ପ୍ରେମ ପାଇଁ ଛାଡ଼ି ଦେଲେ କୋଟି କୋଟି ଟଙ୍କା, ଏହି ସାଧାରଣ ଯୁବକଙ୍କୁ ବିବାହ କରିବାକୁ ଯାଉଛନ୍ତି ଜାପାନର ରାଜକୁମାରୀ
ଜାପାନର ରାଜକୁମାରୀ ମାକୋ ଆସନ୍ତା ମାସରେ ତାଙ୍କ ଭାବୀ ସ୍ୱାମୀଙ୍କୁ ବିବାହ କରିବାକୁ ଯାଉଛନ୍ତି। କିନ୍ତୁ ବିବାହ ଉତ୍ସବ ପାଇଁ ଏ ପର୍ଯ୍ୟନ୍ତ କୌଣସି ଯୋଜନା ହୋଇ ନାହିଁ। ତେବେ ଏହି ବିବାହ ଉପରେ ସାରା ବିଶ୍ୱର ନଜର ରହିଛି। କାରଣ ରାଜକୁମାରୀ ଯେଉଁ ବ୍ୟକ୍ତିଙ୍କୁ ବିବାହ କରୁଛନ୍ତି ସେ ଜଣେ ସାଧାରଣ ବ୍ୟକ୍ତି କେଇ କୋମୁରୋ, ଅର୍ଥାତ୍ ସେ ରାଜବଂଶର ନୁହନ୍ତି।
ରାଜମହଲ ପକ୍ଷରୁ ଶୁକ୍ରବାର ଏହି କଥା ଘୋଷଣା କରାଯାଇଛି ଯେ ରାଜକୁମାରୀଙ୍କ ଭାବୀ ଶାଶୁଙ୍କୁ ନେଇ ଆର୍ଥିକ ବିବାଦ ହେତୁ ଏହି ବିବାହକୁ ଜନସାଧାରଣ ସମ୍ପୂର୍ଣ୍ଣ ସମର୍ଥନ କରି ନାହାନ୍ତି। ବାସ୍ତବରେ, ରାଜକୁମାରୀଙ୍କ ଶାଶୁ ସମ୍ପର୍କିତ ବିବାଦ ଜାପାନର ରାଜ ପରିବାର ପାଇଁ ଲଜ୍ଜାର କାରଣ ପାଲଟିଛି, ଏଥିପାଇଁ ଏହି ବିବାହରେ ୩ରୁ ଅଧିକ ବର୍ଷ ବିଳମ୍ବ ଘଟିଛି | ସେପଟେ ରାଜକୁମାରୀଙ୍କ ପ୍ରେମିକ ତଥା ଭାବୀ ସ୍ୱାମୀ କେଇ କୋମୁରୋ ଗତ ସପ୍ତାହରେ ନ୍ୟୁୟର୍କରୁ ଜାପାନ ଫେରିଛନ୍ତି। ସେ ନ୍ୟୁୟର୍କରେ ଆଇନ ଅଧ୍ୟୟନ କରୁଥିଲେ।
ଏହି ପରିପ୍ରେକ୍ଷୀରେ ଇମ୍ପେରିଆଲ୍ ହାଉସହୋଲ୍ଡ ଏଜେନ୍ସି କହିଛି ଯେ ଏହି ଦମ୍ପତି ଅକ୍ଟୋବର ୨୬ରେ ସେମାନଙ୍କ ବିବାହ ପଞ୍ଜିକରଣ କରାଇବେ ଏବଂ ଏକ ସାମ୍ବାଦିକ ସମ୍ମିଳନୀ କରିବେ। ସେମାନେ ଚଳିତ ବର୍ଷ ଶେଷରେ ନ୍ୟୁୟର୍କରେ ଏକ ନୂତନ ଜୀବନ ଆରମ୍ଭ କରିବେ ବୋଲି ଆଶା କରାଯାଉଛି। ଏଜେନ୍ସି କହିଛି, ଲୋକମାନେ ସେମାନଙ୍କ ବିବାହରେ ଯୋଗ ଦେଉ ନ ଥିବାରୁ ଏହି ଦମ୍ପତିଙ୍କ ପାଇଁ କୌଣସି ବିବାହ ଭୋଜି କିମ୍ବା ରୀତିନୀତି ରଖାଯାଇ ନାହିଁ।
ରାଜପ୍ରାସାଦର ଅଧିକାରୀମାନେ କହିଛନ୍ତି କି, ରାଜକୁମାରୀ ମାକୋ ୧୫୦ ମିଲିୟନ ୟେନ୍ (୧.୩୫ ମିଲିୟନ ଡଲାର) କୁ ମଧ୍ୟ ଅସ୍ୱୀକାର କରି ଦେଇଛନ୍ତି, ଯାହା ପରେ ସେ ରାଜ ପରିବାର ଛାଡିବାର ଦାବିଦାର ହୋଇଛନ୍ତି। କହି ରଖୁଛୁ କି, ଦ୍ୱିତୀୟ ବିଶ୍ୱଯୁଦ୍ଧ ପରଠାରୁ ମାକୋ ରାଜ ପରିବାରର ପ୍ରଥମ ସଦସ୍ୟ ହେବେ, ଯାହାଙ୍କୁ ସାଧାରଣ ଲୋକ ସହିତ ବିବାହ କରିବାରେ ଟଙ୍କା ମିଳିବ ନାହିଁ |
ଏଜେନ୍ସି ଅନୁଯାୟୀ, ନିକଟରେ ରାଜକୁମାରୀଙ୍କ ମାନସିକ ସ୍ଥିତିକୁ ନେଇ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଥିଲା। ଡାକ୍ତର ଏହାକୁ traumatic stress disorder ବୋଲି କହିଥିଲେ। କହି ରଖୁଛୁ, ରାଜକୁମାରୀ ମାକୋ ସମ୍ରାଟ ନାରୁହିତୋଙ୍କ ଭାଣେଜୀ। ସେ ଏବଂ ତାଙ୍କ ପ୍ରେମିକ କୋମୁରୋ ଟୋକିଓର ଅନ୍ତର୍ଜାତୀୟ ଖ୍ରୀଷ୍ଟିଆନ ବିଶ୍ୱବିଦ୍ୟାଳୟରେ ଏକାଠି ଅଧ୍ୟୟନ କରିଥିଲେ। ୨୦୧୭ ସେପ୍ଟେମ୍ବରରେ ସେମାନେ ଘୋଷଣା କରିଥିଲେ ଯେ ଦୁହେଁ ଆସନ୍ତା ବର୍ଷ ବିବାହ କରିବେ। କିନ୍ତୁ ଦୁଇମାସ ପରେ ଆର୍ଥିକ ବିବାଦ ସାମ୍ନାକୁ ଆସିଥିଲା ଏବଂ ବିବାହ ହୋଇ ନ ଥିଲା।
