ସଫଳ ହେଲା କେସିଆର୍ଙ୍କ ହିପ୍ ରିପ୍ଲେସ୍ମେଣ୍ଟ ସର୍ଜରୀ, ସୂଚନା ଦେଲେ ବିଆର୍ଏସ୍ ନେତା
ବିଆର୍ଏସ୍ ନେତା ଦାସୋଜୁ ଶ୍ରବଣ ସୂଚନା ଦେଇଛନ୍ତି ଯେ ପୂର୍ବତନ ମୁଖ୍ୟମନ୍ତ୍ରୀ କେସିଆର୍ଙ୍କ ହିପ୍ ରିପ୍ଲେସମେଣ୍ଟ ସର୍ଜରୀ ସଫଳ ହୋଇଛି। କେସିଆର୍ ସମ୍ପୂର୍ଣ୍ଣ ସୁସ୍ଥ ଅଛନ୍ତି। ପାଖାପାଖି ଦେଢ଼ ଘଣ୍ଟା ମଧ୍ୟରେ ଡାକ୍ତରମାନେ ଗୁରୁତର ଅସ୍ତ୍ରୋପଚାର କରିଥିଲେ।
ହିପ୍ରେ ଆଘାତ ଯୋଗୁ ତେଲେଙ୍ଗାନାର ପୂର୍ବତନ ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓଙ୍କୁ ଗୁରୁବାର ରାତିରେ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା। ଏରାଭେଲିସ୍ଥିତ ତାଙ୍କ ବାସଭବନରେ ସେ ପଡ଼ିଯାଇଥିଲେ। ଏଥିରେ ତାଙ୍କ ହିପ୍ ଫ୍ରାକ୍ଚର ହୋଇଥିଲା। ଏହାପରେ ଡାକ୍ତରମାନେ ତାଙ୍କୁ ହିପ୍ ରିପ୍ଲେସମେଣ୍ଟ ସର୍ଜରୀ କରିବାକୁ ପରାମର୍ଶ ଦେଇଥିଲେ।
ବର୍ତ୍ତମାନ ବିଆର୍ଏସ୍ ନେତା ଦାସୋଜୁ ଶ୍ରବଣ ସୂଚନା ଦେଇଛନ୍ତି ଯେ ‘ପୂର୍ବତନ ମୁଖ୍ୟମନ୍ତ୍ରୀ କେସିଆର୍ଙ୍କ ହିପ୍ ରିପ୍ଲେସମେଣ୍ଟ ସର୍ଜରୀ ସଫଳ ହୋଇଛି। କେସିଆର୍ ସମ୍ପୂର୍ଣ୍ଣ ସୁସ୍ଥ ଅଛନ୍ତି। ଆମେ ଆଶା କରୁଛୁ ଯେ ତାଙ୍କୁ ତିନି ଦିନ ମଧ୍ୟରେ ହସ୍ପିଟାଲରୁ ଡିସଚାର୍ଜ କରାଯିବ। ପାଖାପାଖି ଦେଢ଼ ଘଣ୍ଟା ମଧ୍ୟରେ ଡାକ୍ତରମାନେ ଗୁରୁତର ଅସ୍ତ୍ରୋପଚାର କରିଥିଲେ। ତେଲେଙ୍ଗାନାର ୪ କୋଟି ଜନତା ଏବଂ ଈଶ୍ୱରଙ୍କ ଆଶୀର୍ବାଦ ହେତୁ ତାଙ୍କର ଅସ୍ତ୍ରୋପଚାର ସଫଳ ହୋଇଛି’।
ଏଥିପୂର୍ବରୁ ଡାକ୍ତରମାନେ କହିଥିଲେ କି, ବିଆର୍ଏସ୍ ମୁଖ୍ୟ କେସିଆର୍ ସମ୍ପୂର୍ଣ୍ଣ ସୁସ୍ଥ ହେବା ପାଇଁ ୮ ସପ୍ତାହ ସମୟ ଲାଗିବ। କେସିଆର୍ଙ୍କ ପୁଅ କିଟି ରାମା ରାଓ ‘ଏକ୍ସ’ରେ ପୋଷ୍ଟ କରି କହିଥିଲେ, ବାଥରୁମରେ ପଡ଼ିଯିବା କାରଣରୁ କେସିଆର୍ଙ୍କୁ ହିପ୍ ରିପ୍ଲେସମେଣ୍ଟ ସର୍ଜରୀ କରାଇବାକୁ ପଡ଼ିବ।
ସେପଟେ କେସିଆର୍ଙ୍କ ଅଫିସ୍ ତରଫରୁ ସୂଚନା ଦିଆଯାଇଛି ଯେ ପତ୍ନୀ ସୋଭମ୍ମା, ପୁଅ ରାମା ରାଓ, ଝିଅ କବିତା ଏବଂ ପରିବାରର ଅନ୍ୟ ସଦସ୍ୟମାନେ କେସିଆର୍ଙ୍କ ସହିତ ଅଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ତେଲେଙ୍ଗାନା ମୁଖ୍ୟମନ୍ତ୍ରୀ ରେଭନ୍ତ ରେଡ୍ଡୀ, କେନ୍ଦ୍ରମନ୍ତ୍ରୀ ତଥା ତେଲେଙ୍ଗାନା ବିଜେପି ଅଧ୍ୟକ୍ଷ ଜି କିଶନ ରେଡ୍ଡୀଙ୍କ ସମେତ ଅନେକ ନେତା ସେ ଜଲ୍ଦି ସୁସ୍ଥ ହେବା ନେଇ ପ୍ରାର୍ଥନା କରିଛନ୍ତି।
#WATCH | Hyderabad: BRS leader Dasoju Srravan says, “Former CM of Telangana and BRS party national leader KCR’s hip replacement surgery is successful. Almost in about 1 and a half hours, the doctors performed the most critical surgery. As for the reports of the doctors, the… pic.twitter.com/09pxF52gzi
— ANI (@ANI) December 8, 2023
