ଚାକିରି ପାଇଁ ଜମି ଦୁର୍ନୀତି ମାମଲା: ଲାଲୁଙ୍କ ପରିବାରକୁ ଆଶ୍ୱସ୍ତି, ବ୍ୟକ୍ତିଗତ ଭାବେ ୫୦ ହଜାର ଟଙ୍କାରେ ମିଳିଲା ଜାମିନ

ଚାକିରି ପାଇଁ ଜମି ଦୁର୍ନୀତି ମାମଲାରେ ଲାଲୁ ଯାଦବ, ରାବଡି ଦେବୀ ଏବଂ ତେଜସ୍ୱୀ ଯାଦବଙ୍କୁ ଜାମିନ ମିଳିଛି । ଦିଲ୍ଲୀର ରାଉସ୍ ଆଭେନ୍ୟୁ କୋର୍ଟରୁ ଜାମିନ ପ୍ରଦାନ କରାଯାଇଛି । ଏହି ତିନି ଜଣଙ୍କୁ ବ୍ୟକ୍ତିଗତ ଭାବେ ୫୦ ହଜାର ଟଙ୍କାର ଜାମିନ ପ୍ରଦାନ କରାଯାଇଛି ।

By Swagatika
Lalu
Image Credit: Twitter

ଚାକିରି ପାଇଁ ଜମି ଦୁର୍ନୀତି ମାମଲାରେ ଲାଲୁ ଯାଦବ, ରାବଡି ଦେବୀ ଏବଂ ତେଜସ୍ୱୀ ଯାଦବଙ୍କୁ ଜାମିନ ମିଳିଛି । ଦିଲ୍ଲୀର ରାଉସ୍ ଆଭେନ୍ୟୁ କୋର୍ଟରୁ ଜାମିନ ପ୍ରଦାନ କରାଯାଇଛି । ଏହି ତିନି ଜଣଙ୍କୁ ବ୍ୟକ୍ତିଗତ ଭାବେ ୫୦ ହଜାର ଟଙ୍କାର ଜାମିନ ପ୍ରଦାନ କରାଯାଇଛି । ଏହି ମାମଲାର ପରବର୍ତ୍ତୀ ଶୁଣାଣି ଅକ୍ଟୋବର ୧୬ରେ ହେବାକୁ ଯାଉଛି । ସିବିଆଇ ଚାର୍ଜସିଟ୍‌କୁ ନେଇ କୋର୍ଟ ପକ୍ଷରୁ ସମନ ଜାରି ହୋଇଥିଲା । କୋର୍ଟରେ ଆଜି ଲାଲୁ, ତେଜସ୍ୱୀ, ରାବଡି ଦେବୀ ସମେତ ଅନ୍ୟ ଅଭିଯୁକ୍ତ ହାଜର ହୋଇଥିଲେ ।

ସିବିଆଇ ୩ ଜୁଲାଇରେ ଦାଖଲ କରିଥିବା ଚାର୍ଜସିଟରେ ଲାଲୁ ଯାଦବ, ରାବଡି ଦେବୀ, ତେଜସ୍ୱୀ ଯାଦବଙ୍କ ସମେତ ୧୭ ଜଣଙ୍କ ନାମ ରହିଥିଲା । ଏହି ଚାର୍ଜସିଟରେ ପ୍ରଥମ ଥର ପାଇଁ ତେଜସ୍ୱୀଙ୍କ ନାମ ସାମ୍ନାକୁ ଆସିଥିଲା । କୋର୍ଟ ଅଭିଯୁକ୍ତଙ୍କୁ ହାଜର କରିବା ପରେ ବୟାନ ରେକର୍ଡ କରିଥିଲା । ଏହାପରେ ଏମାନଙ୍କ ମଧ୍ୟରୁ କିଛି ଜାମିନ ପାଇଁ ଯାଚିକା ଦାଖଲ କରିଥିଲେ । ମାମଲାର ଆଗାମୀ ଶୁଣାଣି ୧୬ ଅକ୍ଟୋବରରେ ହେବ ।

ସୂଚନାଯୋଗ୍ୟ, ୨୦୦୪ରୁ ୨୦୦୯ ଯାଏ ଲାଲୁ ରେଳ ମନ୍ତ୍ରୀ ଥିବା ବେଳେ ଶସ୍ତା ଦାମରେ ଜମି କିଣି ଏହା ବଦଳରେ ଲୋକଙ୍କୁ ରେଳବାଇରେ ଚାକିରି ଦେଇଥିବା ଅଭିଯୋଗ ହୋଇଥିଲା । ଚାକିରି ପାଇଁ ଜମି ମିଳିବା ପରେ ସେ ଏହାକୁ ନିଜ ପରିବାର ଲୋକଙ୍କ ନାଁରେ କରିଥିବା ଅଭିଯୋଗ ହୋଇଥିଲା । ୨୦୧୭ରେ ସିବିଆଇ ମାମଲାର ତଦନ୍ତ ଆରମ୍ଭ କରିଥିବା ବେଳେ ଇଡି ମଧ୍ୟ ମନି ଲଣ୍ଡରିଂ ମାମଲା ରୁଜୁ କରିଥିଲା ।