ଭଦ୍ରତା ଭୁଲିଗଲେଣି ଇମ୍ରାନଙ୍କ ବିଧାୟକ, ବିଧାନସଭା ଭିତରେ ଡେପୁଟି ସ୍ପିକରଙ୍କୁ ମାରିଲେ ଚାପୁଡ଼ା
ପାକିସ୍ତାନର ପଞ୍ଜାବ ରାଜ୍ୟରେ ଅବସ୍ଥିତ ବିଧାନସଭାରେ ଶନିବାର ଏକ ଭୟଙ୍କର ସ୍ଥିତି ସୃଷ୍ଟି ହୋଇଛି । ଏମିତି ଗଣ୍ଡଗୋଳିଆ ସ୍ଥିତି ସୃଷ୍ଟି ହୋଇଛିଯେ ଯାହାକୁ ସମ୍ଭାଳିବା କଷ୍ଟ ହୋଇପଡ଼ିଥିଲା । ଇମ୍ରାନ ଖାନଙ୍କ ଦଳ ପିଟିଆଇ ନେତାମାନେ ଡେପୁଟି ସ୍ପିକରଙ୍କ ଉପରେ ଆକ୍ରମଣ କରିଛନ୍ତି । ଆଉ ଏହି ଆକ୍ରମଣରେ ଡେପୁଟି ସ୍ପିକରଙ୍କ ସାଙ୍ଗ ମହମ୍ମଦ ମଜରୀଙ୍କୁ ଗଭୀର ଭାବରେ ଆଘାତ ଲାଗିଛି । ଶୁଣାଯାଉଛିକି ପିଟିଆଇ ବିଧାୟକମାନେ ଡେପୁଟି ସ୍ପିକର ଜଣଙ୍କୁ ଚାପୁଡ଼ା ମାରିବା ସହିତ ଡେପୁଟି ସ୍ପିକରଙ୍କ ସାଙ୍ଗ ମହମ୍ମଦ ମଜରୀ ସଦନର ଅଧ୍ୟକ୍ଷତା କରିବାକୁ ଆସନ୍ତେ ତ ଇମ୍ରାନ ଖାନଙ୍କ ପାର୍ଟି ପିଟିଆଇର ବିଧାୟକ ମାନେ ତାଙ୍କ ସହ ଅଚାନକ ମାରପିଟ କରିଥିଲେ । ମିଳିଥିବା ସୂଚନା ଅନୁସାରେ ବିଧାୟକ ମାନେ ତାଙ୍କ ଉପରେ ଲୋଟା ଫୋପାଡ଼ିଥିଲେ । ସେ ସମୟରେ ସେଠାରେ ସିକ୍ୟୁରିଟି ଗାର୍ଡ ମାନେ ବି ମହଜୂତ ଥିଲେ । ବିଧାନସଭା ଅଧିବେଶନ ସକାଳ ୧୧.୩୦ ମିନିଟ ସମୟରେ ଆରମ୍ଭ ହେବାକୁ ଥିବାବେଳେ ପିଟିଆଇ ସଦସ୍ୟ ମାନେ ଉପସ୍ଥିତ ନଥିବାରୁ ଏହାକୁ ସ୍ଥଗିତ ରଖାଯାଇଥିଲା ।
PTI is the worst thing that happened to Pakistan and it’s democracy. #PunjabAssembly pic.twitter.com/t8UxJxBicT
— Sania Ashiq (@SaniaaAshiq) April 16, 2022
ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ, ପିଟିଆଇ ବିଧାୟକମାନେ ନିଜ ସହ ଲୋଟା ନେଇ ଆସିଥିଲେ ଆଉ ଏହା ପରେ ନିଜ ନିଜ ଭିତରେ ଲୋଟା ଲୋଟା ଚିଲ୍ଲେଇବାକୁ ଲାଗିଲେ । ଏମାନେ ପ୍ରକୃତରେ ସେହି ନେତା ମାନଙ୍କୁ ଟାର୍ଗେଟ କରିଥିଲେ ଯେଉଁମାନେ ଇମ୍ରାନଙ୍କ ପାର୍ଟି ଛାଡି ବିପକ୍ଷ ଦଳର ସମର୍ଥନ କରିଥିଲେ ।
ଲାହୋର ହାଇକୋର୍ଟଙ୍କ ଆଦେଶ ପରେ ପଞ୍ଜାବରେ ନୂଆ ମୁଖ୍ୟମନ୍ତ୍ରୀଙ୍କୁ ଚୟନ କରାଯିବା ନେଇ ଏକ ଅଧିବେଶନ ଡକାଯାଇଥିଲା । ଏଠାରେ ହମଜା ଶାହବାଜ ଓ ଚୌଧୁରୀ ପରବେଜଙ୍କ ମଧ୍ୟରେ ମୁକାବିଲା ହବାର ଥିଲା । ଯେଉଁ ସ୍ଥାନରେ ନୂଆ ମୁଖ୍ୟମନ୍ତ୍ରୀଙ୍କ ଚୟନ ହେବାର ଥିଲା ତାହାର ଅଧ୍ୟକ୍ଷତା ମହମ୍ମଦ ମଜରୀ କରୁଥିଲେ ବୋଲି ଜଣାଯାଇଛି ।
