ଟିକଟକ ଭିଡିଓ ବନାଇବା ପାଇଁ ଡେଇଁଲେ ନାଳକୁ କିନ୍ତୁ ଫସିଗଲେ ପ୍ରବଳ ସ୍ରୋତରେ…
ଟିକଟକର ପାଗଳପଣ ଭାରତରେ ବର୍ତ୍ତମାନ ପର୍ଯ୍ୟନ୍ତ ଅନେକ ଲୋକଙ୍କର ଜୀବନ ନେଇସାରିଛି ଏବଂ କିଛିଲୋକ ଜାଣିଶୁଣି ନିଜ ମୃତ୍ୟୁକୁ ଆଦରି ନେଉଛନ୍ତି । ଏପରି କିଛି ଘଟଣା ଘଟିଛି ମଧ୍ୟପ୍ରଦେଶରେ। ଏଠାରେ ଜଣେ ଯୁବକ ଟିକଟକ ଭିଡିଓ ବନାଇବା ଚକ୍କରରେ ଏକ ଭରା ନାଳକୁ ଡେଇଁ ପଡ଼ିଥିଲେ ଏବଂ କିଛି ଦୂର ଯିବାପରେ ପୋଲର ପ୍ରବଳ ସ୍ରୋତରେ ଫସି ଯାଇଥିଲେ । ଆସନ୍ତୁ ଜାଣିବା ସମ୍ପୂର୍ଣ ଘଟଣା..
ଏହି ଘଟଣାଟି ମଧ୍ୟପ୍ରଦେଶ ନିମଚ ଜିଲ୍ଲାର ମାନସ ଗ୍ରାମର ଅଟେ । ଏଠାରେ ଜଣେ ଯୁବକ ଟିକଟକ ଭିଡିଓ ବନାଇବା ପାଇଁ ପ୍ରବଳ ବର୍ଷା ସମୟରେ ଏକ ନାଳକୁ ଡେଇଁ ପଡ଼ିଥିଲେ । ଏହାପରେ ପ୍ରବଳ ସ୍ରୋତ କାରଣରୁ କିଛି ଦୂର ଯାଇ ଏକ ପୋଲରେ ଫସିଯାଇଥିଲେ ଯେଉଁଥିରୁ ତାଙ୍କୁ ବହୁତ କଷ୍ଟରେ ଉଦ୍ଧାର କରାଯାଇଥିଲା । ତାଙ୍କର ଭିଡିଓ ବନାଉଥିବା ଅନ୍ୟଜଣେ ଯୁବକ ପ୍ରଥମେ ବୁଝିପାରିନଥିଲେ ଯେ ସେ ବୁଡି ଯାଉଛନ୍ତି ବୋଲି କିନ୍ତୁ ଯେତେବେଳେ ତାଙ୍କୁ ଲାଗିଲା କି ସେ ବୁଡ଼ିଯାଉଛନ୍ତି ସେତେବେଳେ ସେ ଅନ୍ୟ ଲୋକମାନଙ୍କ ସାହାଯ୍ୟ ନେଇ ତାଙ୍କୁ ଉଦ୍ଧାର କରିଥିଲେ ।
ଉଦ୍ଧାର ହୋଇଥିବା ଯୁବକଙ୍କ ନାମ ପପୁ ସିଂ ଅଟେ ଏବଂ ସେ ମହାଗଢ଼ର ନିବାସୀ ଅଟନ୍ତି । ସୂଚନା ଅନୁଯାୟୀ ପପୁ ଦିନ ପ୍ରାୟ ୧୦ଟା ସମୟରେ ଏକ ଟିକଟକ ଭିଡିଓ ବନାଇବା ପାଇଁ ଦେୱରୀ ଖବାସା ଏବଂ ମହାଗଢ଼ ମଧ୍ୟରେ ଥିବା ଏକ ଭରା ନାଳକୁ ଡେଇଁ ପଡ଼ିଥିଲେ । ଏହା ପ୍ରଥମ ଘଟଣା ନୁହେଁ ଟିକଟକ ବନାଇବା ଚକ୍କରରେ କେହି ବିପଦରେ ପଡିଛି । ପୂର୍ବରୁ ମଧ୍ୟ ମହାରାଷ୍ଟ୍ରରେ ଟିକଟକ ଭିଡିଓ ବନାଇବା ସମୟରେ ଜଣେ ଯୁବକଙ୍କର ମୃତ୍ୟୁ ଘଟିଥିଲା । ଯୁବକ ଜଣକ ନିଜ ବନ୍ଧୁମାନଙ୍କ ସହିତ ଟିକଟକ ଭିଡିଓ ବନାଉଥିଲେ ।ଏହି ସମୟରେ ସେ ହାତରେ ଏକ ଦେଶୀ ବନ୍ଧୁକ ଧରିଥିଲେ ଏବଂ ଭିଡିଓ ବନାଇବା ସମୟରେ ଭୁଲରେ ଗୁଳି ଚାଳନା ହୋଇଯିବାରୁ ନିଜ ଜୀବନ ହରାଇଥିଲେ।
