ପୁଞ୍ଚ୍ରେ ସେନା ଉପରେ ଆକ୍ରମଣ ପଛରେ ପାକିସ୍ତାନୀ ଆତଙ୍କବାଦୀ, ୭ ଆତଙ୍କବାଦୀ ୨ଟି ଗ୍ରୁପରେ ଭାଗ ହୋଇ କରିଥିଲେ ଆକ୍ରମଣ
ଜମ୍ମୁ କାଶ୍ମୀରରେ ସକ୍ରିୟ ଥିବା ଜୈଶ ଓ ଲସ୍କର ଆତଙ୍କବାଦୀଙ୍କ ସହାୟତାରେ ହମ୍ଲା କରିଥିଲେ। ହମଲା କରିଥିବା ଆତଙ୍କବାଦୀମାନେ ପାକିସ୍ତାନ ନେସନାଲିଷ୍ଟ ଗ୍ରୁପର ବୋଲି ଗୁଇନ୍ଦା ସୂତ୍ରରୁ ଜଣାପଡ଼ିଛି।
କେନ୍ୟୁଜ୍(ବ୍ୟୁରୋ): ପୁଂଛରେ ସେନା ଉପରେ ଆକ୍ରମଣ ପଛରେ ପାକିସ୍ତାନୀ ଆତଙ୍କବାଦୀ । ୭ ଆତଙ୍କବାଦୀ ଦୁଇଟି ଗ୍ରୁପରେ ବିଭକ୍ତ ହୋଇ ଆକ୍ରମଣ କରିଥିଲେ। ଜମ୍ମୁ କାଶ୍ମୀରରେ ସକ୍ରିୟ ଥିବା ଜୈଶ ଓ ଲସ୍କର ଆତଙ୍କବାଦୀଙ୍କ ସହାୟତାରେ ହମ୍ଲା କରିଥିଲେ। ହମଲା କରିଥିବା ଆତଙ୍କବାଦୀମାନେ ପାକିସ୍ତାନ ନେସନାଲିଷ୍ଟ ଗ୍ରୁପର ବୋଲି ଗୁଇନ୍ଦା ସୂତ୍ରରୁ ଜଣାପଡ଼ିଛି।
ଭାୟା ରାଜୌରୀ ଓ ପୁଂଛ ଦେଇ ପିଓକେ ବାଟେ ଭାରତ ସୀମାରେ ପଶିଥିଲେ ଏମାନେ । ଗତକାଲି ବର୍ଷା ଓ ଘଡ଼ଘଡ଼ିର ସୁଯୋଗ ନେଇ ଜମ୍ମୁ ପୁଂଛ ରାଜପଥରେ ଆର୍ମୀ ଟ୍ରକ ଉପରେ ଗ୍ରେନେଡ ଆକ୍ରମଣ କରିଥିଲେ । ଏହା ସହ ଗାଡ଼ି ଚାରିପଟୁ ପ୍ରାୟ ୨ ଡଜନ ବୁଲେଟ ମାଡ଼ କରିଥିଲେ । ହୁହୁ ହୋଇ ଜଳି ଯାଇଥିଲା ଗାଡ଼ି। ଏଥିରେ ୫ ଜଣ ଯବାନ ଜୀବନ୍ତ ଦଗ୍ଧ ହୋଇଥିଲେ ।
ସହିଦ ଯବାନଙ୍କ ମଧ୍ୟରେ ୪ ଜଣ ପଞ୍ଜାବର ହୋଇଥିବା ବେଳେ ଜଣେ ଓଡ଼ିଶାର । ସହିଦମାନେ ରାଷ୍ଟ୍ରୀୟ ରାଇଫଲ ୟୁନିଟର ଯବାନ। ଏମାନେ କାଉଣ୍ଟର ଟେରରିଷ୍ଟ ଅପରେସନରେ ସାମିଲ ଥିଲେ । ଆତଙ୍କୀ ହମଲା ପରେ ଜୋରଦାର ଚାଲିଛି ସର୍ଚ୍ଚ ଅପରେସନ । କିଛି ଆତଙ୍କବାଦୀ ସ୍ଥାନୀୟ ଗାଁ ଭିତରେ ଲୁଚି ରହିଥିବା ସୂଚନା ମିଳିଛି । ସେନା ଓ ସୁରକ୍ଷାକର୍ମୀ ଅପରେସନର ଜୋରଦାର କରିଛନ୍ତି । ସର୍ଚ୍ଚ ଅପରେସନରେ ସେନା ସହ ପୋଲିସ ଓ ଗୁଇନ୍ଦା ଏଜେନ୍ସି ସାମିଲ ହୋଇଛି। ଅପରେସନରେ ସ୍ନାଇଫର ଡଗ, ଡ୍ରୋନ୍ କ୍ୟାମେରା, ହେଲିକପ୍ଟର ନିୟୋଜିତ କରାଯାଇଛି। ତଦନ୍ତ ପାଇଁ ଘଟଣା ସ୍ଥଳରେ ଏନଆଇଏ ଟିମ୍ ପହଞ୍ଚିଛି। ଫରେନସିକ ଟିମ ବି ତଦନ୍ତରେ ସାମିଲ ହୋଇଛି।
