ବାରମ୍ବାର ବିଦ୍ୟୁତ କାଟ୍କୁ ନେଇ କଟିହାରରେ ହିଂସା, ପୋଲିସ ଗୁଳିରେ ଜଣେ ମୃତ
ବିହାର କଟିହାରେ ବିଦ୍ୟୁତ କାଟିବା ବିରୋଧରେ ପ୍ରଦର୍ଶନ କରୁଥିବା ଲୋକଙ୍କ ଉପରକୁ ପୋଲିସ ଗୁଳିଚାଳନା କରିଛି । ଫଳରେ ଜଣେ ଲୋକଙ୍କର ପ୍ରାଣ ଚାଲିଯାଇଥିବା ବେଳେ ୨ ଜଣ ଗୁରୁତର ରହିଛନ୍ତି ।
ବିହାର କଟିହାରରେ ପୋଲିସ ଗୁଳିରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି । ଘଟଣାରେ ଦୁଇ ଜଣ ଗୁରୁତର ଆହତ ହୋଇଛନ୍ତି । ବାରମ୍ବାର ବିଦ୍ୟୁତ କାଟ ହେଉଥିବାରୁ ବହୁତ ସଂଖ୍ୟାରେ ଲୋକ ବାରସାଇ କାର୍ଯ୍ୟାଳୟରେ ବିରୋଧ ପ୍ରଦର୍ଶନ କରୁଥିଲେ । ଏହି ସମୟରେ ଲୋକ ହଠାତ୍ ଉତ୍ତେଜିତ ହୋଇଯାଇଥିଲେ । ଏହା ପରେ ପୋଲିସ ଏମାନଙ୍କୁ ନିୟନ୍ତ୍ରଣ କରିବା ପାଇଁ ଲାଠି ଚାର୍ଜ କରିବା ସହିତ ଗୁଳି ଚାଳନା କରିଥିଲା ।
ପୋଲିସ ଗୁଳି ଚାଳନାରେ ୩ ଜଣଙ୍କୁ ଗୁଳି ବାଜିଥିଲା । ସ୍ଥାନୀୟ ଲୋକ ଦୁଇ ଜଣ ଲୋକ ମରିଛନ୍ତି ବୋଲି କହୁଥିବା ବେଳେ ପୋଲିସ ଜଣଙ୍କର ମୃତ୍ୟୁ ହୋଇଥିବା କହିଛି । ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି । ଜିଲ୍ଲାର ବରିଷ୍ଠ ଅଧିକାରୀ ଘଟଣା ସ୍ଥଳରେ ପହଞ୍ଚିଛନ୍ତି ।
Bihar: A clash broke out between locals & Police in Kathihar during a protest against the electricity department
People pelted stones and vandalised the office of the Electricity Department. One person has died and 2 are injured in this incident. DM and SP present on the spot:… pic.twitter.com/q47B9cOXux
— ANI (@ANI) July 26, 2023
ଏହି ଘଟଣାରେ ଭିଡିଓ ସାମ୍ନାକୁ ଆସିଛି । ଯେଉଁଥିରେ ଲୋକ ରକ୍ତ ଜୁଡୁବୁଡୁ ହୋଇ ତଳେ ପଡିଥିବାର ଦେଖିବାକୁ ମିଳିଛନ୍ତି । ଗୁଳିରେ ପ୍ରାଣ ହରାଇଥିବା ବ୍ୟକ୍ତି ନାମ ମୋହମ୍ମଦ ଖୁର୍ସିଦ । ଘଟଣାରେ ଆହତ ହୋଇଥିବା ବ୍ୟକ୍ତିଙ୍କୁ ସିଲିଗୁଡିରେ ଚିକିତ୍ସା କରାଯାଉଛି । ଉତ୍ତେଜିତ ଲୋକେ ପୋଲିସ ଉପରକୁ ପଥର ମାଡ କରିଥିବାର ଅଭିଯୋଗ ମଧ୍ୟ ହୋଇଛି । ଫଳରେ ପୋଲିସ ଗୁଳି ଚାଳନା କରିଥିଲା ।
