡ୍ରାଇଭରେ ରହିଛି ୩୦୦୦ ଅଶ୍ଲୀଳ ଭିଡିଓ

ପୂର୍ବତନ ପ୍ରଧାନମନ୍ତ୍ରୀ ଏଚଡି ଦେବେଗୌଡାଙ୍କ ପରିବାର ଯୌନ ନିର୍ଯାତନା ମାମଲାରେ ଅଡୁଆ ବଢିବାରେ ଲାଗିଛି । ଏଚଡି ଦେବେଗୌଡାଙ୍କ ନାତି ତଥା କର୍ଣ୍ଣାଟକ ହାସନର ସାଂସଦ ପ୍ରଜ୍ଜ୍ୱଳ ରେଭାନ୍ନାଙ୍କୁ JDS ପାର୍ଟିରୁ ସସପେଣ୍ଡ କରାଯାଇଛି ।  ଜେଡିଏସର କୋର କମିଟି ନିଷ୍ପତ୍ତି ପରେ ତାଙ୍କୁ ଦଳରୁ ନିଲମ୍ବନ କରାଯାଇଛି । ଏହାସହିତ ତାଙ୍କୁ କାରଣ ଦର୍ଶାଅ ନୋଟିସ ପଠାଯାଇଛି । ଏଥର ମଧ୍ୟ ପ୍ରଜ୍ଜ୍ୱଳ ହାସନରୁ ନିର୍ବାଚନ ଲଢୁଥିଲେ ।

ରବିବାର ସାଂସଦ ତଥା ହାସନ ଲୋକସଭା ଆସନରୁ ଜେଡିଏସ ପ୍ରାର୍ଥୀ ପ୍ରଜ୍ଜ୍ୱଳ ରେଭାନ୍ନାଙ୍କ ବିରୋଧରେ ଆସିଥିଲା ଯୌନ ନିର୍ଯାତନା ଅଭିଯୋଗ । ପ୍ରଜ୍ଜ୍ୱଳ ଘରୋଇ ସହାୟିକାଙ୍କୁ ଯୌନ ନିର୍ଯାତନା ଦେଇଥିବା ଅଭିଯୋଗ ହୋଇଥିଲା ।

ଏହି ମାମଲାରେ ତାଙ୍କ ବାପା ତଥା ବିଧାୟକ ଏଚଡି ରେଭାନ୍ନା ମଧ୍ୟ ସାମିଲ ଥିବା ଅଭିଯୋଗ ହୋଇଛି । ଏହି ଅଭିଯୋଗ ପରେ କର୍ଣ୍ଣାଟକ ଓ ଜାତୀୟ ରାଜନୀତିରେ ହଇଚଇ ସୃଷ୍ଟି ହୋଇଛି । କର୍ଣ୍ଣାଟକରେ ବିଜେପି ଜେଡିଏସ ସହିତ ମେଣ୍ଟ କରିଥିବାରୁ ବିଭିନ୍ନ ରାଜନୈତିକ ଦଳ ଏବେ ବିଜେପିକୁ ଟାର୍ଗେଟ କରୁଛନ୍ତି ।

ମହିଳାଙ୍କ ଅଭିଯୋଗ ଆଧାରରେ ପୋଲିସ ଆଇପିସିର ଧାରା 354A, 354D, 506 ଓ 509 ଅନ୍ତର୍ଗତ ମାମଲା ରୁଜୁ ହୋଇଛି । ଏପଟେ ପ୍ରଜ୍ଜ୍ୱଳଙ୍କ ପାଖରେ ଥିବା ଏକ ପେନଡ୍ରାଇଭ ମିଳିଛି । ଏଥିରେ ୩୦୦୦ ମହିଳାଙ୍କ ସେକ୍ସ ଭିଡିଓ ରହିଛି । ମହିଳାଙ୍କୁ ବ୍ଲାକମେଲ କରିବାକୁ ପ୍ରଜ୍ଜ୍ୱଳ ଏହାକୁ ବ୍ୟବହାର କରିଥିବା କୁହାଯାଉଛି । ସାଂସଦ ପ୍ରଜ୍ଜ୍ୱଳ ରେଭାନ୍ନା ଏହି ଭିଡିଓଗୁଡିକ ନକଲି କହି ପାଲଟା ଅଭିଯୋଗ ଦାୟର କରିଛନ୍ତି ।

ସେପଟେ କର୍ଣ୍ଣାଟକ ସରକାର ଏହି ମାମଲାର ଏସଆଇଟି ତଦନ୍ତ ନିର୍ଦ୍ଦେଶ ଦେଇଛନ୍ତି । ଘଟଣା ପରେ ପ୍ରଜ୍ବଳ ଫେରାର ଅଛନ୍ତି । ୩୪ ବର୍ଷୀୟ ପ୍ରଜ୍ବଳ ଦେଶ ଛାଡି ପଳାଇଥିବା କୁହାଯାଉଛି । କର୍ଣ୍ଣାଟକର ହାସନ ଲୋକସଭା ଆସନରୁ ପ୍ରଜ୍ଜ୍ୱଳ ରେଭାନ୍ନା ସାଂସଦ ପ୍ରାର୍ଥୀ ହୋଇଛନ୍ତି । ଏପ୍ରିଲ ୨୬ ତାରିଖରେ ଏହି ଆସନରେ ଭୋଟ ଗ୍ରହଣ ହୋଇଥିଲା । ଗତ ବର୍ଷ ସେପ୍ଟେମ୍ବର ମାସରେ ଜେଡିଏସ ଏନଡିଏ ମେଣ୍ଟରେ ଯୋଗ ଦେଇଥିଲା ।

#WATCH | On ‘obscene videos’ case involving JD(S) MP Prajwal Revanna, former Karnataka CM and JD(S) leader HD Kumaraswamy says, “…We are not going to protect him, we will take severe action but the government’s responsibility is more. Not only as an uncle but as a common man of… pic.twitter.com/Ejq6N1xsLM

— ANI (@ANI) April 30, 2024